போட்டி போடலாமா: களமிறங்கிய ஒப்போ ரெனோ 7 ப்ரோ, ரெனோ 7 5ஜி- உச்ச அம்சம், 65 வாட்ஸ் சார்ஜ் வசதி!

Published: Friday, February 4, 2022, 18:06 [IST]

ஒப்போவின் அடுத்த தலைமுறை ரெனால்ட் சீரிஸ் ஸ்மார்ட்போன்கள் இந்திய ஸ்மார்ட்போன்கள் சந்தையில் அடியெடுத்து வைத்துள்ளன. நிறுவனம் இன்று ஒப்போ ரெனோ 7 5ஜி மற்றும் ரெனோ 7 ப்ரோ சாதனங்களை அறிமுகப்படுத்தியது. சாதனங்கள் சீனாவில் அறிமுகப்படுத்தப்பட்ட மூன்று மாதங்களுக்கு பிறகு இந்தியாவில் அறிமுகம் செய்யப்பட்டுள்ளது. இந்த சாதனங்கள் ரெனால்ட் 6 தொடரில் இருந்து பெரிய மாற்றங்களை பெற்று இருக்கின்றன. ஒப்போ ஸ்டார்லைட் வடிவமைப்பு ரெனோ 7 ப்ரோவில் வழங்கப்பட்டு இருக்கிறது. பின்புற பேனலில் ஒளி விழும் போது அதன் நிறங்கள் மாறுபடும்.

ஒப்போ ரெனோ 7 மற்றும் ரெனோ 7 ப்ரோ

ஒப்போ ரெனோ 7 மற்றும் ரெனோ 7 ப்ரோ ஆகியவை உயர் புதுப்பிப்பு விகிதங்களுடன் அமோலெட் டிஸ்ப்ளேக்களை கொண்டிருக்கின்றன. இந்த ஸ்மார்ட்போன் கேமிங் மற்றும் அன்றாட பணிகளுக்கான 5ஜி செயலிகளையும் கொண்டிருக்கிறது. இந்த சாதனத்தில் இருக்கும் சிறந்த கேமரா அம்சங்கள் இதை இன்னும் கவர்ச்சிகரமான சாதனமாக மாற்றுகிறது. இந்தியாவில் ரெனோ 7 ஆனது சீனாவில் அறிமுகம் செய்யப்பட்ட ரெனோ 7எஸ்இ ஸ்மார்ட்போனின் மறுபெயரிடப்பட்ட பதிப்பாக இருக்கிறது. இந்தியாவில் இந்த ஸ்மார்ட்போன் சியோமி உள்ளிட்ட சாதனங்களுடன் போட்டியிடும் என எதிர்பார்க்கப்படுகிறது.

ஒப்போ ரெனோ 7 சீரிஸ்: விலை

ஒப்போ ரெனோ 7 ப்ரோ ஆனது ஒரே வேரியண்டில் கிடைக்கிறது. 12 ஜிபி ரேம் மற்றும் 256 ஜிபி சேமிப்பு கொண்ட இந்த மாடலின் விலை ரூ.39,999 ஆக இருக்கிறது. இந்த ஸ்மார்ட்போன் StarTrail Blue மற்றும் Starlight Black ஆகிய நிறங்களில் கிடைக்கிறது. ஒப்போ ரெனோ 7 விலை ரூ.28,999 ஆக இருக்கிறது. இந்த சாதனம் ரெனால்ட் 7 ப்ரோவின் அதே வண்ண விருப்பங்களைக் கொண்டுள்ளது. ரெனோ 7 ப்ரோ பிப்ரவரி 8 முதல் விற்பனைக்கு வரும் எனவும் ரெனோ 7 பிப்ரவரி 17 முதல் கிடைக்கும் எனவும் கூறப்படுகிறது. ஒப்போவின் ஆன்லைன் ஸ்டோர் மற்றும் பார்ட்னர் ஆஃப்லைன் ஸ்டோர்களில் கிடைக்கும்.

