ஸ்டீபன் ஹாக்கிங்-ன் கடைசி ஆய்வுக்கட்டுரை : பிரபஞ்சத்தின் தொடக்கத்திற்கு முடிவு?

ஹாக்கிங் மற்றும் ஹர்டாக்

ஸ்ட்ரிங் கோட்பாட்டின் அடிப்படையில், ஹாக்கிங் மற்றும் ஹர்டாக் இருவரும் எடனர்ல் இன்ப்ளேசன் என்ற ஒன்று இல்லை மற்றும் ஒரே ஒரு பிரபஞ்சம் மட்டுமே உள்ளது என்று வாதிடுகின்றனர். ஆனால் அவர்கள் இன்னும் அடிப்படையான ஒரு விசயத்தை வைத்து நமது பிரபஞ்சம் ஒற்றை தருணத்தில் உருவானது இல்லை என்று கூறுகின்றனர்.

காஸ்மிக் இன்ப்ளேசன் என்றால் என்ன?

காஸ்மிக் இன்ப்ளேசன் என்பது பிரபஞ்சம் உருவான அந்த நொடியில் இருந்து அதை விரிவாக்கும் வகையில் தொடர்ந்து நடைபெற்றுவரும் நீடித்த வளர்ச்சியாகும். 1979 ஆம் ஆண்டு அமெரிக்க தத்துவவியலாளரான ஆலன் குத், பெருவெடிப்பிற்கு பின்னர் விண்வெளி நீட்டிக்கப்பட்டு, பின்னர் குறைவதற்கு முன்னர் பிரபஞ்சத்தின் அளவை மீண்டும் மீண்டும் குறைந்தது 60 தடவை இருமடங்கு அதிகமாக்கியது தான் இன்ப்ளேசன் என்கிறார்.

இதில் விசித்திரமான என்ன?

ஏன் பிரபஞ்சம் முழுவதும் ஒரு சீராக உள்ளது என்ற முக்கியமான புதிருக்கு இன்ப்ளேசன் விடையளித்துள்ளது. உதாரணமாக, பெருவெடிப்பிற்கு பின்னர் விண்வெளி முழுதும் கதிரியகத்தால், அதாவது காஸ்மிக் மைக்ரோவேவ் பின்புலத்தால் நிரம்பியுள்ளது. இது விண்வெளியின் எல்லா இடங்களிலும் ஒரே வெப்பநிலையை கொண்டுள்ளது. பிரபஞ்சத்தின் ஒரு புள்ளியில் இருந்து மற்றொன்றிற்கு செல்ல 13.8 மில்லியன் ஆண்டுகள் ஆகும் நிலைமில் இது விசித்திரமான ஒன்றாகும்.

எடர்னல் இன்ப்ளேசன் என்றால் என்ன?

இங்கு தான் இன்ப்ளேசன் என்ற கோட்பாடு பிரச்சினைகள் சந்திக்கிறது. எந்த குறிப்பிட்ட காரணமும் இல்லாமல் திடீரென இன்ப்ளேசன் நிற்கும் என்ற யோசனையை இயற்பியலாளர்கள் விரும்பவில்லை. இன்ப்ளேசன் எதன் மூலம் நடைபெறுகிறது மற்றும் எதனால் அது நின்றது என்பதற்கு வழிமுறையை வகுக்க அவர்கள் விரும்புகின்றனர். பின்னரே ஒரு குவாண்டம் புலம் இதனை இயக்குகிறது என முடிவுக்கு வருகின்றனர்.