பெரிய டிஸ்பிளே Smartwatch வேண்டுமா? அப்போ இதை தான் நீங்க வாங்கணும்! புது Noise ColorFit Mighty!

ஸ்மார்ட்வாட்ச் (Smartwatch) என்று சொன்னாலே, இந்தியர்களின் மனதில் தோன்றும் முதல் பிராண்ட்டாக நாய்ஸ் (Noise) நிறுவனம் திகழ்கிறது. தரமான வாட்ச்களை சிறப்பான அம்சங்களுடன் குறைந்த விலையில் அறிமுகம் செய்து வாடிக்கையாளர்களின் நம்பிக்கையை பெற்ற நிறுவனமாக இது திகழ்கிறது.

சமீபத்தில் Noise ColorFit Quad Call ஸ்மார்ட்வாட்சை அறிமுகப்படுத்திய பிறகு, இந்தியாவில் நாய்ஸ் நிறுவனம் புதிதாக நாய்ஸ் கலர்பிட் மைட்டி (Noise ColorFit Mighty) என்ற ஸ்மார்ட் வாட்சை அறிமுகப்படுத்தியுள்ளது. இதன் மூலம் உள்நாட்டு பிராண்டான Noise மேலும் ஒரு ஸ்மார்ட்வாட்சை அதன் போர்ட்ஃபோலியோவில் சேர்த்துள்ளது. புதிய Noise ColorFit Mighty ஆனது பெரிய டிஸ்ப்ளேவுடன் வருகிறது.

அதாவது இந்த ஸ்மார்ட் வாட்ச் சாதனம் 1.96' இன்ச் கொண்ட TFT டிஸ்ப்ளேவுடன் வருகிறது. இது ஏழு நாட்கள் நீடித்து நிலைக்கும் பேட்டரி ஆயுளை கொண்டுள்ளது. இந்த ஸ்மார்ட் வாட்ச் பயனர்களின் ஆரோக்கியத்தை கண்காணிக்கும் Noise Health Suite போன்ற சிறப்பான அம்சங்களுடன் வருகிறது. புதிதாக அறிமுகப்படுத்தப்பட்ட Noise ColorFit Mighty இன் விலை மற்றும் சிறப்பம்ச விபரங்களைப் பற்றி பார்க்கலாம் வாங்க.

புதிதாக அறிமுகப்படுத்தப்பட்ட Noise ColorFit Mighty ஆனது ஒரு பெரிய டிஸ்பிளேவை வழங்குகிறது. மேலும் இது நேர்த்தியாக மெட்டாலிக் வடிவமைப்பை பெற்றுள்ளது. பிரீமியம் லுக்கை வழங்க இந்த வாட்ச் ஸ்ட்ராப்ஸ்கள் புதிதாக வடிவமைக்கப்பட்டுள்ளதாக நிறுவனம் தெரிவித்துள்ளது. சமீபத்திய ஸ்மார்ட் வாட்ச் ட்ரெண்டிங் அம்சமான 360 டிகிரி சுழற்றக்கூடிய கிரௌன் பட்டன் உடன் இந்த வாட்ச் வருகிறது.

நாய்ஸ் கலர்பிட் மைட்டி ஸ்மார்ட்வாட்ச் 240 × 286 பிக்சல்கள் தீர்மானம் கொண்ட 500நிட்ஸ் பிரைட்னஸ் உடைய 1.96' இன்ச் டிஎஃப்டி டிஸ்ப்ளேவுடன் வருகிறது. இந்த ஸ்மார்ட் வாட்ச் சாதனம், புளூடூத் காலிங் அம்சத்துடன் வருகிறது. இந்த ஸ்மார்ட்வாட்ச் TruSync புளூடூத் காலிங் தொழில்நுட்பத்துடன் வருகிறது. இது ஒரு சிப்பை அடிப்படையாகக் கொண்டது. பேட்டரி பற்றி பேசுகையில், நாய்ஸ் நிறுவனத்தின் கூற்றுப்படி, Noise ColorFit Mighty ஆனது 300mAh பேட்டரியைக் கொண்டுள்ளது.

இது 7 நாட்கள் பேட்டரி நேரத்தை வழங்குவதாகக் கூறுகிறது. இதை 2 மணிநேரத்தில் முழுமையாக சார்ஜ் செய்யலாம். ஸ்மார்ட் வாட்ச் அம்சங்களை பற்றி பேசுகையில், இந்த ஸ்மார்ட்வாட்ச் இதய துடிப்பு மானிட்டர், இரத்த ஆக்ஸிஜன் கண்காணிப்பு (SpO2), ஸ்டெப்ஸ் கவுண்ட், சுவாச பயிற்சி, மன அழுத்தத்தை அளவிடுதல் போன்ற பல அம்சங்களை இது கொண்டுள்ளது.

புதிய Noise ColorFit Mighty ஆனது உங்களை சுறுசுறுப்பாகவும் பொருத்தமாகவும் வைத்திருக்க 110க்கும் மேற்பட்ட ஸ்போர்ட்ஸ் மோட் உடன் வருகிறது. ஸ்மார்ட்வாட்ச் IP67 மதிப்பீட்டைக் கொண்டுள்ளது. இது குறிப்பிட்ட அளவு நீர் மற்றும் தூசிக்கு எதிராக பாதுகாப்பை வழங்குகிறது. Noise ColorFit Mighty நிறுவனத்தின் அதிகாரப்பூர்வ இணையதளத்தில் ரூ.1,999 விலைக்கு கிடைக்கிறது.

இது பர்கண்டி ஒயின், கிளாம் புளூ, ஃபாரஸ்ட் க்ரீன், ஜெட் பிளாக் மற்றும் சில்வர் கிரே ஆகிய ஐந்து வண்ண விருப்பங்களில் அறிமுகப்படுத்தப்பட்டுள்ளது. இது தற்போது நிறுவனத்தின் அதிகாரப்பூர்வ இணையதள பக்கம் மற்றும் அமேசான் தளம் வழியாக வாங்க கிடைக்கிறது.