அமேசான்: இனி பகுதி நேரமாக பார்சல்களை டெலிவரி செய்து நீங்கள் சம்பாதிக்கலாம்.!

பகுதி நேர டெலிவரி

தற்சமயம் புதிய அறிவிப்பு வெளிவந்துள்ளது அது என்னவென்றால், இ-காமர்ஸ் நிறுவனமான அமேசான் இந்தியா, பகுதி நேர டெலிவரி மூலம் கூடுதல் ஈட்டுவதற்கான அமேசான் பிளக்ஸ் என்ற புதிய திட்டத்தை அறிமுகம் செய்துள்ளது.

கல்லூரி மாணவர்கள்

இந்த அமேசான் பிளக்ஸ் திட்டம் இல்லத்தலைவிகள், செக்யூரிட்டி பணியாளர்கள், கல்லூரி மாணவர்கள் மற்றும் பகுதி நேர பணியை எதிர்நோக்குபவர்களுக்காக அறிமுகம் செய்யப்பட்டுள்ளது என்பது குறிப்பிடத்தக்கது

எளிமையாக சம்பாதிக்கலாம்

குறிப்பாக இந்த திட்டத்தின் மூலம் மணிக்கு ரூ.120 முதல் ரூ.140 வரை எளிமையாக சம்பாதிக்கலாம். கடந்த 2 வாரமாக முன்னோட்டம் பார்க்கப்பட்ட இந்த திட்டம் பெங்களூரு, மும்பை மற்றும் தில்லி ஆகிய நகரங்களில் முதல் கட்டமாக அறிமுகம் ஆகிறது.

ஆறு நாடுகளில் ஏற்கனவே செயல்பட்டு வருகிறது

இந்தியாவில் பொதுமக்கள் பகுதி நேர டெலிவரி மேற்கொண்டு வருமானம் ஈட்டும் அமேசான் பிளக்ஸ் திட்டம், அமெரிக்கா, ஜெர்மனி, ஸ்பெயின் உள்ளிட்ட ஆறு நாடுகளில் ஏற்கனவே செயல்பட்டு வருகிறது.

துணைத் தலைவர்

இந்தியாவில் அமேசான் நிறுவனம் ஆறு ஆண்டுகளாக செயல்பட்டு வந்தாலும் தற்போது தான் இந்தத் திட்டத்தை இந்திய சந்தையில் அறிமுகம் செய்துள்ளது, இந்திய சந்தையின் பிரத்தேயேகத் தேவையை கருத்தில் கொண்டு, இந்த வசதி தாமதமாக அறிமுகம் ஆவதாக, அமேசான் நிறுவன ஆசிய செயல்பாடுகள் துணைத் தலைவர் அகில் சக்சேனா கூறுகிறார். பின்பு விரைவில் அமேசான் பிளக்ஸ் திட்டம் அனைத்து இடங்களுக்கும் வரும் என்று எதிர்பார்க்கப்படுகிறது.