Amazon, Flipkart-லாம் சும்மா! Samsung NO MO’ FOMO சேல்ஸில் ஸ்மார்ட் TV, போன் மீது தாராள தள்ளுபடி.!

Samsung NO MO' FOMO சிறப்புப் பண்டிகை கால விற்பனை

சாம்சங் நிறுவனம் அமேசான் மற்றும் பிளிப்கார்ட் ஆகிய இரண்டிலும் ஸ்மார்ட்போன்களுக்கு பல சலுகைகளை அறிவித்துள்ளது. இது நம் அனைவருக்கும் தெரிந்த விஷயம் தான். இருந்தாலும், நமக்குத் தெரியாத ஒரு புதிய விஷயத்தை சாம்சங் இப்போது வெளியிட்டுள்ளது. ​​சாம்சங் நிறுவனம் இந்தியாவில் உள்ள வாடிக்கையாளர்களைக் கவர்வதற்காக Samsung NO MO' FOMO என்ற சிறப்புப் பண்டிகை கால விற்பனையை அறிவித்துள்ளது.

அடேங்கப்பா இத்தனை Samsung தயாரிப்புகள் மீது தள்ளுபடியா?

இது Samsung NO MO' FOMO Festival Sale என்ற பெயரில் நடத்தப்படவுள்ளது. இந்த சிறப்பு விற்பனையில் சாம்சங் Galaxy ஸ்மார்ட்போன்கள், டேப்லெட்டுகள், லேப்டாப்கள், ஆக்சஸரீஸ்கள், ஸ்மார்ட் வாட்ச்கள் மற்றும் சாம்சங் டிஜிட்டல் சாதனங்கள் மீதும் ஏராளமான சலுகைகள் மற்றும் கேஷ்பேக் நன்மைகளை நிறுவனம் வழங்குவதாக அறிவித்துள்ளது. இந்த விற்பனையானது Samsung.com, Samsung இன் பிரத்தியேக ஸ்டோர்கள் மற்றும் புதிய Samsung Shop ஆப்ஸ் மூலம் கிடைக்கும்.

ரூ. 30,000 விலையில் புது iPhone 12 வாங்கலாமா? எப்படி தெரியுமா? கொஞ்சம் கவனமா படிங்க.!

Samsung ஸ்மார்ட்போன்கள் மீது இவ்வளவு தள்ளுபடி கிடைக்கிறதா?

இந்த Samsung NO MO' FOMO Festival Sale விற்பனை இப்போது லைவில் உள்ளது என்பது குறிப்பிடத்தக்கது. இந்த விற்பனையின் போது, ​​சாம்சங் ஷாப் ஆப் மூலம் தயாரிப்புகளை வாங்கும் பயனர்களுக்கு ரூ. 4,500 வரை கூடுதல் சலுகை கிடைக்கும். இந்த சிறப்பு விற்பனையின் போது, ​சாம்சங் கேலக்ஸி ஸ்மார்ட்போன்களின் மீது 57% வரை தள்ளுபடி கிடைக்கிறது. குறிப்பாக இதில், Galaxy Z சீரிஸ், Galaxy S சீரிஸ், Galaxy A சீரிஸ், Galaxy M மற்றும் F சீரிஸ் போன்கள் மீது இது அடங்கும்.

இந்த சாதனங்கள் மீது 55% வரை தள்ளுபடி

சாம்சங் கேலக்ஸி இசட் சீரிஸ் ஸ்மார்ட்போன்களை வாங்குபவர்களுக்கு ரூ. 5,199 மதிப்புள்ள வயர்லெஸ் சார்ஜர் டியோவை சாம்சங் நிறுவனம் வெறும் ரூ. 499 என்ற விலையில் வழங்குகிறது. இத்துடன், சாம்சங் கேலக்ஸி எஸ் சீரிஸ் மற்றும் சாம்சங் கேலக்ஸி ஏ சீரிஸ் போன்களை வாங்குபவர்களுக்கு ஸ்மார்ட்போன் கவர்களின் மீது 50% தள்ளுபடியைப் பெறலாம். அதேபோல், தேர்ந்தெடுக்கப்பட்ட கேலக்ஸி டேப்லெட்டுகள், ஸ்மார்ட் வாட்ச்ள் மற்றும் ஆக்சஸரீஸ் மீது 55% வரை தள்ளுபடியை Samsung வழங்குகிறது.

