'கை ஓங்கும்' வடகொரியா, ஒன்று கூடுமா அமெரிக்கா, ரஷ்யா, சீனா..!

By Muthuraj

Updated: Wednesday, April 20, 2016, 18:29 [IST]

வடகொரியாவின் அணு ஆயுத திட்டங்கள் அனைத்துமே சர்வதேச சமூகத்தின் கரிசனையில் தான் நடந்து கொண்டிருகிறது என்பது ஒருபக்கம் இருக்க, மறுபக்கம் வடகொரியாவின் ஆணு ஆயுத பரிசோதனைகள் மற்றும் நீண்ட தூர ஏவுகணைகள் சார்ந்த அறியிவல்-தொழில்நுட்ப விடயங்களில் விபரீதமான வளர்ச்சி நிலையை நோக்கி போய் கொண்டிருக்கிறது.

அப்போது வடகொரியாவிடம் அணு ஆயுதம் இருக்கிறதா என்று கேள்வி கேட்டால், அறிவியல்-தொழில்நுட்ப அடிப்படையில் "ஆம்" என்பது தான் பதில், அதற்காக ஏவுகணை மூலம் அது செலுத்தப்பட இருக்கிறது என்று அர்த்தம் கொள்ளக்கூடாது..!

அதிகாரப்பூர்வம் :

வடகொரியாவானது 2006, 2009, 2013 மற்றும் 2016 -ஆம் ஆண்டில் நான்கு வெற்றிகரமான அணு ஆயுத சோதனைகளை நடத்தி உள்ளது என்பது அதிகாரப்பூர்வமான தகவலாகும்.

புளூட்டோனியம் :

முதல் இரண்டு அணு பரிசோதனைகள் புளூட்டோனியத்தை பயன்படுத்தி நிகழ்த்தப்பட்டுள்ளன என்றும், பின்பு நடத்தப்பட்ட சோதனையானது புளூட்டோனியம் அல்லது யுரேனியம் பயன்படுத்தப்பட்டு நிகழ்த்தப்பட்டுள்ளது என்கின்றனர் அணு ஆராய்ச்சியாளர்கள்..!

ஹைட்ரஜன் வெடிகுண்டு :

அதிலும் குறிப்பாக இறுதியாக நடத்தப்பட்ட சோதனையானது ஒரு ஹைட்ரஜன் வெடிகுண்டு பரிசோதனை என்பது குறிப்பிடத்தக்கது, அதில் பயன்படுத்தப்பட்டவைகள்
என்னென்ன என்பது பற்றிய விளக்கத்தை பிற நாடுகளால் கண்டறிய முடியவில்லை.

மர்மமான செயற்கைகோள் :

மிகவும் பெரிய அளவிலான ஆற்றலை கட்டவிழ்த்துவிடும் எச்-பாம்ப் பரிசோதனை நிகழ்த்திய கையேடு மர்மமான செயற்கைகோள் ஒன்றையும் வடகொரியா விண்ணில் செலுத்தியது.

ஏவுகணைத் தொழில்நுட்பம் :

அந்த செயற்கைக்கோள் ஆனது ஒரு நீண்ட தூர ஏவுகணைத் தொழில்நுட்பம் (long-range missile technology) சார்ந்த ஏவுதல் என்று அமெரிக்கா மற்றும் வடகொரியாவின் அண்டை நாடுகள் முழுக்க எதிர்ப்பு கிளம்பியது.

சந்தேகம் :

வடகொரியா தனது முழு அணு சக்தி வசதிகளையும் அது சார்ந்த வளர்சிகளையும் வெளிப்படுத்தாமல் இருக்கிறது என்றும் அதனிடம் செறிவூட்டப்பட்ட யுரேனிய வசதி அதிகம் உள்ளது என்றும் அமேரிக்கா சந்தேகிக்கிறது.

கேள்வி :

இப்படியாக உலக நாடுகளுக்கு மத்தியில் கை ஓங்கி கொண்டே போகும் வடகொரியாவிற்கு எதிராக பிற சூப்பர் பவர் நாடுகள் கூட்டணி ஒன்றை அமைக்குமா..? என்ற கேள்வி அனுதினமும் வலுத்துக் கொண்டே போகிறது.

பின்னடைவு :

அமெரிக்கா, ரஷ்யா, சீனா, ஜப்பான் மற்றும் தென் கொரியா ஆகிய நாடுகள் வடகொரியாவை கட்டுபடுத்த அதனுடன் பலதரப்பட்ட பேச்சுவார்த்தைகள் நடத்தியும் வடகொரியாவின் விபரீதமான வளர்சிகளுக்கு பின்னடைவு ஏற்பட்டது போல் தெரியவில்லை..!

உலகளாவிய கண்டனம் :

2013-ஆம் ஆண்டுக்கு பின்பு வடகொரியாவின் அணு ஆயுத சோதனைகளுக்கு, ஐநா ஏகப்பட்ட தடைகளை விதித்திருக்கும் போதும் 'எதையும் மதிக்காது என்ன செய்ய வேண்டும் என்று நினைக்கிறதோ அதை செய்து' வடகொரியா தற்போது வரையிலாக உலகளாவிய கண்டனத்தை பெற்றுக்கொண்டே தான் இருக்கிறது.