ஐ.எஸ்.ஐ.எஸ் தீவிரவாத கும்பலுடன் தொடர்புடைய 9 ஸ்லீப்பர் செல்ஸ்கள் கைது.!

ஐ.எஸ்.ஐ.எஸ் தீவிரவாத கும்பல்

கைது செய்யப்பட்ட சல்மான் கான், ஃபாஹத் ஷா, ஜமீன் குடபடி, மொஸ்சென் கான், முகம்மது மஸர் ஷேக், டாக்கி கான், சர்ஃபராஸ் அஹமது, ஸாஹித் ஷேக் மற்றும் 17 வயதான சிறுவன் என அனைவரும் ஐ.எஸ்.ஐ.எஸ் தீவிரவாத கும்பலுடன் தொடர்புடையவர்கள் என்பது உறுதிப்படுத்தப்பட்டுள்ளது.

சகோதரர்கள்

இந்த இளைஞர்களில் சல்மான், மொஹெசென் மற்றும் டாக்கி என்ற மூன்று பேர் சகோதரர்கள் ஆவர். இளைஞர்களைத் தேடி, அவர்களைப் பணியமர்த்துபவர்களாகவும் இவர்கள் செயல்பட்டு வந்ததும் உறுதிப்படுத்தப்பட்டுள்ளது.

ஹார்ட் டிரைவ், செல் போன், சிம் கார்டு பறிமுதல்

இவர்களை ஒருவாரமாக நோட்டம்விட்டு வந்த அதிகாரிகள் நேற்று அதிகாலை ஒரே நேரத்தில் 9 பேரின் இருப்பிடத்தில் சோதனை செய்து கைது செய்துள்ளார். இவர்களிடமிருந்து ரசாயனங்கள் பவுடர், ஹார்ட் டிரைவ், செல் போன், சிம் கார்டு, அமிலம், கத்தி எனப் பல பொருட்களைக் கைப்பற்றியுள்ளனர்.

அனைவரும் பட்டதாரிகள்

இவர்கள் அனைவரும் கணினி பொறியியலாளர், சிவில் பொறியாளர் மற்றும் மருத்துவ பிரதிநிதி எனப் பல முன்னணி தனியாரின் நிறுவனங்களில் பணிபுரியும் பணியாளர்கள் எனத் தெரியவந்துள்ளது. இவர்களில் 17 வயது சிறுவன் மின்னணு மற்றும் சைபர் விஞ்ஞானத்தில் டிப்ளமோ முடித்த பட்டதாரி என்பதும் குறிப்பிடத்தக்கது.

வாட்ஸ் ஆப் மற்றும் டார்க் நெட்

இவர்களின் வாட்ஸ் ஆப் மற்றும் ஸ்னாப்சாட்டிலிருந்த பல சாட்கள் மற்றும் அவர்களின் மின் அஞ்சல்களையும் அதிகாரிகள் சோதனை செய்துள்ளனர். குற்றவாளிகள் அனைவரும் டார்க் நெட் பயன்படுத்தி ஒருவருக்கொருவர் தொடர்பு கொண்டுள்ளனர் என்பதும் உறுதிப்படுத்தப்பட்டுள்ளது.