JioPhone Next எதிர்பார்த்த விலையில் வராததற்கு இதான் காரணமா? EMI விலை கம்மியாக இருந்தும் தயக்கம் ஏன்?

JioPhone நெக்ஸ்ட் விலை மற்றும் ஆஃபர் பற்றி விரிவாக அறிய

ரிலையன்ஸ் ஜியோ தொலைத்தொடர்பு நிறுவனம் இந்த புதிய ஜியோபோன் நெக்ஸ்ட் சாதனத்தின் விலையை ரூ. 5,000 அல்லது அதற்கும் குறைவான விலையில் நிர்ணயிக்கும் என்று எதிர்பார்க்கப்பட்டது. ஆனால், தற்போது சந்தையில் இந்த புதிய ஜியோபோன் நெக்ஸ்ட் ரூ. 6,499 என்ற விலையில் வாங்குவதற்குக் கிடைக்கிறது. இதன் EMI விருப்பத்துடன் செல்லும் நுகர்வோர் அவர்கள் தேர்ந்தெடுக்கும் ஒவ்வொரு திட்டத்திற்கும் குறைந்தபட்சம் அல்லது அதற்கு மேல் செலுத்த வேண்டும் என்ற நிலை உள்ளது. JioPhone நெக்ஸ்ட் ஆஃபர் பற்றி விரிவாக அறிய, மேலும் தொடர்ந்து படியுங்கள்.

EMI வசதி மூலம் ஜியோபோன் நெக்ஸ்ட் கட்டணத்தை செலுத்தலாமா?

ஜியோபோன் நெக்ஸ்ட் ஸ்மார்ட்போனின் விலை உண்மையில் ரூ. 6,499 என்று நிறுவனம் அறிவித்துள்ளது. ஆனால், முதல் டவுன்பேமெண்ட்டாக வாடிக்கையாளர்கள் வெறும் ரூ. 1,999 செலுத்த வேண்டும். இதற்குப் பிறகு, மீதமுள்ள தொகையை வாடிக்கையாளர்கள் 18 மாதம் அல்லது 24 மாதங்களுக்குள் EMI வசதி மூலம் செலுத்தலாம் என்று நிறுவனம் தெரிவித்துள்ளது. இந்த புதிய ஜியோபோன் நெக்ஸ்ட் சாதனம் வரும் நவம்பர் 4 ஆம் தேதிக்கு பின் கிடைக்கும் என்று அறிவிக்கப்பட்டுள்ளது. ஜியோமார்ட் டிஜிட்டல் மற்றும் சில்லறை விற்பனை இடங்களில் இது கிடைக்கும்.

JioPhone Next ஸ்மார்ட்போனை வாங்க நான்கு EMI திட்டங்கள்

JioPhone Next ஸ்மார்ட்போனை வாங்கும் வாடிக்கையாளர்களுக்கு ஜியோ நான்கு EMI திட்டங்களை வழங்குகிறது. நான்கு திட்டங்களும் 24 மாதங்கள் மற்றும் 18 மாத பேஅவுட் முறையைக் கொண்டுள்ளன. 24 மாதங்களுக்கு மாதத்திற்கு ₹300 மற்றும் 18 மாதங்களுக்கு மாதம் ₹350 செலுத்தும் 'Always-on' திட்டமே மிகவும் மலிவான திட்டமாக ஜியோவின் பட்டியலில் காட்சியளிக்கிறது. இத்துடன், ஜியோ 5 ஜிபி டேட்டா மற்றும் 100 நிமிட அழைப்பு நன்மைகளையும் வழங்குகிறது.

JioPhone நெக்ஸ்ட் ஸ்மார்ட்போனை எப்படி வாங்கலாம்?

JioPhone நெக்ஸ்ட் வாங்க ஆர்வமுள்ளவர்கள், JioMart டிஜிட்டல் சில்லறை விற்பனையாளரான ஜியோவின் இணையதளத்தைப் பார்வையிடலாம் அல்லது WhatsApp மூலம் 7018270182 என்ற எண்ணுக்கு 'Hi' என்ற மெசேஜ்ஜை அனுப்பலாம். ஜியோபோன் நெக்ஸ்ட் சாதனத்திற்காக ஜியோ வழங்கும் நான்கு EMI திட்டங்களைப் பற்றி இப்போது விரிவாகப் பாருங்கள். ஜியோ நிறுவனம் ஆல்வேஸ் ஆன் திட்டம், லார்ஜ் திட்டம், XL திட்டம் மற்றும் XXL திட்டம் என்ற நான்கு திட்டங்களை வழங்குகிறது. முதலில் ஆல்வேஸ் ஆன் திட்டத்தின் கீழ் ரூ. 300 கட்டணத்துடன் 24 மாத திட்டம் செயல்படுகிறது.

ஜியோபோன் நெக்ஸ்ட் வாங்க கிடைக்கும் லார்ஜ் திட்டத்தின் விபரம்

அதேபோல், ரூ. 350 விலையில் 18 மாதங்கள் செயல்படும் ஆல்வேஸ் ஆன் திட்டமும் கிடைக்கிறது. இந்த இரண்டு திட்டங்களைத் தேர்வு செய்யும் பயனர்களுக்கு 5 ஜிபி டேட்டா மற்றும் 100 நிமிட அழைப்பு நன்மை கிடைக்கிறது. அடுத்தபடியாக லார்ஜ் திட்டத்தின் கீழ் ரூ. 400 கட்டணத்துடன் 24 மாத திட்டத்தையும், ரூ. 500 செலவில் 18 மாத திட்டத்தையும் 1.5 ஜிபி தினசரி டேட்டா நன்மையோடு அன்லிமிடெட் அழைப்பு நன்மையுடன் நிறுவனம் வழங்குகிறது. இதேபோல், XL திட்டம் திட்டத்தின் கீழ் ரூ. 500 கட்டணத்துடன் 24 மாத திட்டமும், ரூ. 550 விலையில் 18 மாத திட்டத்தையும் நிறுவனம் வழங்குகிறது.