உங்ககிட்ட இந்த வங்கியின் கிரெடிட் மற்றும் டெபிட் கார்டு இருந்தால் இன்னும் எக்ஸ்டரா தள்ளுபடியா?

இத்துடன் சாம்சங் Galaxy லேப்டாப்களின் மீதும் 30% வரை தள்ளுபடி கிடைக்கிறது. நீங்கள் ஒரு HDFC வங்கி அல்லது ICICI வங்கி டெபிட் மற்றும் கிரெடிட் கார்டு பயனர் என்றால், Galaxy ஸ்மார்ட்போன்கள், டேப்லெட்டுகள், ஸ்மார்ட் வாட்ச்கள், லேப்டாப்கள் போன்ற தயாரிப்புகளின் மீது 15% வரை கூடுதல் கேஷ்பேக் நன்மையையும் பெறலாம் என்பதைக் கவனித்துக்கொள்ளுங்கள். இதன் மூலம் நீங்கள் வாங்க விரும்பும் தயாரிப்பின் விலை இன்னும் கணிசமாகக் குறையும்.

உங்க போன் ஸ்லோவா இருக்கா? அடிக்கடி ஹேங் ஆகுதா? இதை செஞ்சா போன் ஸ்பீடு பிச்சுக்கும்.!

ஸ்மார்ட் டிவி வாங்கினால், இந்த ஸ்மார்ட்போன்கள் இலவசமா?

புது ஸ்மார்ட் டிவிகளைத் தேடுபவர்களுக்கு, சாம்சங் தி ஃபிரேம், QLED மற்றும் UHD டிவிகளின் மீது 48% வரை தள்ளுபடி கிடைக்கிறது. Neo QLED, QLED, The Frame மற்றும் UHD TVகளின் தேர்ந்தெடுக்கப்பட்ட சில குறிப்பிட்ட மாடல்களை வாங்கினால், உங்களுக்கு ரூ.21,490 மதிப்புள்ள Galaxy A32 ஸ்மார்ட்போன் இலவசமாகக் கிடைக்கும். அதேபோல், Neo QLED டிவிகளை வாங்கும் வாடிக்கையாளர்களுக்கு ரூ.1,09,999 மதிப்புள்ள Samsung Galaxy S22 Ultra ஸ்மார்ட்போனைப் பெறலாம்.

550 தயாரிப்புகளில் மீது சூப்பர் ஆஃப்பர் மக்களே.!

இதுதவிர, AC, வாஷிங் மெஷின், பிரிட்ஜ் மற்றும் மைக்ரோவேவ் உள்ளிட்ட சாதனங்களுக்கு 43% வரை தள்ளுபடி கிடைக்கிறது. சாம்சங் டிவி மற்றும் டிஜிட்டல் சாதனங்களை வாங்கும்போது ICICI மற்றும் பிற முன்னணி வங்கி டெபிட் மற்றும் கிரெடிட் கார்டுகளுடன் 22.5% வரை கேஷ்பேக் கிடைக்கிறது. Samsung.com மற்றும் Samsung ஷாப் ஆப்ஸில் Buy More Save More சலுகையின் கீழ் பட்டியலிடப்பட்டுள்ள 550 தயாரிப்புகளில் இரண்டு அல்லது அதற்கு மேற்பட்டவற்றை வாங்கினால் கூடுதல் 5% தள்ளுபடி கிடைக்கும் என்பது குறிப்பிடத்தக்கது.