பணம், நேரம், வயது லிமிட்.. மே 1 முதல் அமல்.. சூதாட்ட கேம்களை சுளுக்கு எடுக்கும் புது Online Gaming ரூல்ஸ்!

ஆன்லைன் கேமிங் ஊக்குவிப்பு மற்றும் ஒழுங்குமுறை சட்டத்தை (Promotion and Regulation of Online Gaming Act) நடைமுறைப்படுத்துவதற்கான, மிக நீண்டகாலமாக எதிர்பார்க்கப்பட்ட விதிகளை இந்திய அரசாங்கம் இன்று அறிவித்தது. இது, இத்துறையின் டிஜிட்டல்-சார்ந்த ஒழுங்குமுறை அமைப்பான 'இணையவழி விளையாட்டு ஆணையத்திற்கு' (Online gaming authority) வழிவகுக்கிறது.

மேலும், பெரும்பாலான ஆன்லைன் சோஷியல் கேம்களுக்கு கட்டாய பதிவு (Registration) அல்லது முன் தீர்மானம்/வகைப்பாடு (Prior determination / Classification) தேவைப்படாத ஒரு "ஒழுங்குமுறை-குறைவான" கட்டமைப்பையும் ("Regulation-light" framework) இது அமைக்கிறது. இதன் கீழ் அறிவிக்கப்பட்டுள்ள புதிய விதிகள் வருகிற மே 1, 2026 முதல் அமலுக்கு வருகின்றன.

குறிப்பாக, இந்த விதிமுறைகள் 'பயனர் பாதுகாப்பு அம்சங்கள்' (User safety features) என்ற புதிய கருத்தை ஒரு செயல்படுத்தும் விதியாக அறிமுகப்படுத்துகின்றன. இவை, விளையாட்டின் இடர் தன்மைக்கு (Risk profile) ஏற்ற தொழில்நுட்ப, நடைமுறை, செயல்பாட்டு, நடத்தை அல்லது அமைப்பு சார்ந்த பாதுகாப்பு அம்சங்களாகும்.

இவற்றில் வயது சரிபார்ப்பு மற்றும் வயது வரம்பு, நேர கட்டுப்பாடுகள், பெற்றோர் கட்டுப்பாடுகள், பயனர் புகார் கருவிகள், ஆலோசனை ஆதரவு, மற்றும் நேர்மையான விளையாட்டு மற்றும் நேர்மை கண்காணிப்பு ஆகியவை அடங்கும். சேவை வழங்குநர்கள், தீர்மானம் அல்லது பதிவிற்கான விண்ணப்பத்தின் போது தங்களின் 'பயனர் பாதுகாப்பு அம்சங்கள்' மற்றும் உள் குறைதீர்ப்பு வழிமுறைகளை வெளியிட வேண்டும்.

இந்த சட்டம் "வெளிப்படையாகவே" தடைசெய்யும் ஒரு ஆன்லைன் பண விளையாட்டுதானா என்பதை வகைப்படுத்த, புதிய விதிகள் ஒரு நிர்ணய சோதனையை விதிக்கின்றன - அத்தகைய சோதனை மூன்று சூழ்நிலைகளில் செயல்படுத்தப்படுகிறது: அதிகார அமைப்பே தானாக முன்வந்து ஒரு மறுஆய்வை தொடங்கும் பட்சத்தில், வழங்குநர் ஒரு இ-கேமிங் சேவையை வழங்கும் போது, ​​அல்லது குறிப்பாக, அதில் பங்கேற்கத் தேவைப்படும் "நிதிப் பரிவர்த்தனைகளின் தன்மை, அளவு அல்லது மதிப்பு அல்லது நிதி அங்கீகாரம்" ஆகியவற்றின் அடிப்படையில் அரசாங்கம் சோஷியல் கேம்களின் ஒரு வகையைக் குறிப்பிடும் போது.

ஆன்லைன் விளையாட்டில் பங்கேற்பின் எந்தவொரு கட்டத்திலும் கட்டணம் செலுத்த வேண்டுமா அல்லது பணம் டெபாசிட் செய்ய வேண்டுமா என்பது போன்ற அம்சங்கள், வகைப்பாட்டை நிர்ணயிப்பதற்கான காரணிகளில் கருத்தில் கொள்ளப்படுகின்றன. பணப்பரிசுகள் குறித்த எதிர்பார்ப்பு, வருவாய் மாதிரியின் கட்டமைப்பு, மற்றும் விளையாட்டுக்கு வெளியே வெகுமதிகள் அல்லது விளையாட்டுக்குள்ளான சொத்துக்கள் மீட்கப்படும் அல்லது பணமாக்கப்படும் விதம் ஆகியவை மற்ற அளவுகோல்களாக இருக்கும்.

ஒரு முழுமையான விண்ணப்பம் சமர்ப்பிக்கப்பட்ட 90 நாட்களுக்குள் அல்லது தாமாக முன்வந்து தொடரப்படும் நடவடிக்கையில் அறிவிப்பு வெளியிடப்பட்ட 90 நாட்களுக்குள் இந்த வகைப்பாடு முடிக்கப்படும். "முடிந்தவரை, இந்த முழு விஷயத்தையும் ஒழுங்குமுறைகள் குறைவாக உள்ளதாக வைத்திருக்க நாங்கள் விரும்பினோம். பணம் சார்ந்த விளையாட்டுகள் அல்லாத பெரும்பாலான விளையாட்டுகள், வகைப்பாடு நிர்ணயிக்கப்படவோ அல்லது பதிவு செய்யப்படவோ வேண்டிய கட்டாயமின்றி செயல்பட வேண்டும். எனவே, அந்த முழு செயல்முறையும் விருப்பத்திற்குட்பட்டது," என்று தகவல் தொழில்நுட்பச் செயலாளர் எஸ். கிருஷ்ணன் செய்தியாளர்களிடம் கூறினார்.

மேலும் அவர் "இது ஒரு ஆன்லைன் பண விளையாட்டா, ஆன்லைன் சமூக விளையாட்டா, அல்லது இ-ஸ்போர்ட்ஸா என்பதை தீர்மானிக்க, விண்ணப்பிக்குமாறு நாங்கள் யாரையும் கட்டாயப்படுத்தவில்லை" என்றும் அவர் கூறியுள்ளார். பயனர்களுக்கு (குழந்தைகள் உட்பட) ஏற்படும் ஆபத்து, பங்கேற்பின் அளவு, நிதி பரிவர்த்தனைகள், விளையாட்டை வழங்கும் ஆன்லைன் விளையாட்டுச் சேவை வழங்குநரின் பிறந்த நாடு அல்லது தலைமை அலுவலகம், மற்றும் 'பொது நலனுக்காக அல்லது பயனர்களின் நலன்களைப் பாதுகாப்பதற்காக ஆணையம் அவசியமெனக் கருதும் பிற காரணிகள்' ஆகியவற்றைக் கருத்தில் கொண்டு, அரசாங்கம் அவ்வாறு அறிவிக்கும் பட்சத்தில் மட்டுமே பதிவு செய்தல் அவசியமாகும்" என்று விளக்கம் அளித்துள்ளார்.