வரே வா!.. பிரதமர் மோடி 5ஜி டெஸ்ட்பெட் சேவையை அறிமுகப்படுத்தினார்: இது எப்படி நாட்டிற்கு பயன் தரும்?

இந்திய பிரதமர் 5G சோதனை படுக்கையை தொடங்கி வைத்தார்

இந்திய தொலைத்தொடர்பு ஒழுங்குமுறை ஆணையத்தின் (TRAI) வெள்ளி விழாவைக் குறிக்கும் வகையில் 5G சோதனை படுக்கையை இந்தியப் பிரதமர் இன்று தொடங்கி வைத்தார். விர்ச்சுவல் புரோகிராம் மூலம் இந்த வெளியீடு நடந்தது. இந்த நிகழ்வின் நினைவாக ஒரு புதிய தபால் தலையையும் பிரதமர் நரேந்திர மோடி வெளியிட்டார். அதனைத் தொடர்ந்து 5ஜி டெஸ்ட்பெட் அறிமுகமானது. இந்த புதிய 5ஜி டெஸ்ட்பெட் சோதனை 5ஜியை நோக்கிய இந்தியத் தொலைத்தொடர்புத் துறையின் பாய்ச்சலை வலுப்படுத்தும் என்று உறுதியளிக்கப்பட்டுள்ளது.

ஐஐடி மெட்ராஸ் தலைமையிலான 5ஜி டெஸ்ட்பெட்

ஐஐடி மெட்ராஸ் தலைமையிலான எட்டு நிறுவனங்களால் 5ஜி டெஸ்ட்பெட் உருவாக்கப்பட்டது என்பது கவனிக்கத்தக்கது. இதில் ஐஐடி டெல்லி, ஐஐடி பாம்பே, ஐஐடி ஹைதராபாத், ஐஐடி கான்பூர், ஐஐஎஸ்சி பெங்களூர், வயர்லெஸ் தொழில்நுட்பத்தில் சிறந்து விளங்கும் மையம் (CEWiT), சொசைட்டி ஃபார் அப்ளைடு மைக்ரோவேவ் எலக்ட்ரானிக்ஸ் இன்ஜினியரிங் & ரிசர்ச் மற்றும் பலர் இந்த திட்டத்தில் பணியாற்றி வருகின்றனர் என்பதும் குறிப்பிடத்தக்கது. மல்டி இன்ஸ்டிட்யூட் கூட்டுறவு திட்டமான 5G டெஸ்ட்பெட் 220 கோடி ரூபாய் செலவில் உருவாக்கப்பட்டுள்ளது.

5G டெஸ்ட்பெட் எதற்கானது?

5G டெஸ்ட்பெட், மேலே குறிப்பிட்டுள்ளபடி, இந்திய தொழில்துறை மற்றும் ஸ்டார்ட்அப்களுக்கான ஆதரவு சூழலை உருவாக்குகிறது. தொலைத்தொடர்புத் துறையின் உச்ச அமைப்பான DCC (டிஜிட்டல் கம்யூனிகேஷன்ஸ் கமிஷன்) 5Gக்கான ஸ்பெக்ட்ரம் ஏல முறைகளை முடிவு செய்யும் அதே நாளில்தான் 5G டெஸ்ட்பெட் அறிமுகம் செய்யப்படுகிறது. இன்றைய டிஜிட்டல் கம்யூனிகேஷன்ஸ் கமிஷன் கூட்டத்தில் தொலைத்தொடர்பு நிறுவனங்களுக்கு ஸ்பெக்ட்ரம் மாற்றப்படும் நேரம், டெலிகாம் ஆபரேட்டர்கள் தனியார் 5ஜி நெட்வொர்க்குகளுக்கான தொழில்துறையுடன் இணைந்து பணியாற்றுவதற்கான வழிகள்

