தீபாவளி போனஸ் பணத்தை வேஸ்ட் பண்ணாதீங்க.. ஒன்னு இல்ல ரெண்டு iPhone வாங்கலாம்

பிளிப்கார்ட் பிக் தீபாவளி விற்பனை

பிளிப்கார்ட் பிக் தீபாவளி விற்பனை அக்டோபர் 11 ஆம் தேதி தொடங்குகிறது என்றாலும் அதன் பிளஸ் உறுப்பினர்களுக்கு இன்று முதல் இந்த சலுகை கிடைக்கும் என தெரிவிக்கப்பட்டுள்ளது. அனைத்து சலுகை தினங்களிலும் நடக்கும் சராசரியான ஒன்றுதான் இது.

பிக் தீபாவளி விற்பனையில் ஐபோன் மாடல்கள் அதீத தள்ளுபடியுடன் கிடைக்கிறது. பிளிப்கார்ட் நிறுவனம் பிக் தீபாவளி விற்பனையில் ஸ்டேட் பாங்க் ஆஃப் இந்தியா (SBI) உடன் கூட்டு சேர்ந்து 10 சதவீதம் உடனடி தள்ளுபடியை வழங்குகிறது.

ஐபோன் 13க்கு ஆர்வம் செலுத்தும் இந்தியர்கள்

ஆப்பிள் ஐபோன் 14 அறிமுகம் செய்த பிறகும் பெரும்பாலான மக்கள் ஐபோன் 13ஐ ஆர்டர் செய்வதில் தான் கவனம் செலுத்துகின்றனர். குறிப்பாக இந்தியர்கள் ஐபோன் 13 வாங்குவதில் தான் கவனம் செலுத்துகின்றனர். காரணம் ஐபோன் 14ஐ விட மலிவு விலையில் ஏறத்தாழ அதே அம்சங்களுடன் ஐபோன் 13 கிடைக்கிறது.

பிளிப்கார்ட் பிக் பில்லியன் தின விற்பனையில் ஐபோன் 13 ரூ.47,000க்கு கிடைத்தது. ஆனால் இந்த சலுகை சின நொடிகளில் முடிவடைந்தது என்பது கவனிக்கத்தக்க ஒன்று.

ஐபோன் 13 விலை குறைப்பு

பிளிப்கார்ட் பிக் பில்லியன் தின விற்பனையில் இந்த வாய்ப்பை தவறவிட்டிருந்தால் இது உங்களுக்கு சரியான நேரமாகும். ஆனால் அந்த அளவிற்கு தள்ளுபடியை எதிர்பார்க்க முடியாது. இருப்பினும் அசல் விலையை விட ஒப்பீட்டளவில் மலிவானதாக இருக்கிறது.

ஐபோன் 14 அறிமுகம் செய்த உடன் ஆப்பிள் ஐபோன் 13 விலை கிட்டத்தட்ட ரூ.10,000 குறைக்கப்பட்டது. இதன்பின் ஐபோன் 13 இந்திய விலை ரூ.69,900 ஆக நிர்ணயம் செய்யப்பட்டது.

உடனடி தள்ளுபடி அறிவிப்பு

பிளிப்கார்ட் பிக் தீபாவளி விற்பனையில் ஐபோன் 13 சுமார் ரூ.57,000 என்ற தள்ளுபடி விலையில் கிடைக்கிறது. இதில் 10 சதவீத வங்கி சலுகைகளும் அடக்கம்.

எஸ்பிஐ டெபிட் கார்ட் உள்ள அனைவரும் இந்த 10 சதவீத தள்ளுபடியை பெறலாம். ஐபோன் 13 போன்றே பிற ஆப்பிள் ஐபோன் மாடல்களும் தள்ளுபடி விலையில் கிடைக்கிறது.

இந்த விலையில் ரெண்டு ஐபோன் வாங்கலாம்..

பிளிப்கார்ட்டில் ஐபோன் 12 மினி மற்றும் ஐபோன் 11 ஆகிய மாடல்களும் சிறந்த தள்ளுபடி விலையில் கிடைக்கிறது. பிளிப்கார்ட் பிக் தீபாவளி விற்பனையில் ஐபோன் 11 மற்றும் ஐபோன் 12 மினி ஆகிய இரண்டும் சுமார் ரூ.33,000 விலையில் கிடைக்கிறது. இதுவும் வங்கி சலுகையை உள்ளடக்கியது என்பதை கவனத்தில் கொள்ள வேண்டும்.

ஐபோன் 14 அறிமுகம் செய்யப்பட்ட நிலையில் ஐபோன் 13 வாங்கலாமா?

ஐபோன் 13 இல் 6.1 இன்ச் 60 ஹெர்ட்ஸ் ஓஎல்இடி திரையில், 12 எம்பி செல்பி கேமரா மற்றும் ஃபேஸ் ஐடி சென்சார்கள் உள்ளன. இது A15 பயோனிக் சிப் ஆதரவைக் கொண்டிருக்கிறது. மாடலின் பின்புறத்தில் 12MP டூயல் கேமரா பொருத்தப்பட்டிருக்கிறது.

ஐபோன் 13 வாங்குவதே சிறந்ததா?

ஐபோன் 14 ஆனது ரூ.79,900 என்ற ஆரம்ப விலையில் அறிமுகம் செய்யப்பட்டது. இந்த மாடலில் முந்தைய ஐபோன் 13 இல் இருக்கும் அதே ஏ15 சிப்செட் பொருத்தப்பட்டுள்ளது. இதில் பெரிய பேட்டரி மற்றும் கூடுதல் ஜிபியூ கோர் ஆகியவை இருக்கிறது. வடிவமைப்பில் தொடங்கி பெரும்பாலான அம்சங்கள் ஐபோன் 13 போன்றே இருக்கிறது. எனவே செலவுகளின் அடிப்படையில் பார்க்கும் போது ஐபோன் 13 வாங்குவதே சிறந்த தேர்வாகும் என கணிக்கப்பட்டுள்ளது.

ஐபோன் 13 மற்றும் 14 அம்சங்கள்

ஐபோன் 13 இல் 6.1 இன்ச் சூபப்ர் ரெடினா எக்ஸ்டிஆர் டிஸ்ப்ளே பொருத்தப்பட்டுள்ளது. 12 எம்பி டூயல் ரியர் கேமரா, 12 எம்பி செல்பி கேமரா இதில் பொருத்தப்பட்டிருக்கிறது. ஏ15 பயோனிக் சிப் மூலம் இந்த மாடல் இயக்கப்படுகிறது.

நைட்மோட், 4கே டால்பி விஷன் எச்டிஆர் என பல்வேறு ஆதரவைக் கொண்டிருக்கிறது இந்த ஐபோன் மாடலின் கேமரா.

ஐபோன் 14 ஆனது 6.1 இன்ச் டிஸ்ப்ளேவைக் கொண்டிருக்கிறது. ஐபோன் 14 சீரிஸ் இல் இதுவரை கண்டிராத சிறந்த பேட்டரி ஆதரவை ப்ளஸ் மாடல் கொண்டிருக்கிறது. ஐபோன் 14 இல் 19 மணிநேரம் வரை வீடியோ பார்க்கலாம். சிறந்த பேட்டரி ஆயுள் வழங்குவதற்கு என இந்த மாடல்களில் ஆப்பிள் கூலிங் சிஸ்டத்தை மேம்படுத்தி இருக்கிறது.

பிற பெரும்பாலான அம்சங்கள் இரண்டிலும் ஒரே மாதிரியாகவே இருக்கிறது.