ஒன்பிளஸ் அதிரடி: அடுத்தடுத்து புது வரவு.. ஏப்ரல் 28ல் OnePlus 10R அறிமுகமா? பட்ஜெட் ரசிகர்களுக்கும் புது போன்

Published: Tuesday, April 12, 2022, 11:55 [IST]

ஒன்பிளஸ் நிறுவனம் இந்த ஆண்டு மிகவும் தீவிரமாகச் செயல்பட்டு வருகிறது. காரணம், ஒன்பிளஸ் நிறுவனம் அதன் புதிய ஸ்மார்ட் போன் மாடலான ஒன்பிளஸ் 10 ப்ரோ சாதனத்தைக் கடந்த மாதம் 31 ஆம் தேதி அறிமுகம் செய்தது. ஒன்பிளஸ் 10 ப்ரோ சாதனத்தை நிறுவனம் அறிமுகம் செய்து இன்னும் முழுமையாக இரண்டு வாரங்கள் கூட நிறைவடையாத வேளையில், நிறுவனம் இப்போது அதன் அடுத்த புதிய வரவான ஒன்பிளஸ் 10 ஆர் (OnePlus 10R) சாதனத்தை இந்த மாதம் அறிமுகம் செய்யவுள்ளது என்ற அறிவிப்பை வெளியிட்டுள்ளது.

ஏப்ரல் 28 ஆம் தேதி ஒன்பிளஸ் நிகழ்வில் அறிமுகமாகும் சாதனங்கள்

ஒன்பிளஸ் நிறுவனம் வெளியிட்ட அறிவிப்பின் படி, வரும் ஏப்ரல் 28 ஆம் தேதி ஒரு வெளியீட்டு நிகழ்வை நடத்துகிறது. இந்த நிகழ்வில் ஒன்பிளஸ் நார்ட் சிஇ 2 லைட் மற்றும் ஒன்பிளஸ் நார்ட் பட்ஸ் உள்ளிட்ட பல சாதனங்களை பிராண்ட் வெளியிடும். இந்த சாதனங்களுடன், நிறுவனம் மற்றொரு ஸ்மார்ட்போனையும் அறிமுகப்படுத்தும். இது பெரும்பாலும் OnePlus 10R ஆக இருக்கும். இப்போது, வெளியீட்டுத் தேதி வருவதற்கு முன்பு, OnePlus 10R இல் இடம்பெறும் சிப்செட் குறித்த தகவலை OnePlus India இன் CEO, நவநீத் நக்ரா வெளியிட்டுள்ளார்.

OnePlus 10R ஸ்மார்ட் போனில் என்ன எதிர்பார்க்கலாம்?

சமீபத்தில் வெளியான ஒரு அறிக்கையின் படி, வரவிருக்கும் OnePlus 10R ஸ்மார்ட் போன் ஆனது டைமென்சிட்டி 8000 தொடர் சிப்செட் மூலம் இயக்கப்படும் என்று CEO அதிகாரப்பூர்வமாக வெளியீட்டிற்கு உறுதிப்படுத்தினார் என்று கூறப்பட்டுள்ளது. மறுபுறம், OnePlus 10R வெளியீட்டுத் தேதியை இன்னும் அதிகாரப்பூர்வமாக அறிவிக்கவில்லை. ஸ்மார்ட்போன் சமீபத்தில் அறிமுகப்படுத்தப்பட்ட Realme GT Neo 3 போல இருக்கும் என்று எதிர்பார்க்கப்படுகிறது. இது ஒரு புறம் இருக்க பட்ஜெட் ஒன்பிளஸ் ரசிகர்கள் ஒன்பிளஸ் நார்ட் சிஇ 2 லைட் போனுக்காக காத்திருக்கின்றனர்.

OnePlus 10R ஸ்மார்ட் போனின் விவரக்குறிப்புகள்

OnePlus 10R ஆனது 6.7' இன்ச் முழு HD+ AMOLED டிஸ்ப்ளேவுடன் 120Hz புதுப்பிப்பு வீதத்துடன் வெளியிடப்படும். செல்ஃபி கேமராவை மையப்படுத்திய பஞ்ச் ஹோல் டிஸ்பிளேவுடன் இந்த சாதனம் வரும் என்று சமீபத்திய ரெண்டர் பரிந்துரைத்துள்ளது. ஒன்பிளஸ் 10ஆர் ஸ்மார்ட் போனானது ஆக்டா கோர் மீடியாடெக் டைமென்சிட்டி 8100 செயலி மூலம் இயக்கப்படும் என்பதை இப்போது நாம் அறிவோம். இந்த புதிய ஸ்மார்ட்போன் இரண்டு ரேம் விருப்பங்களில் வெளியிடப்படும்.

ஸ்டோரேஜ் மற்றும் கேமரா அம்சங்கள்

OnePlus 10R ஸ்மார்ட் போன் 8 ஜிபி மற்றும் 12 ஜிபி இது 128 ஜிபி அல்லது 256 ஜிபி இன்டெர்னல் ஸ்டோரேஜ் உடன் இணைக்கப்படும். கேமரா மாட்யூலைப் பொறுத்தவரை, OnePlus 10R ஆனது மூன்று பின்புற கேமரா அமைப்புடன் 50MP பிரைமரி ஷூட்டருடன் Sony IMX766 சென்சார் மற்றும் OIS ஆதரவுடன் வரும். இந்த சாதனத்தில் உள்ள இரண்டாம் நிலை சென்சார்கள் 8MP அல்ட்ரா வைட் ஆங்கிள் லென்ஸ் மற்றும் 2MP மேக்ரோ சென்சார் ஆகியவற்றைக் கொண்டிருக்கும்.

150W வேகமான சார்ஜிங் மற்றும் 80W வேகமான சார்ஜிங் கொண்ட இரண்டு மாடல்களா?

OnePlus 10R ஸ்மார்ட் போன் இரண்டு பேட்டரி கட்டமைப்புகளுடன் வரும் என வதந்தி பரவியுள்ளது. முதல் மாறுபாடு 150W வேகமான சார்ஜிங் தொழில்நுட்பத்தை ஆதரிக்கும் 4500mAh பேட்டரியால் ஆதரிக்கப்படும் மற்றும் மற்ற மாறுபாடு 80W வேகமான சார்ஜிங் தொழில்நுட்பத்தை ஆதரிக்கும் 5000mAh பேட்டரியால் ஆதரிக்கப்படும் என்று கூறப்பட்டுள்ளது. இது உண்மையானால் ஸ்மார்ட் போனின் விலையிலும் மாறுபாட்டை நாம் எதிர்பார்க்கலாம். இந்த ஸ்மார்ட்போன் ஆண்ட்ராய்டு 12 அடிப்படையிலான ஆக்ஸிஜன்ஓஎஸ் 12 இல் இயங்கும்.