அமேசான் ப்ரைம் டே : ஆச்சர்யமூட்டும் விலையில் ஜியோஃபை டாங்கிள்.!

ப்ரைம் டே

இந்த ப்ரைம் டே விற்பனை அமேசான் ப்ரைம் உறுப்பினர்களுக்கு மட்டும் தான் என்பது குறிப்பிடத்தக்கது. அமேசான் ப்ரைம் உறுப்பினராக இணைய ஆண்டு சந்தா செலுத்தும் திட்டம் உள்ளது. ஆண்டு சந்தா செலுத்த விரும்பாதவர்களுக்காக தற்போது ரூ129 க்கு ஒரு மாத அமேசான் ப்ரைம் சேவை அறிமுகப்படுத்தப்பட்டுள்ளது. அமேசான் சந்தாதாரர்களுக்கு, வீடியோ, மியூஸிக் உள்ளிட்ட பல்வேறு சேவைகள் வழங்கப்படுகிறது.

ரூ399க்கு ஜியோஃபை டாங்கிள் வாங்குவது எப்படி?

ஆச்சர்யமளிக்கக்கூடிய வகையில், ஜியோஃபை டாங்கிள் 12 மாதங்கள் கழித்து வெறும் ரூ399 மதிப்புடையதாக இருக்கும். எப்படி என கேட்கிறீர்களா? ரிலையன்ஸ் ஜியோ நிறுவனம் தனது போஸ்ட்பெய்டு பயனர்களுக்கு புதிய திட்டம் ஒன்றை அறிவித்துள்ளது. அத்திட்டத்தின் படி, 12 மாத கால ஜியோ போஸ்ட்பெய்டு பயன்பாட்டிற்கு பிறகு ரூ500ஐ அந்நிறுவனம் கேஷ்பேக்காக திரும்ப அளிக்கும். அதன் மூலம் ஜியோஃபை டாங்கிளின் விலை ரூ899 லிருந்து ரூ399 ஆக குறைந்தவிடும்.

ஜியோ போஸ்ட்பெய்டு

ஜியோ போஸ்ட்பெய்டு சந்தாதாரர்கள் ஒரு மாதத்திற்கு செல்லுபடியாகும் ரூ199 அன்லிமிடேட் திட்டத்தை தேர்வு செய்யும் போது, தினசரி அளவில்லா டேட்டாவுடன் நிமிடத்திற்கு 50 பைசா கட்டணத்துடன் சர்வதேச அழைப்புகள் உள்ளிட்ட சலுகைகளை பெறுவர். இந்த திட்டத்தை பெற, புதிய ஜியோ போஸ்ட்பெய்டு சிம் உடன் புதிய ஜியோஃபை கருவியை வாங்க வேண்டும்.

போஸ்ட்பெய்டு

பின்னர் பயனர்கள் போஸ்ட்பெய்டு சிம்மை ஆக்டிவேட் செய்து ஜியோஃபை கருவியுடன் பயன்படுத்த வேண்டும். ரூ500 கேஷ்பேக் தொடர்ந்து 12 மாத பில்லுடன் பயனர்களின் போஸ்ட்பெய்டு கணக்கில் வரவு வைக்கப்படும்.