இன்று விண்ணில் பாயும் பிஎஸ்எல்வி சி50 ராக்கெட்: நிலைநிறுத்தப்படும் சிஎம்எஸ்-1 செற்கைகோள்!

தகவல் தொடர்பு வசதிகளை மேம்படுத்த செயற்கைகோள்

இந்திய விண்வெளி ஆய்வு நிறுவனம்(இஸ்ரோ) தகவல் தொடர்பு வசதிகளை மேம்படுத்த இதுவரை 41 செயற்கைக்கோள்களை விண்ணில் நிலை நிறுத்தியுள்ளது. இதில் கடந்த 2011 ஆம் ஆண்டு ஏவப்பட்ட ஜிசாட்-12 செயற்கைகோளின் ஆயுட்காலம் முடிவடைந்து விட்டது. இதை சரிசெய்ய அதற்கு மாற்றாக சிஎம்எஸ்-1 செயற்கை கோளை இஸ்ரோ விண்ணில் ஏவப்பட உள்ளது.

பிஎஸ்எல்வி சி50 ராக்கெட் மூலம் செயற்கைகோள்

சிஎம்எஸ்-1 (ஜிசாட்-12ஆர்) செயற்கைகோளை பிஎஸ்எல்வி சி50 ராக்கெட் மூலம் ஏவப்பட உள்ளது. ராக்கெட் ஏவப்படுவதற்கான அனைத்து பணிகளும் நிறைவடைந்து அதற்கான கவுன்டவுன் நேற்று தொடங்கப்பட்டது.

7 ஆண்டுகள் ஆயுட்காலம்

சுமார் 7 ஆண்டுகள் ஆயுட்காலம் கொண்ட சிஎம்எஸ்-1 செயற்கைகோள் 1400 கிலோ எடை கொண்டது. பேரிடர் கண்காணிப்பு, இணையவழிக் கல்வி, தொலை மருத்துவம் உள்ளிட்டவற்றுக்கு இது பயன்படும் என கூறப்பட்டுள்ளது.

சதீஷ்தவான் மையத்தில் இருந்து ஏவப்படும் ராக்கெட்

இஸ்ரோ வடிவமைத்துள்ள சிஎம்எஸ்-1 செயற்கைகோள் ஸ்ரீ ஹரிகோட்டாவில் உள்ள சதீஷ்தவான் மையத்தில் உள்ள இரண்டாவது ஏவுதளத்தில் இருந்து பிஎஸ்எல்வி சி50 ராக்கெட் மூலம் இன்று மாலை 3.41 மணிக்கு விண்ணில் ஏவப்பட உள்ளது.