விரைவில் களமிறங்கும் 32 இன்ச், 50 இன்ச் நோக்கியா ஸ்மார்ட்டிவி: விலை, அம்சங்கள்!

50 இன்ச் மற்றும் 32 இன்ச் ஸ்மார்ட் டிவி

நோக்கிய அறிமுகம் செய்ய இருக்கும் 50 இன்ச் மற்றும் 32 இன்ச் ஸ்மார்ட் டிவிகள் இரண்டும் ஆண்ட்ராய்டு 9 ஆதரவு, டால்பை ஆடியோ, டால்பி விஷன், டிடிஎஸ் சரவுண்ட், க்ரோம் காஸ்ட் மற்றும் நெட்ஃப்ளிக்ஸ், யூடியூப் மற்றும் கூகுள் அசிஸ்டென்ட் உள்ளிட்ட பல்வேறு ஆதரவுகளுடன் வருகிறது.

4 கே அல்ட்ரா ஹெச்.டி

நோக்கியா 65 இன்ச் மாடல் 4 கே அல்ட்ரா ஹெச்.டி அம்சத்தோடும் ஆண்ட்ராய்டு ஆதரவோடும் சமீபத்தில் இந்தியாவில் ரூ.64,999-க்கு அறிமுகப்படுத்தப்பட்டது. இதையடுத்து நோக்கியா பிராண்ட் அடுத்ததாக புதிய பிராண்ட் ஸ்மார்ட்டிவிகளை இந்திய சந்தையில் அறிமுகம் செய்ய உள்ளதாக தெரிகிறது.

பவர் யூசரின் அறிக்கை

இதுகுறித்து நோக்கியா பவர் யூசரின் அறிக்கையின்படி, நோக்கியா அறிமுகப்படுத்த இருக்கும் இரண்டு ஸ்மார்ட் டிவிகளும் 32 அங்குல மற்றும் 50 அங்குல திரை அளவுகளில் வரும். இரண்டு ஸ்மார்ட் டிவிகளும் BIS சான்றிதழ் இணையதளத்தில் காணப்பட்டுள்ளன.

UHD தெளிவுத்திறன்

மாடல் எண் 32TAHDN உடன் 32 அங்குல நோக்கியா ஸ்மார்ட் டிவியில் முழு எச்டி தீர்மானம் இருக்கும் என எதிர்பார்க்கப்படுகிறது. 50 இன்ச் மாடல் 50TAUHDN என்ற எண் UHD தெளிவுத்திறனுடன் வரும் என தெரிகிறது. அதோடு 32 அங்குல நோக்கியா ஸ்மார்ட் டிவியும் இந்தியாவில் நோக்கியாவின் முதல் முழு எச்டி ஸ்மார்ட் டிவியாக இருக்கும் என்று அறிக்கையில் தெரிவிக்கப்படுகிறது.

நோக்கியா ஸ்மார்ட்டிவி விலை விவரங்கள்

நோக்கியாவின் 32 அங்குல ஸ்மார்ட் டிவியின் விலை இந்தியாவில் சுமார் ரூ .21,999 ஆகும். 50 அங்குல மாடலின் விலை ரூ .36,999 என்று அந்த அறிக்கையில் தெரிவிக்கப்பட்டுள்ளது.

ஆண்ட்ராய்டு 9 ஆதரவு

ஸ்மார்ட் டிவிகள் இரண்டும் ஆண்ட்ராய்டு 9, டால்பை ஆடியோ, டால்பை விஷன், டி.டி.எஸ் ட்ரூசரவுண்ட், குரோம் காஸ்ட் மற்றும் நெட்ஃப்ளிக்ஸ், யூடியூப் மற்றும் கூகிள் அசிஸ்டெண்ட் ஆதரவோடு வரும் என எதிர்பார்க்கப்படுகிறது. பிளிப்கார்ட் இந்தியாவில் நோக்கியா-பிராண்டட் ஸ்மார்ட் டிவிகளை பிரத்தியேகமாக அறிமுகப்படுத்தப்படும் என பிளிப்கார்ட் தரப்பில் தெரிவிக்கப்படுவதாக தெரிகிறது.

2840 x 2160 பிக்சல்கள் திரை

இந்த நிறுவனம் சமீபத்தில் அறிமுகப்படுத்தப்பட்ட 65 அங்குல மாடலை கருத்தில் கொண்டு அதில் உள்ள அம்சங்களை பார்க்கலாம். இந்த புதிய ஸ்மார்ட் டிவி 65 அங்குல அல்ட்ரா ஹெச்டி டிஸ்ப்ளேவுடன் 2840 x 2160 பிக்சல்கள் திரை தெளிவுத்திறனுடன் வருகிறது. இதில் 2.25 ஜிபி ரேம் மற்றும் 16 ஜிபி உள் சேமிப்புடன் வருகிறது.

Chromecast ஆதரவு, கூகிள் அசிஸ்டென்ட்

ஸ்மார்ட் டிவி ஆண்ட்ராய்டு டிவி 9.0 பைவில் இயங்குகிறது, மேலும் இது கூகிள் பிளே ஸ்டோருடன் உள்ளமைக்கப்பட்ட Chromecast ஆதரவு, கூகிள் அசிஸ்டென்ட் மற்றும் பலவற்றோடு வருகிறது. இது 24W ஸ்பீக்கர் ஆதரவோடு இயக்கப்படுகிறது. இதில் டி.டி.எஸ் ட்ரூசரவுண்ட், டால்பை ஆடியோ அம்சம் உள்ளது.

வாடிக்கையாளர்கள் தரப்பில் எதிர்பார்ப்பு

நோக்கியா தற்போது அறிமுகம் செய்யவுள்ள புதிய இரண்டு வேரியண்ட் ஸ்மார்ட்டிவிகள் இந்தியாவில் விரைவில் வெளியாகும் என்ற அறிவிப்பையடுத்து இதன் அறிமுகத்திற்கு வாடிக்கையாளர்கள் தரப்பில் எதிர்பார்ப்பு அதிகரித்துக் கொண்டே வருகிறது.