ஓப்போ எஃப்7: இரு வகைகளில் வெளி வருகிறது?

25எம்பி ஏஐ-திறன் கொண்ட செல்ஃபீ கேமரா

ஓப்போ எஃப்7-னின் இரு வகைகளிலும், 25எம்பி ஏஐ திறன் கொண்ட செல்ஃபீ கேமரா இருக்கும் என்று நம்பப்படுகிறது. சிறப்பான செல்ஃபீ படங்களுக்கு உதவும் வகையில், ஓப்போ எஃப்5-யைப் போலவே இந்த ஸ்மார்ட்போனில் உள்ள கேமராவும் செயற்கை நுண்ணறிவை பயன்படுத்தும் என்று கூறப்படுகிறது. ஓப்போ எஃப்5-யை போன்று இந்த செல்ஃபீ கேமராவிலும், தோலின் நிறம், பாலினம் மற்றும் வயது ஆகியவற்றை கருத்தில் கொண்டு செல்ஃபீ படங்களை எடுக்கும் திறன் கொண்டது என்று கூறப்படுகிறது.

ஈர்க்கக்கூடிய 128ஜிபி நினைவகம்

ஏற்கனவே கூறியது போல, ஓப்போ எஃப்7 ஸ்மார்ட்போனின் 128ஜிபி உள்ளக நினைவகத்தை கொண்ட உயர்தர வகையின் படம், சமீபகால டீஸராக வெளியிடப்பட்டுள்ளது. இதன்மூலம் நடுத்தர சந்தை பிரிவில் சேரும் வகையில் இந்த ஸ்மார்ட்போனின் விலை நிர்ணயிக்கப்படலாம் என்று தெரிவிக்கப்பட்டுள்ள நிலையில், இவ்வளவு அதிகளவில் நினைவக கொள்ளளவை கொண்ட ஸ்மார்ட்போன்கள் கிடைப்பது சற்று சிரமம் தான் என்பது கவனிக்கத்தக்கது.

ஐபோன் எக்ஸ் போன்ற நொட்ச் மற்றும் மெலிந்த பேசில்கள்

ஓப்போ நிறுவனம் வெளியிட்ட முந்தைய டீஸர்களில் இருந்து, ஐபோன் எக்ஸில் மேலே நடுப்பகுதியில் டிஸ்ப்ளே நொட்ச் இருப்பது போல, இதிலும் இருக்கலாம் என்று தெரிகிறது. மேலும், டீஸர் காட்சிகளை வைத்து பார்த்தால், இந்த சாதனத்தின் இரு பக்கங்களிலும் மெலிந்த பேஸில்கள் இருப்பதை காண முடிகிறது.

தற்போது கிடைத்துள்ள செய்திகளின் மூலம் இதில் 6.2 இன்ச் அளவிலான டிஸ்ப்ளே, 2280 x 1080 பிக்சல் எஃப்ஹெச்டி+ பகுப்பாய்வு மற்றும் 19:9 விகிதத்தில் அமைந்திருப்பதாகத் தெரிகிறது. மேலும், இந்த ஓப்போ எஃப்7-னின் திரைக்கும் பாடிக்கும் இடையே உள்ள விகிதம் 89.09% இருக்கலாம் என்று எதிர்பார்க்கப்படுகிறது.