இழுத்து மூடப்பட்ட கதவுகள் : ஆழ்ந்த இரங்கல்கள்!

டொரன்ட்ஸ்

கிக்ஆஸ் டொரன்ட்ஸ் முடக்கப்பட்டாலும் சீராக இயங்கி வந்த டொரன்ட்ஸ்.இயு (Torrentz.eu) தளம் திடீரென தனது சேவையை நிறுத்தி கொள்வதாக அறிவித்துள்ளது.

சேவை

2003 ஆம் ஆண்டு துவங்கப்பட்ட டொரன்ட்ஸ்.இயு தளமானது உலகின் அதிகம் பயன்படுத்தப்படும் இணையதளமாக மிக வேகமாக வளர்ந்து வந்தது.

செய்தி

13 ஆண்டுகள் தொடர்ச்சியான சேவை வழங்கிய டொரன்ட்ஸ் திடீரென தனது சேவையை நிறுத்திக் கொள்வதாக அறிவித்துள்ளது என நெக்ஸ்ட் வெப் செய்தியில் குறிப்பிடப்பட்டுள்ளது.

இணையதளம்

ரொடன்ட்ஸ்.இயு தளத்தின் முகப்பு பக்கம் தொடர்ந்து வேலை செய்தாலும் மற்ற பக்கங்கள் எதுவும் வேலை செய்யவில்லை. எவ்வித முன்னறிவிப்பும் இன்றி திடீரென இத்தளம் தனது சேவையை நிறுத்தியுள்ளது குறிப்பிடத்தக்கது.

இலவசம்

டொரன்ட்ஸ் தளம் பல்வேறு தேடுபொறிகளில் இருந்து தகவல்களை வழங்கியதோடு மிகவும் வேகமாகவும், தரவுகளை இலவசமாகவும் வழங்கும் தளமாக விளங்கியது. இன்று டொரன்ட்ஸ் தளத்தை திறக்கும் போது "Torrentz will always love you. Farewell" என்ற தகவல் திரையில் காணப்படுகின்றது.

பயனர்கள்

டொரன்ட்ஸ் தளத்தின் பயனர்களும் தங்களது பதிவு குறியீடு மூலம் சைன் இன் செய்ய இயலவில்லை, மாறாக அவர்களுக்கும் "Torrentz will always love you. Farewell" தகவல் மட்டுமே கிடைக்கின்றது.