128 ஜிபி ஸ்டோரேஜ்..4 கேமரா..6000mah பேட்டரி.. இவ்வளவு மலிவா ஒரு சாம்சங் ஸ்மார்ட்போன் வாங்க முடியாது..

Published: Tuesday, July 13, 2021, 16:53 [IST]

சாம்சங் கேலக்ஸி எஃப் 22 ஸ்மார்ட்போன் மாடலை கடந்த வாரம் நிறுவனம் இந்திய சந்தைக்கு அறிமுகம் செய்வதாக அறிவித்திருந்தது. மலிவு விலையில் இந்த ஸ்மார்ட்போன் சூப்பர் AMOLED டிஸ்ப்ளே, 48MP குவாட்-கேமரா அமைப்பு மற்றும் 6,000mAh பேட்டரி போன்ற கவர்ச்சிகரமான அம்சங்களைக் கொண்டு அறிமுகம் செய்யப்பட்டது. இந்த சாதனத்தின் விற்பனை இன்று, முதன்முறையாக சில கவர்ச்சிகரமான கேஷ்பேக் சலுகைகளுடன் துவக்கியுள்ளது.

இந்தியாவில் சாம்சங் கேலக்ஸி எஃப் 22 விலை என்ன?

சாம்சங் கேலக்ஸி எஃப் 22 இந்தியாவில் 4 ஜிபி ரேம் + 64 ஜிபி சேமிப்பு மற்றும் 6 ஜிபி ரேம் + 128 ஜிபி சேமிப்பு ஆகிய இரண்டு வகைகளில் கிடைக்கிறது. இந்த ஸ்மார்ட்போனின் 64 ஜிபி வேரியண்டின் விலை ரூ. 12,499 ஆகும். இதன் 128 ஜிபி வேரியண்டின் விலை ரூ. 14,499 ஆகும். இது டெனிம் பிளாக் மற்றும் டெனிம் ப்ளூ என இரண்டு வண்ணங்களில் கிடைக்கிறது. தற்பொழுது இது பிளிப்கார்ட் மற்றும் சாம்சங்கின் சொந்த ஆன்லைன் ஸ்டோர் வழியாக விற்பனைக்குக் கிடைக்கிறது.

விற்பனை மற்றும் கேஷ் பேக் சலுகை

ஜூலை 20, 2021 தேதிக்கு முன்னர் கிரெடிட் அல்லது டெபிட் கார்டைப் பயன்படுத்தி சாதனத்தை வாங்குபவர்களுக்கு நிறுவனம் 1,000 ரூபாய் கூடுதல் கேஷ்பேக்கை வழங்குகிறது. வாங்குவதை எளிதாக்குவதற்கு பிளிப்கார்ட் எந்த கட்டணமும் இல்லாத இஎம்ஐ திட்டங்களையும் வழங்குகிறது என்பது குறிப்பிடத்தக்கது. முன்பே சொன்னது போல், மலிவு விலையில் சிறந்த சிறப்பம்சங்களுடன் இந்த சாதனம் அறிமுகம் செய்யப்பட்டுள்ளது.

சாம்சங் கேலக்ஸி எஃப் 22 சிறப்பம்சம்

இந்த ஸ்மார்ட்போன் 6.4 இன்ச் சூப்பர் அமோலேட் இன்பினிட்டி-யு டிஸ்ப்ளே எச்டி + ரெசல்யூஷன் மற்றும் 90 ஹெர்ட்ஸ் புதுப்பிப்பு வீதத்தைக் கொண்டுள்ளது. இது ஆண்ட்ராய்டு 11 ஐ ஒன் யுஐ கோர் 3.1 மூலம் இயங்குகிறது. இது மீடியா டெக் ஹீலியோ ஜி 80 சிப்செட் உடன், 4 ஜிபி / 6 ஜிபி ரேம், 64 ஜிபி / 128 ஜிபி இன்டர்னல் ஸ்டோரேஜ் மற்றும் மைக்ரோ எஸ்டி கார்டு ஸ்லாட் ஆகியவற்றைக் கொண்டுள்ளது. இது 6,000 எம்ஏஎச் பேட்டரி உடன் கூடிய 25W பாஸ்ட் சார்ஜிங்கை ஆதரிக்கிறது. இருப்பினும், இது பாக்ஸுடன் 15W சார்ஜரை கொண்டு வருகிறது.

கேமரா அமைப்பு மற்றும் இதர அம்சங்கள்

இந்த சாதனத்தின் முன்பக்கத்தில் 13 எம்பி செல்பி கேமராவையும் பின்புறத்தில் 48 எம்பி + 8 எம்பி கேமரா அல்ட்ராவைடு லென்ஸ் + 2 எம்பி கேமரா சென்சார் + 2 எம்பி டெப்த் சென்சார் குவாட் கேமரா அமைப்பையும் கொண்டுள்ளது. முன் மற்றும் பின்புற கேமராக்களைப் பயன்படுத்தி தொலைபேசியில் 1080p 30fps வீடியோக்களை பதிவு செய்ய முடியும். பக்கவாட்டில் பொருத்தப்பட்ட கைரேகை சென்சார், ஜி.பி.எஸ், டூயல் சிம் கார்டு ஸ்லாட், 4 ஜி எல்டிஇ, வைஃபை பி / ஜி / என் / ஏசி, புளூடூத் 5.0 , யூ.எஸ்.பி டைப்-சி போர்ட் போன்ற பிற அம்சங்களும் இதில் உள்ளது.