சூரியனில் ஓம் சத்தம் கேட்கிறது: கிரண்பேடி வீடியோ ஆதாரம்., டுவிட்டரில் கிளம்பிய போர்

மகத்தான எரிசக்தி வழங்கும் சூரியன்

அதே சூரியன் தான், அதன் மகத்தான எரிசக்தி மூலம் போதிய அளவுக்கு - அதாவது, திரவ நீருக்கான சரியான - வெப்பநிலையை பூமியின் மேற்பரப்பு மீது பாய்ச்சி, அதை வாழத் தகுந்த கிரகமாக உருவாக்கி வைத்துள்ளது.

அழகு மூலம் ஆச்சரியம்

விண்வெளியை மனிதர்களாகிய நாம் ஆராய்த்தொடங்கிய நாள் முதல் அதன் தூய்மையான அழகு மூலம் ஆச்சரியத்தையும் பிரமிப்பையும் அனுதினமும் பெற்றுக்கொண்டே இருக்கிறோம்.

இஸ்ரோ சூரியனை ஆராயத் திட்டம்

இந்த செயற்கைக்கோள் ஆறு விஞ்ஞான ஆராய்ச்சி பேலோடுகளை சுமந்து செல்ல உள்ளது. அவை பூமியிலிருந்து 1.5 மில்லியன் கி.மீ தூரத்தில் உள்ள லக்ராஜியன் புள்ளி 1 (எல் 1) ஐ சுற்றி உள்ள ஒளிவட்ட சுற்றுப்பாதையில் நிலைநிறுத்தப்பட உள்ளது. மேலும் இந்த நிகழ்வின் போது எந்தவொரு கிரகணமும் இல்லாமல் சூரியனை துள்ளியமாக ஆராய முடியும் என கண்காணிக்கப்படுகிறது. இது இஸ்ரோவுக்கு ஒரு பெரிய வெற்றியை அளிக்கும் எனவும் எதிர்பார்க்கப்படுகிறது.

கிரண்பேடி டுவிட்

இந்த நிலையில் புதுச்சேரி ஆளுநர் கிரண்பேடி, சூரியனில் ஓம் சத்தம் கேட்பதாக தெரிவித்துள்ளார். இதுதொடர்பாக தனது டுவிட்டர் பக்கத்தில் சூரியனில் ஓம் என்ற சத்தம் கேட்பதாகவும், அது நாசாவால் உறுதி செய்யப்பட்டுள்ளது எனவும் தெரிவித்துள்ளார். இதுதொடர்பாக வீடியோ பதிவு ஒன்றை டுவிட்டர் பக்கத்தில் பதிவிட்டுள்ளார்.

சூரியனில் ஓம் சத்தம் கேட்கிறது

1.50 நிமடங்கள் கொண்ட அந்த காணொலியில் சூரியன், ஓம், சிவன் படங்கள் எல்லாம் இடம்பெற்றுள்ளன. அதோடு வீடியோ காணொலி பின்னால் ஓம் என்ற ஒலி கேட்பதாகவும் தெரிவித்துள்ளார். இந்த வீடியோவிற்கு பல்வேறு தரப்பினரும் பதிலளித்து வருகின்றனர்.

டுவிட்டர் பதிவுக்கு பதிலளிக்கும் நெட்டிசன்கள்

இந்த டுவிட்டை நெட்டிசன்கள் பலரும் கலாய்த்து வருகின்றனர். அதோடு இந்த வீடியோவானது 1.56 மில்லியனுக்கும் மேற்பட்டோர் பார்த்துள்ளனர். அதோடு கிரண்பேடியின் இந்த பதிவுக்கு பலரும் ஆதரவும் தெரிவித்துள்ளனர்.