OnePlus-ல் அறிமுகமாகும் புது ஜூபிட்டர் ராக் போன்! இது மாதிரி பூமியில வேற போனே இல்லையாம்! அப்படி என்ன இருக்கு?

OnePlus 11 5G போனில் புதிதாக ஒரு லிமிடெட் எடிஷன் ஸ்மார்ட்போன் மாடலை நிறுவனம் அறிமுகம் செய்யவுள்ளது. இதுவரை ஒன்பிளஸ் ஸ்மார்ட்போன் உலகத்தில் பயன்படுத்தப்படாத ஒரு அரிய பொருளை வைத்து இந்த போனை உருவாக்கியுள்ளதாகக் கூறப்படுகிறது. இது ஜூபிட்டர் வெர்ஷனென்று அழைக்கப்படுகிறது.

ஒன்பிளஸ் 11 5ஜி இந்த ஆண்டின் தொடக்கத்தில் உலக சந்தைகளில் அறிமுகப்படுத்தப்பட்டது. உலகளாவிய சந்தையில் கிடைக்கும் முன், இந்த சாதனம் சீனாவில் அறிமுகப்படுத்தப்பட்டது. இந்த போனை நிறுவனம் பிளாக் மற்றும் க்ரீன் நிறங்களில் மட்டுமே அறிமுகப்படுத்தியது. இப்போது நிறுவனம், புதிய ஜூபிடர் ராக் லிமிடெட் எடிஷன் என்ற புதிய OnePlus 11 5G போனை அறிமுகப்படுத்தவுள்ளதாக அறிவித்துள்ளது.

புதிய OnePlus 11 5G Jupiter Rock Limited Edition சாதனம் பற்றி நிறுவனம் இப்போது டீஸ் செய்துள்ளது. ​​ஒன்பிளஸ் அதன் புதிய ஃபிளாக்ஷிப் லிமிடெட் எடிஷன் வேரியண்ட்டின் வெளியீட்டு தேதியை அறிவித்துள்ளது. OnePlus 11 5G ஜூபிடர் ராக் எடிஷன் வரும் மார்ச் 29ம் தேதி அன்று சீனாவில் அறிமுகப்படுத்தப்படும். இந்த சாதனம் வரையறுக்கப்பட்ட பதிப்பாக இருக்கும் என்று நிறுவனம் வெளிப்படுத்தியது.

அதாவது, இந்த OnePlus 11 5G Jupiter Rock Limited Edition சாதனம் ஒரு குறிப்பிட்ட காலத்திற்கு, குறைந்த அளவுகளில் மட்டுமே கிடைக்கும் என்று நிறுவனம் தெரிவித்துள்ளது. OnePlus 11 5G இன் வரவிருக்கும் Jupiter Rock பதிப்பு மிகவும் தனித்துவமானதாக இருக்கும் என்று OnePlus சீனாவின் தலைவர் Li Jie கூறியிருக்கிறார். ஒன்பிளஸ் ஜூபிடர் ராக் பதிப்பில் பயன்படுத்தப்பட்ட பொருட்கள் இதற்கு முன்பு தொழில்துறையில் பயன்படுத்தப்படவில்லை என்பது குறிப்பிடத்தக்கது.

டிப்ஸ்டர் டிஜிட்டல் சாட் ஸ்டேஷன் வழியாக வெளியிடப்பட்ட தகவலில், பல ஸ்மார்ட்போன்களில் காணப்படும் நிலையான கிளாஸ் அல்லது ஃபாக்ஸ் லெதர் பேக் பேனல் கொண்டு இந்த போன் வராது என்றும், இது புதுமையான பொருளை கொண்டுள்ளது என்றும் கூறப்பட்டுள்ளது. OnePlus 11 5G Jupiter Rock Limited Edition இன் புகைப்படம் சில காலத்திற்கு முன் லீக் ஆனது. இது ஒரு கிரீம் நிறத்தை கொண்டுள்ளது. இது ஜூபிட்டர் கிரகத்தின் மேற்பரப்பின் நிழல்களைப் போன்றது.

OnePlus 11 5G Jupiter Rock Limited Edition ஆனது 120Hz ரெஃப்ரஷ் ரேட் ஆதரவுடன் 6.7' இன்ச் QHD+ AMOLED டிஸ்ப்ளேவை கொண்டுள்ளது. இது மேல் இடது மூலையில் பஞ்ச் ஹோல் கட்அவுட்டைக் கொண்டுள்ளது. டால்பி விஷனுக்கு 1300 நிட்ஸ் பீக் பிரைட்னஸ் ஆதரவை கொண்டுள்ளது. ஹூட்டின் கீழ் இது Snapdragon 8 Gen 2 சிப்செட்டை கொண்டுள்ளது. இது 16ஜிபி ரேம் மற்றும் 256ஜிபி ஸ்டோரேஜ் உடன் வருகிறது.

இந்த சாதனம் 5000mAh பேட்டரி உடன் வருகிறது. இந்த போன் வயர்லெஸ் சார்ஜிங் ஆதரவை இழக்கிறது. ஆனால், வயர்டு ஃபாஸ்ட் சார்ஜிங்கிற்காக 100W சார்ஜிங்கை கொண்டுள்ளது. Hasselblad மூலம் டியூன் செய்யப்பட்ட டிரிபிள்-கேமரா அமைப்பு உள்ளது. 50MP Sony IMX890 பிரைமரி கேமரா, 48MP அல்ட்ரா-வைட் கேமரா மற்றும் 32MP டெலிஃபோட்டோ கேமரா உள்ளது. செல்ஃபிக்கு, 16MP முன் கேமராவைக் கொண்டுள்ளது.

இந்த போன் தற்போது இந்தியாவில் இரண்டு ஸ்டோரேஜ் விருப்பங்களில் கிடைக்கிறது. இந்த போனின் அடிப்படை மாடல் 8ஜிபி ரேம் மற்றும் 128ஜிபி வேரியண்ட் விலை ரூ.56,999 ஆகும். அதேபோல், இதன் 16ஜிபி ரேம் வேரியண்ட் விலை ரூ.61,999 ஆகும். எடர்னல் கிரீன் மற்றும் டைட்டன் பிளாக் வண்ணங்களில் இந்த சாதனம் இந்தியாவில் வாங்க கிடைக்கிறது. OnePlus 11 5G Jupiter Rock Limited Edition அடுத்த மாதம் இறுதி முதல் இந்தியாவில் வாங்க கிடைக்கலாம் என்று எதிர்பார்க்கப்படுகிறது.