5ஜி அறிமுகம் தொடர்பான முக்கிய முடிவுகள்

தேர்ந்தெடுக்கப்பட்ட 5ஜி பேண்டுகளின் வெளியீடு பொறுப்புகள் குறித்து முடிவு செய்ய வாய்ப்புள்ளது. இந்த கூட்டத்தில் இந்தியாவில் 5ஜி அறிமுகம் தொடர்பான முக்கிய முடிவுகள் எடுக்கப்படும் என எதிர்பார்க்கப்படுகிறது. தொலைத்தொடர்புத் துறையில் முக்கியமான மற்றும் நவீன தொழில்நுட்பத்தில் தன்னிறைவு பெற 5ஜி ஒரு முக்கியமான படியாகும் என்றும் பிரதமர் நிகழ்வின் போது கூறியுள்ளார். நாட்டின் கிராமப்புறங்களில் 5ஜி தொழில்நுட்பத்தைக் கொண்டு செல்வதில் கவனம் செலுத்தப்படும் என்றும் அவர் மேலும் கூறினார்.

21 ஆம் நூற்றாண்டில் 5ஜியின் பங்கு முக்கியமானது

பிரதமர் கூறிய படி, 21 ஆம் நூற்றாண்டில் இந்தியாவின் இணைப்பு, நாட்டின் முன்னேற்றத்தின் வேகத்தை நிர்ணயிக்கும் என்றும், அது ஒவ்வொரு நிலையிலும் மேம்படுத்தப்பட வேண்டும் என்றும் பிரதமர் மோடி கூறினார். இதில் 5ஜியின் பங்கு முக்கியமானது என்றும் கூறியுள்ள. 5ஜி தொழில்நுட்பம் நாட்டின் நிர்வாகம், வாழ்க்கை நிலைமைகள் மற்றும் வணிக வசதிகளில் சாதகமான மாற்றங்களைக் கொண்டுவரும். இது விவசாயம், சுகாதாரம், கல்வி, உள்கட்டமைப்பு மற்றும் தளவாடங்களில் வளர்ச்சியை அதிகரிக்கும் என்றும் கூறியுள்ளார்.

இந்தியப் பொருளாதாரத்திற்கு 450 மில்லியன் டாலர்கள் பயனளிக்கும்

5ஜி வசதிகளை அதிகரித்து அதிக வேலை வாய்ப்புகளை உருவாக்கும் என்று பிரதமர் கூறியுள்ளார். 5ஜி அடுத்த 15 ஆண்டுகளில் இந்தியப் பொருளாதாரத்திற்கு சுமார் 450 மில்லியன் டாலர்கள் பயனளிக்கும் என்றும் அவர் கூறினார். இந்தியாவில் உள்ள தொலைத்தொடர்பு நிறுவனங்கள் ஏற்கனவே 5ஜியை பரிசோதித்து வருகின்றன என்பது கவனிக்கத்தக்கது. 5ஜி நெட்வொர்க் சோதனையை ஏர்டெல், ஜியோ மற்றும் VI ஆகியவை செய்துள்ளன. தேர்ந்தெடுக்கப்பட்ட நகரங்களில் சோதனைகள் மூலம் இந்த தொலைத்தொடர்பு நிறுவனங்கள் அதிவேக இணையத்தைப் பெற்றுள்ளன.

தொலைத்தொடர்பு நிறுவனங்கள் 5ஜி சோதனை

ஜியோ உள்ளிட்ட நிறுவனங்கள் 5ஜியில் முதலீடு செய்ய அதிக அளவில் பணம் திரட்டி வருவதாகச் செய்திகள் வெளியாகியுள்ளன. ஸ்பெக்ட்ரம் ஏலத்திற்குப் பிறகு விரைவில் நாட்டில் வணிக ரீதியாக 5G கிடைக்கும் என்பது உறுதி. தனியார் தொலைத்தொடர்பு நிறுவனங்கள் 5ஜி சோதனைக்குத் தயாராகி மும்முரமாகக் களமிறங்கி, வேகமாக வேலை செய்து வரும் அதே நேரத்தில், அரசுக்குச் சொந்தமான BSNL நிறுவனம் இன்னும் 4ஜி சேவையையே முழுமையாக நாட்டில் விரிவுபடுத்த முடியாமல் தத்தளிப்பதும், இதற்கு போதுமான பதில் அரசிடமும் இல்லை என்பது நாம் மறுக்கமுடியாத உண்மையே.