ஒப்போ ரெனோ 7 ப்ரோ: அம்சங்கள்

ஒப்போ ரெனோ 7 ப்ரோ ஸ்மார்ட்போனில் 6.55-இன்ச் முழு எச்டி ப்ளஸ் சூப்பர் அமோலெட் டிஸ்ப்ளே உடன் வருகிறது. இது 90 ஹெர்ட்ஸ் வரை புதுப்பிப்பு வீதம் மற்றும் 180 டச் மாதிரி வீதத்துடன் வருகிறது. எனவே, இந்த சாதனம் கேமிங் உட்பட அனைத்திற்கும் ஏற்றது. டிஸ்ப்ளே பாதுகாப்புக்காக கார்னிங் கொரில்லா கிளாஸ் 5 பாதுகாப்பு கொண்டுள்ளது. இந்த ஸ்மார்ட்போனில் ஆக்டோ கோர் மீடியாடெக் டைமன்சென் 1200 செயலி மூலம் இயக்கப்படுகிறது. சாதனம் ஆண்ட்ராய்டு கலர் ஓஎஸ் 12 மூலம் இயக்கப்படுகிறது.

பின்புறத்தில் மூன்று கேமராக்கள்

ஒப்போ ரெனோ 7 ப்ரோவின் பின்புறத்தில் மூன்று கேமராக்கள் இருக்கிறது. டிரிபிள் ரியர் கேமரா அமைப்புடன் இந்த ஸ்மார்ட்போன் வருகிறது. இதில் 50 மெகாபிக்சல் சோனி ஐஎம்எக்ஸ்766 சென்சார், வைட் ஆங்கிள் கேமரா மற்றும் 2 மெகாபிக்சல் மேக்ரோ கேமரா ஆகியவை அடங்கும். செல்ஃபிகள் மற்றும் வீடியோ வசதிக்கு என 32 மெகாபிக்சல் சோனி ஐஎம்எக்ஸ் 709 கேமரா சென்சார் மூலம் சாதனம் இயக்கப்படுகிறது. இந்த சாதனம் 4500mAh பேட்டரியைக் கொண்டுள்ளது. இந்த பேட்டரி வேகமாக சார்ஜ் செய்வதற்கு 65W ஃபாஸ்ட் சார்ஜிங் ஆதரவையும் கொண்டுள்ளது.

ஒப்போ ரெனோ 7: அம்சங்கள்

ஒப்போ ரெனோ 7 ஸ்மார்ட்போனானது 6.4-இன்ச் முழு எச்டி ப்ளஸ் அமோலெட் டிஸ்ப்ளே 90 ஹெர்ட்ஸ் புதுப்பிப்பு வீதம் மற்றும் 180 ஹெர்ட்ஸ் டச் மாதிரி வீதத்துடன் வருகிறது. டிஸ்பிளேயின் உள்ளே கைரேகை சென்சார் கொடுக்கப்பட்டுள்ளது. இந்த சாதனம் மீடியாடெக் டைமன்சிட்டி 900 செயலி மூலம் இயக்கப்படுகிறது. சாதனம் 8 ஜிபி ரேம் மற்றும் 256 ஜிபி உள் சேமிப்பு வசதியோடு வருகிறது. ஒப்போ இந்த சாதனத்தில் நீட்டிக்கப்பட்ட ரேம் அம்சத்தையும் அறிமுகப்படுத்தியுள்ளது.

65 வாட்ஸ் வரை ஃபாஸ்ட் சார்ஜிங்

ஒப்போ ரெனோ 7 ஸ்மார்ட்போனில் 64 மெகாபிக்சல் முதன்மை சென்சார், 8 மெகாபிக்சல் அல்ட்ரா வைட் ஆங்கிள் கேமரா மற்றும் 2 மெகாபிக்சல் மேக்ரோ சென்சார் உள்ளது. ஒப்போ செல்ஃபிக்களுக்காக சாதனத்தின் பஞ்ச்-ஹோல் வசதியோடு 32 மெகாபிக்சல் கேமராவை வழங்கியுள்ளது. சாதனம் 65 வாட்ஸ் வரை சார்ஜிங் ஆதரவோடு 4500 எம்ஏஎச் பேட்டரியையும் கொண்டுள்ளது.