ரிலையன்ஸ் 4ஜி : அதுக்கு என்ன ஜி.??

By Meganathan

Updated: Friday, May 6, 2016, 16:44 [IST]

இந்தியாவில் மற்ற நிறுவனங்கள் ஏற்கனவே 4ஜி சேவையை வழங்கி வரும் நிலையில் அனைவரும் ஆவலோடு எதிர்பார்த்த ரிலையன்ஸ் ஜியோ நிறுவனமும் 4ஜி சேவையை துவங்கி விட்டது.

முழுமையான சேவை வழங்கப்படவில்லை என்றாலும் பொது மக்கள் பயன்படுத்தும் சோதனை சேவை மட்டும் துவங்கப்பட்டுள்ளது.

1

தொலைதொடர்பு சந்தையில் அதிகம் எதிர்பார்க்கப்பட்ட ரிலையன்ஸ் ஜியோ நிறுவனத்தின் 4ஜி சேவைகள் பொது மக்கள் சேவைக்கு சோதனை அடிப்படையில் துவங்கப்பட்டுள்ளது.

2

இந்த சேவையை மக்கள் பயன்படுத்த ரிலையன்ஸ் இன்டஸ்ட்ரீஸ் குழுமத்தின் நிறுவனங்களில் பணியாற்றும் ஊழியரின் அழைப்பு அவசியமாகும்.

3

இதோடு ரிலையன்ஸ் டிஜிட்டல் கடைகளில் விற்பனை செய்யப்பட்டும் LYF கைப்பேசியை வாங்க வேண்டும். இதன் விலை ரூ.5,599 துவங்கி ரூ.19,499 வரை கிடைக்கின்றது.

4

இந்த திட்டத்தின் கீழ் ரிலையன்ஸ் குழுமத்தில் பணியாற்றும் எந்த ஊழியரும் ஜியோவின் 4ஜி சிம் மற்றும் LYF கைப்பேசியை வாங்க அதிகபட்சம் 10 பேரிடம் அழைப்பு விடுக்க முடியும்.

5

இதற்கான இணைப்பில் எல்லையில்லா (அன்லிமிட்டெட்) 4ஜி மொபைல் இண்டர்நெட் மற்றும் போல் அழைப்பு சேவை சுமார் 90 நாட்களுக்கு வழங்கப்படும். இந்த சேவையை துவங்க ரூ.200 கட்டணம் செலுத்த வேண்டும்.

6

இந்த கட்டணமானது ஜியோவின் 4ஜி மொபைல் செயலிகளான ஜியோ ப்ளே, ஜியோ ஆன் டிமான்ட், ஜியோமேக், ஜியோபீட்ஸ், ஜியோ டிரைவ் போன்றவைகளுக்கு 90 நாட்களுக்கு பயன்படுத்த முடியும்.