ஜியோ: தீபாவளி சிறப்பு "100% கேஷ் பேக்" சலுகை.! மிஸ் பண்ணிடாதீங்க.!

ரிலையன்ஸ் ஜியோ

ரிலையன்ஸ் ஜியோ நிறுவனம், தீபாவளி கொண்டாட்டத்தை முன்னிட்டு தனது வாடிக்கையாளர்களுக்கு புதிய தீபாவளி சலுகை திட்டங்களை அறிமுகம் செய்துள்ளது. இந்த வருடத் தீபாவளி கொண்டாட்டத்தைச் சிறப்பிக்கும் வகையில் ஜியோ நிறுவனம் நம்ப முடியாத பல கேஷ் பேக் சலுகைகளை வழங்கியுள்ளது.

புதிய திட்டம்

அதுமட்டுமில்லாமல், ஜியோ நிறுவனம் ரூ.1,699 திட்டத்தையும் அறிமுகம் செய்துள்ளது. இந்தத் திட்டத்தின் மூலம் பயனருக்கு 547.5 ஜிபி டேட்டா, அன்லிமிடெட் கால்ஸ் மற்றும் தினம் 100 இலவச எஸ்.எம்.எஸ் என 365 நாள் வேலிடிட்டியுடன் வழங்கப்படுகிறது.

100% கேஷ் பேக்

இந்த புதிய ரூ.1,699 திட்டத்தைத் தேர்ந்தெடுக்கும் பயனர்களுக்கு நிச்சயம் 100% கேஷ் பேக் கூப்பன்கள் வழங்கப்படுமென்று ஜியோ நிறுவனம் உறுதியளித்துள்ளது. பயனருக்கு மூன்று ரூ.500 க்கான வவுச்சர் மற்றும் ஒரு ரூ.200 க்கான வவுச்சர் வழங்கப்படும்.

ரூ.149 திட்டம் முதல் ரூ.9,999 திட்டம் வரை

அதுமட்டுமில்லாமல் ஜியோவின் ரூ.149 திட்டத்தில் துவங்கி ரூ.9,999 திட்டம் வரை உள்ள அனைத்து திட்டத்திற்கும் கேஷ் பேக் சலுகை வழங்கப்படுமென்று ஜியோ நிறுவனம் தெரிவித்துள்ளது.

புதிய வாடிக்கையாளர் கேஷ் பேக்

கூடுதல் சிறப்பாக ஜியோ பயன்படுத்தும் பழைய வாடிக்கையாளர் மற்றும் புதிய வாடிக்கையாளர்கள் அனைவருக்கும் இந்த கேஷ் பேக் சலுகை வழங்கப்படுமென்று அறிவிக்கப்பட்டுள்ளது.