மிரளும் சக்தி.. உருமாறப்போகும் ஸ்மார்ட்போன் பெர்பார்மன்ஸ்.. புது சிப்செட் அறிமுகம்.. எப்போது?

அடுத்த தலைமுறை ஸ்மார்ட்போன்களை மிகவும் பவர்புல் சாதனமாக மாற்ற போகும் சிப்செட் விரைவில் வரப்போகிறது. குவால்காம் (Qualcomm) நிறுவனம் அதன் அடுத்த சக்தி வாய்ந்த ஸ்னாப்டிராகன் 8 ஜென் 3 சிப்செட்டை அறிமுகம் செய்யவுள்ளது. இது பற்றிய விபரங்களை இப்போது பார்க்கலாம்.

குவால்காம் அதன் அடுத்த தலைமுறை சக்தி வாய்ந்த மொபைல் சிப்செட்டை அறிமுகம் செய்யவுள்ளது. இது ஸ்னாப்டிராகன் 8 ஜென் 3 (Snapdragon 8 Gen 3) என்ற பெயருடன் வெளியிட தயாராகி வருகிறது என்று நிறுவனம் அதிகாரப்பூர்வமாக அறிவித்துள்ளது. இந்த வரவிருக்கும் புதிய சிப்செட் இந்த ஆண்டு முதலே பல பிரீமியம் ஸ்மார்ட்போன்களில் கிடைக்கும் என்றும் நிறுவனம் கூறியுள்ளது.

இந்த சிப்செட் இடம்பெறும் அடுத்த தலைமுறை ஸ்மார்ட்போன் பட்டியலும் கூட தயார்நிலையில் இருப்பதாக கூறப்பட்டுள்ளது. ஆனால் இப்போது, ​​நிறுவனம் ஸ்னாப்டிராகன் அதன் அறிமுக நிகழ்வை நடத்தவுள்ளதாக அறிவித்துள்ளது. இதில் அதன் புதிய தொழில்நுட்பங்களை நிறுவனம் வெளியிடும் என்று நிறுவனம் அதிகாரப்பூர்வமாக அறிவித்துள்ளது.

மிகப்பெரிய சிப்செட் மேக்கிங் நிறுவனமான ஸ்னாப்டிராகன், அதன் ஸ்னாப்டிராகன் நிகழ்வு 2023 நிகழ்வின் தேதிகளை அதன் அதிகாரப்பூர்வ X கைப்பிடியில் (முன்னர் ட்விட்டர்) அறிவித்துள்ளது. இந்த நிகழ்வு ஹவாய், மௌயில் நடைபெறும். இந்த நிகழ்வு வழக்கம் போல ஆன்லைனிலும் நேரடி ஒளிபரப்பு செய்யப்படும் என்று நிறுவனம் அறிவித்துள்ளது.

குவால்காமின் 8வது வருடாந்திர ஸ்னாப்டிராகன் நிகழ்வு வரும் 25 அக்டோபர் 2023 அன்று நடைபெறுகிறது. இது செவ்வாய்கிழமை அன்று. அக்டோபர் 26-ம் தேதி வரை 3 நாட்கள் நடைபெறும். இந்த நிகழ்வு அக்டோபர் 23 அன்று மதியம் 12 மணிக்கு PDT இல் தொடங்கும். இங்கே, குவால்காம் ஸ்னாப்டிராகன் 8 ஜென் 3 (Qualcomm Snapdragon 8 Gen 3 SoC) சிப்செட் அறிமுகம் செய்யப்படும் என்று தெரிவிக்கப்பட்டுள்ளது.

இது அடுத்த ஜென் முதன்மை ஸ்மார்ட்போன்களை இயக்கும் சிப்செட்டாக வெளிவரவிருக்கிறது. தெரியாதவர்களுக்கு, இந்த சிப்செட் நிறுவனத்தின் அடுத்த டாப்-எண்ட் சிப்செட் ஆகும். இது இரண்டு வகைகளில் வெளியிடப்படும் என்று எதிர்பார்க்கப்படுகிறது. TSMC ஆல் தயாரிக்கப்பட்ட 4nm மற்றும் 3nm செயல்முறை இதில் அடங்கும். இந்த சிப்செட் வேகமான LPDDR5T ரேமையும் ஆதரிக்கும்.

புதிய ஸ்னாப்டிராகன் 8 ஜென் 3 (Snapdragon 8 Gen 3) ஆனது அட்ரினோ 750 ஜிபியு (Adreno 750 GPU) உடன் இணைக்கப்பட்டு, 2+3+3+1 என்ற கோர் அமைப்புடன் கூடிய கட்டமைப்பைக் கொண்டிருக்கும். இந்த கோர்கள் மேம்படுத்தப்பட்ட ARM கோர்களாகும். இவை ஸ்மார்ட்போன்களுக்கு மேம்படுத்தப்பட்ட ஆற்றல் திறன் மற்றும் செயல்திறனை வழங்கும். இந்த புதிய சிப்செட்டை ஆதரிக்கும் சில ஸ்மார்ட்போன்களின் பட்டியலும் லீக் ஆகி உள்ளது.

சமீபத்திய அறிக்கைகளின்படி, சியோமி (Xiaomi) நிறுவனம் அக்டோபர் 27 ஆம் தேதி அன்று சியோமி 14 (Xiaomi 14) சீரிஸ் ஸ்மார்ட்போன் மாடல்களை அறிமுகப்படுத்துகிறது. இதில் ஸ்னாப்டிராகன் 8 ஜென் 3 (Snapdragon 8 Gen 3) இருக்கும் என்று கூறப்பட்டுள்ளது. ஸ்னாப்டிராகன் 8 ஜென் 3 சிப்செட்டை பெரும் முதல் பிராண்டு இதுவாகும்.

Xiaomi 14 தொடரைத் தொடர்ந்து, ஒன்பிளஸ் 12 (OnePlus 12), iQOO 12 தொடர், ரியல்மி ஜிடி 5 ப்ரோ (Realme GT 5 Pro), மெய்ஜு 21 (Meizu 21) தொடர், நுபியா ரெட் மேஜிக் 9 (Nubia Red Magic 9) வரிசை, ஹானர் மேஜிக் 6 (Honor Magic 6) தொடர் மற்றும் ஒப்போ (OPPO) உள்ளிட்ட பிராண்டுகளின் அடுத்த புது வரவு ஸ்மார்ட்போன்களில் இந்த சிப்செட்டை நாம் எதிர்பார்க்கலாம் என்று தகவல்கள் வெளியாகியுள்ளது.