மோட்டோ ஜி4 மற்றும் ஜி4 ப்ளஸ் இந்தியாவில் வெளியானது.!!

1

மோட்டோரோலா நிறுவனம் மோட்டோ ஜி4 மற்றும் ஜி4 ப்ளஸ் என இரு கருவிகளை இந்தியாவில் அறிமுகம் செய்துள்ளது.

2

அம்சங்களை பொருத்த வரை இரு கருவிகளிலும் 5.5 இன்ச் ஃபுல் எச்டி திரை 1920*1080 பிக்சல் ரெசல்யூஷன் மற்றும் கார்னிங் கொரில்லா கிளாஸ் வசதியும் வழங்கப்பட்டுள்ளது.

3

ஜி4 மற்றும் ஜி4 ப்ளஸ் கருவிகளில் 1.2 ஜிகாஹெர்ட்ஸ் ஆக்டா கோர் 64-பிட் ஸ்னாப்டிராகன் 617 பிராசஸர் வழங்கப்பட்டுள்ளது.

4

இரு மோட்டோ கருவிகளிலும் வைடு ஆங்கிள் லென்ஸ் கொண்ட 5 எம்பி முன்பக்க கேமரா மற்றும் ஆம்னிவிஷன் சென்சார் வழங்கப்பட்டுள்ளது. மோட்டோ ஜி4 கருவியில் 13 எம்பி ப்ரைமரி கேமராவும், டூயல்-டோன் எல்இடி ப்ளாஷ், மோட்டோ ஜி4 ப்ளஸ் கருவியில் 16எம்பி ப்ரைமரி கேமரா மற்றும் டூயல்-டோன் எல்இடி ப்ளாஷ் வழங்கப்பட்டுள்ளது.

5

இதோடு 4ஜி எல்டிஇ, வை-பை, ப்ளூடூத் 4.1, ஜிபிஎஸ், 3.5 எம்எம் ஆடியோ ஜாக் போன்ற கனெக்டிவிட்டி ஆப்ஷன்களும் 3000 எம்ஏஎச் பேட்டரியும் வழங்கப்பட்டுள்ளது. இதோடு இதன் டர்போ சார்ஜிங் அம்சம் மூலம் 15 நிமிடம் சார்ஜ் செய்தால் 6 மணி நேரம் பேக்கப் பெற முடியும் என்றும் தெரிவிக்கப்பட்டுள்ளது.

6

மோட்டோ ஜி4 கருவியில் 2ஜிபி ரேம், 16 ஜிபி ரோம் மற்றும் மெமரியை கூடுதலாக 128 ஜிபி வரை நீட்டிக்கும் வசதியும் வழங்கப்பட்டுள்ளது. மோட்டோ ஜி4 ப்ளஸ் கருவியை பொருத்த வரை 2ஜிபி ரேம் 16 ஜிபி இன்டர்னல் மெமரியும், 3ஜிபி ரேம் மற்றும் 32 ஜிபி இன்டர்னல் மெமரியும் மெமரியை கூடுதலாக 128 ஜிபி வரை நீட்டிக்கும் வசதியும் வழங்கப்பட்டுள்ளது.

7

மோட்டோ ஜி4 ப்ளஸ் கருவியில் கைரேகை சென்சார் வழங்கப்பட்டிருப்பதோடு மோட்டோ ஜி4 மற்றும் ஜி4 ப்ளஸ் கருவிகளில் ஆண்ட்ராய்டு 6.0.1 மார்ஷ்மல்லோ இயங்குதளமும் வழங்கப்பட்டுள்ளது.

8

மோட்டோ ஜி4 ப்ளஸ் (2ஜிபி ரேம்+16ஜிபி மெமரி) ரூ.13,499 மற்றும் (3ஜிபி ரேம்+32ஜிபி மெமரி) ரூ.14,999க்கும் விற்பனை செய்ய திட்டமிடப்பட்டுள்ளது. இந்த கருவிகள் கருப்பு மற்றும் வெள்ளை நிறங்களில் கிடைக்கின்றதோடு இவை இரண்டும் அமேசான் தளத்தில் மட்டும் பிரத்யேகமாக விற்பனை செய்யப்படுகின்றது.

9

திடீரென நீக்கப்பட்ட வீடியோ கால் அம்சம், ஏமாற்றத்தில் வாட்ஸ்ஆப் வாசிகள்.!!

ஐபோன் 7 ரகசியமாய் கசிந்த 7 அம்சங்கள்.!!

10

இது போன்ற தொழில்நுட்பம் மற்றும் உலகின் வினோத தகவல்களை முகநூலில் படிக்க தமிழ் கிஸ்பாட் முகநூல் பக்கம்.