ஜியோபோன் நெக்ஸ்ட் வாங்க கிடைக்கும் XXL திட்டத்தின் விபரங்கள்

இந்த திட்டத்தின் கீழ் உங்களுக்குத் தினமும் 2 ஜிபி டேட்டா நன்மை மற்றும் அன்லிமிடெட் அழைப்பு நன்மை கிடைக்கிறது. இறுதியாக XXL திட்டத்தின் கீழ் ரூ. 550 கட்டணத்தில் 24 மாத திட்டமும், ரூ. 600 விலையில் 18 மாத கால திட்டமும் கிடைக்கிறது. இந்த 2 திட்டங்களின் கீழ் வாடிக்கையாளர்களுக்குத் தினமும் 2.5 ஜிபி டேட்டா நன்மையையும், அன்லிமிடெட் அழைப்பு நன்மையையும் கிடைக்கிறது. ஜியோபோன் நெக்ஸ்ட் ஸ்மார்ட்போனை ஜியோ டெல்கோ மற்றும் கூகுள் இணைந்து உருவாக்கியுள்ளது என்பது குறிப்பிடத்தக்கது.

ஜியோஃபோன் நெக்ஸ்ட் விலை அதிகரிக்க என்ன காரணம்?

ரிலையன்ஸ் ஜியோ அதன் உத்திகளால் ஆக்ரோஷமாகச் செயல்படுவதாக அறியப்படுகிறது என்பது குறிப்பிடத்தக்கது. இவ்வளவு சிறந்த சலுகையுடன் டெல்கோ ஜியோஃபோன் நெக்ஸ்ட் உடன் சென்றது ஏன் என்று நீங்கள் யோசிக்கிறீர்கள் என்றால், நீங்கள் தெரிந்து கொள்ள வேண்டிய முக்கிய விஷயங்களுக்குப் பின்னணியில் சில காரணங்கள் ஒளிந்துள்ளது. ஜியோபோன் நெக்ஸ்ட் சாதனத்தை விலையுயர்ந்த விலைக்கு ரிலையன்ஸ் ஜியோ நிறுவனத்தைச் சூழ்நிலை தள்ளியிருப்பதற்கான சில காரணங்கள் குறிப்பிடப்பட்டுள்ளது.

விலை அதிகரிக்க இது தான் முக்கிய காரணமா?

முதலில், "விலையுயர்ந்த" மற்றும் "மலிவு" என்பது ஒரு அகநிலை விஷயம் என்பதைக் கவனியுங்கள். இதை விலையுயர்ந்த சாதனமாக நாம் கருதுவதற்குக் காரணம் அதன் சிறப்பம்சங்கள் தான். ஜியோ சாதனத்தைக் குறைந்த விலையில் எளிதாக விலை நிர்ணயம் செய்திருக்கலாம், ஆனால் அது ரூ. 6,499 விலை குறியுடன் ஒட்டிக்கொள்ளத் தேர்வு செய்ததற்கு முக்கிய காரணம், ஸ்மார்ட்போன் கூறுகளின் விலை அதிகரித்து வருவது இதற்குக் காரணம் என்று கூறப்படுகிறது.

உண்மையில் அதிக லாபத்தை ஈட்ட ஜியோ எடுத்த முடிவா இது?

தொற்றுநோய்களின் போது சிப்செட்கள் முதல் டிஸ்பிளே வரை அனைத்தின் விநியோகம் குறைவாக இருப்பதால் விலை அதிகரிப்பு இது வழிவகுத்துள்ளது. ஜியோபோன் நெக்ஸ்ட் எதிர்பார்த்ததை விட அதிக விலையைக் கொண்டு வர இது ஒரு காரணமாக இருக்கலாம். ஜியோ அதிக விலைக்குச் சென்றதற்கு மற்றொரு காரணம், நிறுவனம் உண்மையில் அதிக லாபத்தை ஈட்டவும், அதன் ஸ்மார்ட்போன் வணிகத்தைக் கூடிய விரைவில் லாபகரமாக மாற்றவும் முயல்கிறது என்று கூறப்பட்டுள்ளது.

EMI திட்டங்கள் விலை கம்மியாக இருந்தும் தயக்கம் ஏன்?

மேலும், ஒரு பயனருக்குச் சராசரி வருவாயை (ARPU) நிறுவனத்திற்கு அதிகரிக்க உதவும் வகையில் EMI திட்டங்கள் விலை உயர்ந்ததாக இருக்கலாம். இருப்பினும், JioPhone Next ஆனது 4G சாதனத்திற்கு மேம்படுத்தப் பல மரபு நெட்வொர்க் பயனர்களைத் தள்ளாது என்று கருதப்படுகிறது. இதன் விளைவு எப்படி இருக்கும் என்பது வரும் மாதங்களில் JioPhone நெக்ஸ்ட் விற்பனையை வைத்து நாம் பார்க்க முடியும். இது இந்தியச் சந்தையில் எப்படியான தாக்கத்தை ஏற்படுத்தப் போகிறது என்பதைப் பார்ப்பது சுவாரஸ்யமாக இருக்கும், மேலும் புதிய சந்தாதாரர்களைச் சேர்ப்பதில் இது நிறுவனத்திற்கு உதவுமா இல்லையா என்பதையும் நாம் அறிந்துகொள்ள உதவும்.