ஜியோ பயனர்கள் குஷி: பெஸ்டான ஜியோ போன் 2021 ஆஃப்பர் விபரம் இதோ..

ஜியோ தனது பயனர்களுக்கு இந்த ஆண்டின் மிக சிறந்த ஜியோ போன் சலுகையை அறிவித்துள்ளது. '2 ஜி-முக்த் பாரத்' இயக்கத்தை விரைவுபடுத்துவதற்காக, ஜியோ ஒரு புதிய சலுகையை அறிமுகப்படுத்தியுள்ளது. இது ஜியோபோன் மற்றும் அதன் சேவைகளை சுமார் 300 மில்லியன் பியூச்சர் போன் பயனர்களுக்கு வழங்கவிருக்கிறது.

கீழே குறிப்பிடப்பட்டுள்ள சலுகைகள் மார்ச் 1 முதல் அனைத்து ரிலையன்ஸ் சில்லறை மற்றும் ஜியோ சில்லறை விற்பனையாளர்களிடமும் கிடைக்கும். புதிய பயனர்களுக்கான ஜியோபோன் 2021 சலுகை இரண்டு திட்டங்களாகப் பிரிக்கப்பட்டுள்ளது. வெறும் ரூ. 1,999 விலையில், புதிய பயனர்களுக்கு வரம்பற்ற குரல் அழைப்பு, வரம்பற்ற தரவு நன்மை கிடைக்கிறது. இது ஒவ்வொரு மாதமும் 2 ஜிபி அதிவேக தரவு கொண்ட டேட்டாவை வழங்குகிறது.

மேலும், இந்த திட்டமானது அடுத்த 2 ஆண்டுகளுக்குச் செல்லுபடியாகும் வேலிடிட்டி உடன் வருகிறது. ஆகையால், நீங்கள் அடுத்த 2 ஆண்டுகளுக்கு ரீசார்ஜ் செய்ய தேவையில்லை. அதேபோல், ரூ. 1,499 திட்டத்தை ஒரு பயனர் தேர்வு செய்யும் போது மேலே உள்ள அதே நன்மைகளைப் பெறுகிறனர், ஆனால், 2 ஆண்டுகளுக்குப் பதிலாக, நீங்கள் அதை ஒரு வருடத்திற்கு மட்டுமே அனுபவிக்க முடியும்.

ஜியோவைப் பொறுத்தவரை, இதே நன்மைக்காக, வாடிக்கையாளர்கள் மற்ற நெட்வொர்க்குகளில் 2.5 மடங்கு அதிகமாக செலவு செய்கின்றனர். பியூச்சர் போன் மற்றும் 2 ஆண்டு சேவைக்காக, பிற நெட்வொர்க்குகளில் உள்ள பயனர் 5,000 ரூபாய் செலவழிக்கின்றனர். அதே நேரத்தில் ஜியோ விஷயத்தில் பயனர் ரூ. 2000 வரை மட்டுமே செலவு செய்யவேண்டியுள்ளது என்று நிறுவனம் கூறுகிறது.

2 ஆண்டுகளாக வாய்ஸ் கால் சேவைக்காக, ஒருவர் குறைந்தது ரூ.149 ஐ 24 மாதங்களுக்கு ரீசார்ஜ் செய்கின்றனர். இதனால் மொத்தமாக ரூ.3600 அவர்களுக்குச் செலவாகிறது. மேலும், ஒரு பியூச்சர் போனின் விலை குறைந்தபட்சம் ரூ.1200 - ரூ .1500க்குள் கிடைக்கிறது. எப்படிப் பார்த்தாலும் உங்களுக்கான சிறந்த நன்மை இதுவாக தான் இருக்கும்.