பிளாக் ஹோல் - இருட்டு ஒரு வழி பாதையின் மர்மங்கள்..!

கருங்குழி :

பிளாக் ஹோல் எனப்படுவது கருந்துளை அல்லது கருங்குழி எனப்படும்.

அளக்க முடியாது :

பிளாக் ஹோல்களை பார்க்கவும் முடியாது, அளக்கவும் முடியாது, பரிசோதிக்கவும் முடியாது என்பது குறிப்பிடத்தக்கது.

ஈர்ப்பு சக்தி :

ஏனெனில் ஒளி உட்பட, உள்ளே செல்லும் எதுவுமே வெளிய மீள முடியாத வண்ணம், பிளாக் ஹோல் மிகவும் அதிகப்படியான ஈர்ப்பு சக்திதனை கொண்டது.

ஒருவழி பாதை :

பிளாக் ஹோலின் ஒருவழி பாதையில் மின்காந்த அலைகள் கூட வெளியே தப்ப முடியாது என்பதால், அதனுள் என்ன நடக்கிறது என்பதை அறிந்து கொள்ளவே முடியாது என்பதுதான் நிதர்சனம்.

அவதானிப்பு :

பிளாக் ஹோல் மூலம் நடக்கும் ஈர்ப்பு நிகழ்வுகளை வைத்தே பிளாக் ஹோல் இங்கே இருக்கின்றது என்பதை கணிக்க முடியும்.

விசித்திரம் :

சில தருணங்களில் அண்டவெளியில் நடக்கும் விசித்திரமான ஈர்ப்பின் மூலமே பிளாக் ஹோல் இருப்பை விஞ்ஞானிகள் நம்புகின்றனர்.

தகவல் :

அப்படி இருக்க, பிளாக் ஹோல் கண்டுப்பிடிக்கப்பட்டு விட்டதாகவும், அது நாம் நினைப்பதை விட 30 மடங்கு பெரியது என்றும் ஆராய்ச்சி தகவல்களை வெளியிட்டுள்ளனர் சில விண்வெளி ஆராய்ச்சியாளர்கள்.

ஆராய்ச்சி :

இது சார்ந்த ஆராய்ச்சியை சில விண்வெளி ஆராய்ச்சியாளர்கள், கீலி (Keele) மற்றும் சென்ட்ரல் லன்கஸைர் (Central Lancashire) பல்கலைகழகத்தில், நடத்தினர் என்பது குறிப்பிடத்தக்கது.

பிரம்மாண்டம் :

அந்த ஆய்வின் படி, புதிதாக கண்டுப்பிடிக்கப்பட்டுள்ள பால்வெளி மண்டலம் ஒன்றின் நடுவே மிகவும் பிரம்மாண்டமான பிளாக் ஹோல் இருப்பதாக கூறுகின்றனர்.

கோட்பாடு :

மேலும் அந்த பிளாக் ஹோல் ஆனது, இது வரையிலாக உள்ள பிளாக் ஹோல் சார்ந்த கோட்பாடுகளில் கணிக்கப்பட்டதை விட மிகவும் பெரியதாக இருக்கின்றது என்றும் கூறுகின்றனர்.

ஸ்பிட்ஸர் ஸ்பேஸ் :

புதிதாக கண்டுப்பிடிக்கப்பட்ட பால்வெளி மண்டலமானது நாசாவின் ஸ்பிட்ஸர் ஸ்பேஸ் தொலைநோக்கி (Spitzer Space Telescope) மூலம் கண்டுபிடிக்கப்பட்டது.

சதர்ன் ஆப்ரிக்கன் லார்ஜ் :

பிறகு அந்த பால்வெளி மண்டலத்தின் நடுவே பிளாக் ஹோல் இருப்பதை அறிந்த பின், அதை ஆராய சதர்ன் ஆப்ரிக்கன் லார்ஜ் தொலைநோக்கி (Southern African Large Telescope) பயன் படுத்தப்பட்டது.

அதிர்ச்சி :

அந்த ஆய்வின் மூலமே, கண்டுபிடிக்கப்பட்ட பிளாக் ஹோல் ஆனது நாம் நினைப்பதை விட 30 மடங்கு பெரியது என்ற அதிர்ச்சியான முடிவை தந்துள்ளது..!

கணிப்பு :

பொதுவாகவே பிளாக் ஹோல் சூரியனை விட 350,000,000 மடங்கு பெரியதாக இருக்கும் என்ற கணிப்பு விஞ்ஞானிகள் மத்தியில் நிலவுகிறது.

கற்பனை :

கண்டுபிடிக்கப்பட்ட பிளாக் ஹோல் இப்படி இருக்கலாம் என்ற கற்பனை சித்திரம் இது..!

வளர்ச்சி :

தற்போது கணித்ததை விட பிளாக் ஹோல் பெரியது என்ற ஆய்வின் முடிவு பிளாக் ஹோல் வளர்ந்து கொண்டே இருக்கிறதா..? என்ற கேள்வியை கிளப்பி உள்ளது.

முதிர்ச்சி :

அல்லது பால்வெளி மண்டலங்கள் முதிர்ச்சியை நிறுத்திக் கொண்டு விட்டனவா..? என்ற கேள்வியும் விஞ்ஞானிகள் மத்தியில் தற்போது எழுந்துள்ளது.

மறுப்பு :

சில விஞ்ஞானிகள் மேற்க்கூறப்பட்ட அத்துணை கருத்துக்களையும் மறுத்துள்ளனர் என்பது குறிப்பிடத்தக்கது.

கேள்வி :

மேலும் உண்மையாகவே 'SAGE0536AGN' என்ற புதிய பால்வெளி மண்டலம் கண்டுபிடிக்கப்பட்டதா அல்லது அது வெறும் கதையா என்ற கேள்வியையும் எழுப்பி உள்ளனர் என்பதும் குறிப்பிடத்தக்கது.

தமிழ் கிஸ்பாட் :

மேலும் இதுபோன்ற தொழில்நுட்ப செய்திகளை உடனுக்குடன் பெற - தமிழ் கிஸ்பாட் ஃபேஸ்புக் பக்கம் மற்றும் தமிழ் கிஸ்பாட் வலைதளம்..!