சார் நாங்க இன்னும் 5G Phone-ஏ வாங்கல.. அதுக்குள்ள 6G-ஆ.. Airtel, Jio 6G அறிமுக ஆண்டு அறிவிப்பு?

2026 ஆம் ஆண்டிற்கான மொபைல் வேர்ல்ட் காங்கிரஸ் நிகழ்வில் (Mobile World Congress - MWC 2026), குவால்காம் டெக்னாலஜிஸ் (Qualcomm Technologies) ஆனது நெக்ஸ்ட் ஜெனரேஷன் 6ஜி நெட்வொர்க்குகளின் (Next-generation 6G networks) வளர்ச்சியை விரைவுபடுத்த உலகளவில் முன்னணியில் உள்ள நிறுவனங்களுடன் ஒரு மூலோபாய கூட்டணியை அறிவித்தது.

இந்த கூட்டணியானது ஏஐ நேட்டிவ் 6ஜி அமைப்புகள் (AI native 6G systems) என்கிற மைல்கல்-ஐ உள்ளடக்கிய ரோட்மேப்பை நோக்கி செயல்பட உள்ளன. இதன் அடிப்படையில் வணிக ரீதியான 6ஜி பயன்பாடுகள் 2029 முதல் தொடங்கும் என்று எதிர்பார்க்கப்படுகிறது. குவால்காமின் கூற்றுப்படி, இந்த கூட்டணி வேகமானதாக மட்டுமல்லாமல், நிகழ்நேரத்தில் செயல்திறனை கற்றுக்கொள்ளவும், மாற்றியமைக்கவும் மற்றும் மேம்படுத்தவும் கூடிய நெட்வொர்க்குகளை உருவாக்குவதை நோக்கமாக கொண்டுள்ளது.

முந்தைய தலைமுறை வயர்லெஸ் தொழில்நுட்பத்தை போலல்லாமல், 6ஜி நெட்வொர்க் கட்டமைப்பில் ஏஐ (AI - Artificial Intelligence) ஆனது ஆழமாக ஒருங்கிணைக்கப்படும் என்றும் எதிர்பார்க்கப்படுகிறது. இது டைனமிக் ஸ்பெக்ட்ரம் பயன்பாடு (Dynamic spectrum usage), அறிவார்ந்த டிராபிக் மேலாண்மை (Intelligent traffic management) மற்றும் மேம்பட்ட ஆற்றல் செயல்திறனை (improved energy efficiency.) செயல்படுத்தலாம்.

இந்த தசாப்தத்தின் இறுதிக்குள் அளவிடக்கூடிய டிப்ளாய்மென்ட் மாடல்களுக்கான (Scalable deployment models) அடித்தளத்தை அமைக்கும் வகையில், மேம்பாட்டு கட்டத்தில் நடைபெறும் ஆரம்ப கட்ட ஆர்ப்பாட்டங்களும் கூட குவால்காமின் ரோட்மேப்பில் அடங்கும். எதிர்கால பயன்பாடுகளான - அதிவேக எக்ஸ்டன்ட் ரியாலிட்டி, தன்னாட்சி இயக்கம், தொலைதூர சுகாதார பராமரிப்பு மற்றும் மேம்பட்ட தொழில்துறை ஆட்டோமேஷன் ஆகியவற்றை ஆதரிப்பதில் ஏஐ-நேட்டிவ் நெட்வொர்க் திறன்கள் முக்கிய பங்கு வகிக்கும் என்று தொழில்துறை பங்குதாரர்கள் நம்புகின்றனர்.

இந்தியாவில், முக்கிய தொலைத்தொடர்பு நிறுவனங்களான ரிலையன்ஸ் ஜியோ (Reliance Jio) மற்றும் பாரதி ஏர்டெல் (Bharti Airtel) ஆகிய இரண்டுமே ஏற்கனவே 6ஜி சுற்றுச்சூழல் அமைப்பு மேம்பாடு (6G ecosystem development) குறித்த ஆரம்பகால உலகளாவிய உரையாடல்களில் பங்கேற்க தொடங்கியுள்ளன. அடுத்த தலைமுறை நெட்வொர்க் பரிணாமத்திற்கு தயாராவதற்கு - சர்வதேச தரநிலை அமைப்புகள் மற்றும் தொழில்நுட்ப விற்பனையாளர்களுடன் இணைந்து செயல்படுவதில் இரு நிறுவனங்களும் ஏற்கனவே தங்கள் ஆர்வத்தைக் குறிப்பிட்டுள்ளன.

இவ்விரு நிறுவனங்களின் ஆரம்பகால ஈடுபாடு உலகளாவிய கண்டுபிடிப்பு சுழற்சிகளுடன் (Global innovation cycles) ஒருங்கிணைந்து இருக்க வேண்டும் என்ற பரந்த நோக்கத்தை பிரதிபலிக்கிறது. ஆக 2029 இல் 6ஜி வணிக பயன்பாட்டிற்கு வரும்போது இவ்விரு நிறுவனங்களுமே தயார் நிலையில் இருக்கவும் வாய்ப்புள்ளது. குறிப்பாக தொலைத்தொடர்பு துறை கணினி திறன்களுடன் இணைப்பை இணைக்கும் அறிவார்ந்த உள்கட்டமைப்பை நோக்கி நகரும்போது!

இதன் மூலம் வணிக வெளியீட்டு காலக்கெடுவிற்கு முன்பே - இயங்கக்கூடிய தன்மை (Interoperability), நெட்வொர்க் கட்டமைப்பு வடிவமைப்பு (Network architecture design) மற்றும் ஸ்பெக்ட்ரம் உத்திகளை (Spectrum strategies) ஆராய ஆபரேட்டர்களுக்கு நல்ல நேரம் மற்றும் வாய்ப்புகள் கிடைக்கும். ஜியோவும் ஏர்டெல்லும் வளர்ந்து வரும் 6ஜி சுற்றுச்சூழல் அமைப்புடன் ஈடுபடுவதற்கான ஆரம்ப நடவடிக்கைகளை எடுத்து வருவதாக தோன்றினாலும், குவால்காமின் ரோட்மேப் உடன் இணைக்கப்பட்ட உலகளாவிய விவாதங்கள் அல்லது மேம்பாட்டு முயற்சிகளில் வோடபோன் ஐடியா (Vodafone Idea - Vi) இன்னும் வெளிப்படையாக பங்கேற்கவில்லை.

அடுத்த தசாப்தத்திற்கான தரநிலைகள் மற்றும் உள்கட்டமைப்பு கட்டமைப்புகளை தொழில்துறை வடிவமைக்க தொடங்கும்போது, ​​வணிக ரீதியான பயன்பாடுகள் தொடங்கியவுடன் 6ஜி தத்தெடுப்புக்கான நாடு தழுவிய தயார்நிலையை உறுதி செய்வதற்கு, அனைத்து தொலைத்தொடர்பு பங்குதாரர்களிடமிருந்தும் பரந்த சீரமைப்பு பெருகிய முறையில் முக்கியமானதாக மாறக்கூடும்!