சார்ஜரின் பின்னால் இருக்கும் இந்த மர்ம குறியீடுகளின் அர்த்தங்கள் என்னென்ன.?

CE குறியீடு:

சார்ஜரின் பின் இருக்கும் CE எனும் குறியீடு பேட்டரி தயாரிப்பவர் வழங்கும் உத்திரவாதம் ஆகும். அதாவது சந்தை விதிமுறைகளின் படி தயாரிக்க அனைத்து விதிமுறைகளும் முறையாகப் பின்பற்றப்பட்டுள்ளது என்பதை உறுதி செய்யும். இதில் எளிமையாகக் கையாளுவது, விற்பனைக்குத் தகுந்த நிலையில் கரவி பாதுகாப்பாக இருக்கின்றது என்பதை உணர்த்தும்.

குப்பைத் தொட்டி:

குப்பைத் தொட்டி குறியீடு சார்ஜரை பயன்படுத்தும் நமக்கான அறிவிப்பு ஆகும். அதாவது சார்ஜர் கருவிகளை மற்ற குப்பைகளுடன் வீசக் கூடாது என்பதைக் குறிக்கும். மின்சாதன கழிவுகள் பயன்பாடு முடிந்ததும் அவை மறுசுழற்சி செய்ய வேண்டும். நேரடியாக குப்பைத் தொட்டியில் வீசுவதைத் தவிர்த்து அதனை மறு சுழற்சி செய்ய வேண்டும் என்பதை இந்தக் குறியீடு உணர்த்துகின்றது.

வீடு:

சார்ஜரில் இருக்கும் வீடு குறியீடு சார்ஜர் தனை வீட்டில் மட்டும் பயன்படுத்த வேண்டும் என்பதைக் குறிக்கும். பொதுவாக வீட்டில் இருக்கும் வெப்பநிலையை மட்டும் தாங்கும் திறன் கொண்ட சார்ஜர் கருவிகளில் இந்தக் குறியீடுகள் இடம் பெற்றிருக்கும். அப்படியானால் சார்ஜர் தொழில்துறை இடங்களில் பயன்படுத்த கூடாது.

சதுரங்கம்:

இரட்டைச் சதுரங்கம் இருப்பதற்கான அர்த்தம் வாடிக்கையாளர்கள் பயன்படுத்த சார்ஜர் இரு முறை காப்பிடப்பட்டுள்ளதை உணர்த்துகின்றது. மின்சாதன பொருட்களை காப்பிடுவது மிகவும் அவசியமான ஒன்றாகும்.

சின்னம்:

சார்ஜரில் இருக்கும் PCT சின்னம் இந்தக் கருவியானது ரஷ்யா தரத்திற்கான சான்று பெற்றிருப்பதை உணர்த்தும். இது GOST R தரச் சான்று என தயாரிப்பு சந்தையில் அழைக்கப்படுகின்றது. GOST R என்பது ஆசிய-ஐரோப்பிய சபையின் விதிமுறைகளுக்கு உட்பட்ட தரச்சான்றிதழ் பெறுவதாகும்.