இது நம்ம List-லயே இல்லையே.. 10-இன்ச் டிஸ்பிளேவுடன் Samsung-ன் புதிய G சீரீஸ் போன்.. தலை சுற்றும் விலை!

சாம்சங் கேலக்ஸி அன்பேக்டு 2025 (Samsung Galaxy Unpacked 2025) வெளியீட்டு நிகழ்வானது வருகிற ஜூலை 9 ஆம் தேதி நடைபெற உள்ளது. இந்நிகழ்வில் நிச்சயமாக சாம்சங் நிறுவனத்தின் 2 நெக்ஸ்ட் ஜெனரேஷன் போல்டபிள் ஸ்மார்ட்போன்கள் அறிமுகமாவது உறுதி. அவைகள் கேலக்ஸி இஸட் போல்ட் 7 மற்றும் கேலக்ஸி இஸட் பிளிப் 7 மாடல்கள் ஆகும்.

தற்போது வரையிலாக, சாம்சங் நிறுவனம் அதன் கேலக்ஸி இஸட் போல்ட் 7 (Galaxy Z Fold 7) மாடலை மட்டுமே டீஸ் செய்துள்ளது. நிச்சயம் இது தனியாக அறிமுகம் செய்யப்படாது; கூடவே கேலக்ஸி இஸட் பிளிப் 7 (Galaxy Z Flip 7) மாடலும் அறிமுகமாகும். ஆக இவ்விரு மாடல்களும் நிச்சயமாக ஜூலை 9 நடக்கும் நிகழ்வில் வெளியாவது உறுதி!

ஆனால் இந்நிகழ்வில் "வழக்கத்திற்கு மாறான" மேலும் 2 புதிய போல்டபிள் ஸ்மார்ட்போன்களும் அறிமுகம் செய்யப்படலாம் என்று எதிர்பார்க்கப்படுகிறது. ஒன்று - மலிவு விலையிலான கேலக்ஸி இஸட் பிளிப் 7 எப்இ (Galaxy Z Flip 7 FE) மாடல். மற்றொன்று - சாம்சங் நிறுவனத்தின் முதல் ட்ரை-போல்ட் ஸ்மார்ட்போன் (Samsung's First Tri-Fold Smartphone)!

நேற்று (ஜூலை 3), நன்கு அறியப்பட்ட ஸ்மார்ட்போன் கேஸ் உற்பத்தியாளரான ஸ்பைஜென் (Spigen) ஆனது தற்செயலாக கேலக்ஸி இசட் ஃபிளிப் 7 மற்றும் கேலக்ஸி இசட் ஃபிளிப் 7 எப்இ ஆகிய இரண்டிற்குமான கேஸ்களை அதன் வலைத்தளத்தில் பட்டியலிட்டடு, புதிய எப்இ மாடலின் அறிமுகத்தை கிட்டத்தட்ட உறுதிப்படுத்தி இருந்த நிலையில், தற்போது சாம்சங்கின் ட்ரை-போல்ட் ஸ்மார்ட்போனின் விலை மற்றும் அம்சங்கள் ஆன்லைனில் லீக் ஆகியுள்ளன.

சாம்சங் ட்ரை-போல்ட் ஸ்மார்ட்போன் என்ன விலைக்கு (Samsung Tri Fold Smartphone Price Expected) அறிமுகம் செய்யப்படலாம்? தென் கொரியாவிலிருந்து வந்த ஒரு அறிக்கையின்படி, சாம்சங்கின் முதல் ட்ரை-போல்ட் ஸ்மார்ட்போன் ஆனது "வானளாவிய" விலை நிர்ணயத்தை பெறும். உள்ளூரில் இது இந்திய ரூபாய் மதிப்பின்படி சுமார் ரூ.2,56,500 க்கு விற்பனை செய்யப்படும் என்று எதிர்பார்க்கப்படுகிறது.

இது கேலக்ஸி இஸட் போல்ட் 6 மாடலின் விலையை விட கிட்டத்தட்ட இரண்டு மடங்கு அதிகமாகும். இருப்பினும் இது தென் கொரிய மற்றும் சீன சந்தைகளில் மட்டுமே விற்பனைக்கு வரும் என்று கூறப்படுகிறது. அதாவது இந்தியா உட்பட மற்ற உலகளாவிய சந்தைகளில் அறிமுகம் செய்யப்படாமல் போகலாம்.

சாம்சங் ட்ரை-போல்ட் ஸ்மார்ட்போன் என்னென்ன அம்சங்களை (Samsung Tri Fold Smartphone Design Specifications Expected) பேக் செய்யலாம்? ஆண்ட்ராய்டு அத்தாரிட்டி வழியாக கிடைத்த தகவலின்படி, சில ஸ்கெட்ச்களும் அதனுடன் இணைந்த அனிமேஷன் வீடியோவும் வெளிவந்துள்ளன. இது சாம்சங்கின் ட்ரை-போல்ட் ஸ்மார்ட்போனை பற்றிய ஒரு பார்வையை நமக்கு வழங்குகிறது.

இதன்கீழ் சாம்சங் ட்ரை-போல்ட் ஸ்மார்ட்போன் ஆனது தனித்துவமான டூயல்-கீல் மெக்கானிஸத்தை பயன்படுத்தும். இது இருபுறமும் உள்நோக்கி மடியும்படியான வடிவமைப்பாகும். இதன் விளைவாக ஜி-வடிவ கான்பிகரேஷன் ஏற்படுகிறது. இது எஸ்-வடிவ போல்ட்-ஐ பயன்படுத்தும் மற்றும் உலகின் முதல் ட்ரை போல்ட் ஸ்மார்ட்போன் ஆன ஹூவாய் மேட் எக்ஸ்டி (Huawei Mate XT) மாடலில் இருந்து தனித்து நிற்கிறது.

இதன் காரணமாகவே சாம்சங் நிறுவனத்தின் முதல் ட்ரை போல்ட் ஸ்மார்ட்போன் ஆனது - சாம்சங் கேலக்சிஜி போல்ட் (Samsung Galaxy G Fold) என்ற பெயரில் அறிமுகம் செய்யப்படலாம் என்று எதிர்பார்க்கப்படுகிறது. இது 10-இன்ச் டிஸ்பிளேவை கொண்டிருக்கும் என்று கூறப்படுகிறது. சிப்செட்டை பொறுத்தவரை குவால்காமின் சமீபத்திய ஸ்னாப்டிராகன் 8 எலைட் சிப்செட் உடன் வரலாம்.

பேட்டரியை பொறுத்தவரை 25W வயர்டு சார்ஜிங்கிற்கான ஆதரவை பெறலாம். நினைவூட்டும் வண்ணம் ஹூவாய் மேட் எக்ஸ்டி மாடலில் 66W பாஸ்ட் சார்ஜிங் உள்ளது. ட்ரை-போல்டின் பெரிய டிஸ்பிளே மற்றும் மிகவும் சிக்கலான உள் கட்டமைப்பை கருத்தில் கொண்டு சாம்சங் நிர்வாணம் இத்தகைய பழமைவாத சார்ஜிங் ஸ்பீடை பயன்படுத்தலாம்.