புது ரூல்ஸ்.. ஜனவரி 1 அமல்.. ரூ.50,000-க்குள் பேங்க் அக்கவுண்ட் பணம்.. ரூ.25,000-க்கு மேல இல்ல.. புது மாற்றம்!

பேங்க் அக்கவுண்ட் வைத்து இருந்து அதில் கூகுள் பே, போன்பே, பேடிஎம் உள்ளிட்ட யுபிஐ ஆப்கள் மட்டுமல்லாமல், மொபைல் பேங்கிங், நெட்பேங்கிங் போன்றவற்றில் பரிவர்த்தனைகளை மேற்கொள்ளும் ஒட்டுமொத்த கஸ்டமர்களுக்கும் ஜனவரி 1ஆம் தேதி முதல் புதிய ஆர்பிஐ (RBI) விதிகள் அமலுக்கு வருகின்றன.

டிஜிட்டல் பரிவர்த்தனைகள் தவிர்க்க முடியாத முக்கிய அங்கமாக மாறிவிட்டன. கூகுள் பே (Google Pay), போன்பே (PhonePe), பேடிஎம் (Paytm) போன்ற யுபிஐ (UPI) ஆப்கள் முதல் மொபைல் பேங்கிங் மற்றும் நெட் பேங்கிங் சேவைகள் வரை அனைத்தும் பணப் பரிமாற்றங்களை எளிமையாக்கி உள்ளன. அதே நேரத்தில் ஆன்லைன் மற்றும் டிஜிட்டல் பண மோசடிகளும் நாளுக்கு நாள் அதிகரித்து வருகின்றன.

அடையாளம் தெரியாத நபர்கள் அல்லது அங்கீகரிக்கப்படாத வணிக நிறுவனங்கள் போல நடித்து, பேங்க் கஸ்டமர்களை நம்பவைத்து ஏமாற்றிப் பணத்தை அனுப்ப வைப்பது போன்ற சம்பவங்கள் அடிக்கடி நிகழ்கின்றன. இதுதவிர, ஏதாவது ஒரு அவசரநிலையை காரணம்காட்டுவது, மனரீதியாக அழுத்தம் கொடுத்து, பேங்க் அக்கவுண்ட் விவரங்களை முறையற்ற முறையில் பெற்று பணத்தை கவரும் சம்வங்களும் அதிகரித்து வருகின்றன.

இத்தகைய மோசடிகளால் பாதிக்கப்பட்ட கஸ்டமர்களின் நிதி பாதுகாப்பை உறுதிசெய்யும் பொருட்டு, இந்திய ரிசர்வ் வங்கி (RBI) ஆனது ஒரு புதிய இழப்பீட்டு விதியை அறிமுகப்படுத்த நடவடிக்கை எடுத்து வருகிறது.
வணிக வங்கிகளுக்கான பொறுப்பான வணிக நடத்தை (மூன்றாவது திருத்த) வழிகாட்டுதல்கள், 2026 இன் கீழ் இந்த புதிய விதிகளை ரிசர்வ் வங்கி அமல்படுத்த இருக்கிறது.

அதன்படி, அடையாளம் தெரியாத நபர்களிடம் ஏமாந்து அதிகபட்சமாக ரூ.50,000 வரை பணத்தை இழக்கும் கஸ்டமர்கள், அந்த இழப்பில் ஒரு குறிப்பிட்ட பகுதியை இழப்பீடாக பெற்று கொள்ள முடியும். இந்த விதியின் கீழ், பாதிக்கப்பட்ட கஸ்டமர்கள் அவர்கள் இழந்த மொத்தத் தொகையில் 85 சதவீத தொகையோ அல்லது அதிகபட்சமாக ரூ.25,000 வரையிலோ இழப்பீடாக பேங்குகளிடம் இருந்து வழங்கப்படும்.

உதாரணத்திற்கு, ஒரு கஸ்டமர்கள் மோசடி நபரிடம் ஏமாந்து ரூ.20,000 பணத்தை இழந்தால், அவருக்கு இழந்த தொகையின் 85 சதவீதமான ரூ.17,000 இழப்பீடாகக் கிடைக்கும். அதேநேரம், அவர் ரூ.40,000 அல்லது ரூ.50,000 வரை இழந்தால், 85 சதவீத கணக்கீட்டின்படி தொகை அதிகமாக வந்தாலும், அவருக்குக் கிடைக்கும் அதிகபட்ச இழப்பீட்டுத் தொகை ரூ.25,000 ஆக மட்டுமே நிர்ணயிக்கப்படும்.

இந்த இழப்பீட்டு தொகையைப் பெறுவதற்கு கஸ்டமர்கள் தங்களுக்கு ஏற்பட்ட பண இழப்பு குறித்து சம்பந்தப்பட்ட பேங்கிடம் உடனடியாகவும் கட்டாயமாகவும் புகார் அளிக்க வேண்டும். கஸ்டமர்கள் அளிக்கும் புகாரைப் பெற்று கொள்ளும் பேங்க் நிர்வாகம், அதுகுறித்து விரிவான விசாரணையை நடத்தி அதன் முடிவுகளை புகார் அளிக்கப்பட்ட 30 நாட்களுக்குள் வாடிக்கையாளருக்குத் தெரியப்படுத்த வேண்டும்.

இந்த விசாரணையின் முடிவில் கஸ்டமரின் இழப்பீட்டுக் கோரிக்கை உண்மையானது மற்றும் நியாயமானது என்று கண்டறியப்பட்டால், அந்த முடிவை அறிவித்ததிலிருந்து அடுத்த 5 வேலை நாட்களுக்குள் பேங்குகள் கஸ்டமர்களுக்கான இழப்பீட்டுத் தொகையை நேரடியாக வழங்கிவிட வேண்டும். இந்த புதிய விதிமுறைகள் ஜூலை 1, 2026 அல்லது அதற்குப் பிறகு மேற்கொள்ளப்படும் பரிவர்த்தனைகளுக்கு பொருந்தும்.

இருப்பினும், இந்த இழப்பீடுகளை வழங்கும் முழுமையான நடைமுறை செயல்பாடு 2027 ஆம் ஆண்டு ஜனவரி 1 ஆம் தேதி முதலே அதிகாரப்பூர்வமாக அமலுக்கு வரும் என்பதால், அந்த தேதியிலிருந்தே கஸ்டமர்களுக்கு
இழப்பீட்டு தொகை உடனடியாக கொடுக்கப்படும். மேலும், டிஜிட்டல் பரிவர்த்தனைகளை மேற்காள்ளும்போது யார் கேட்டாலும் ஓடிபி (OTP), கேஒய்சி (KYC) மற்றும் யுபிஐ பின் (PIN) ஆகியவற்றை பகிரக்கூடாது.