New Year 2023: ஆரம்பம் நல்லாதான் இருக்கு! புத்தாண்டு சலுகையாக 630 ஜிபி டேட்டா வழங்கும் Jio!

ஹேப்பி நியூ இயர் 2023 திட்டம்

ரிலையன்ஸ் ஜியோ புதிய ஹேப்பி நியூ இயர் 2023 திட்டத்தை அறிவித்துள்ளது. புதிய ஆண்டு 2023ஐ குறிக்கும் விதமாக இந்த திட்டத்தின் விலை ரூ.2023 என நிர்ணயம் செய்யப்பட்டுள்ளது. இந்த புதிய ஹேப்பி நியூ இயர் திட்டமானது வரம்பற்ற அழைப்பு நன்மைகள் மற்றும் ஏராளமான டேட்டா சலுகைகளை வழங்குகிறது. ரூ.2023 விலையில் கிடைக்கும் புதிய ஹேப்பி நியூ இயர் திட்டமானது 252 நாட்கள் செல்லுபடியாகும் காலத்துடன் கிடைக்கிறது.

ரூ.2023 விலையில் கிடைக்கும் புத்தாண்டு திட்டம்

ஜியோவின் இந்த ஹேப்பி நியூ இயர் திட்டமானது ரூ.2023 விலையில் Jio.com இல் கிடைக்கிறது. இந்த திட்டத்தை தேர்வு செய்ய விரும்பும் வாடிக்கையாளர்கள் MyJio செயலி, Google Pay மற்றும் PhonePe போன்ற தளங்களின் மூலம் ரீசார்ஜ் செய்யலாம். இந்த புதிய ஜியோ திட்டத்தில் கிடைக்கும் பிற நன்மைகள் குறித்து பார்க்கலாம்.

மொத்தமாக 630ஜிபி டேட்டா

ரூ.2023 ரீசார்ஜ் திட்டங்களில் கிடைக்கும் நன்மைகள் குறித்து பார்க்கையில், இந்த திட்டமானது 252 நாட்களுக்கு செல்லுபடியாகும். ஏறத்தாழ 9 மாதங்களுக்கு வரம்பற்ற அழைப்புகளை இந்த திட்டம் வழங்குகிறது. அதேபோல் வேலிடிட்டி முடியும் காலம் வரை தினசரி 2.5 ஜிபி டேட்டா வழங்கப்படுகிறது. மொத்தமாக டேட்டா முடியும் காலம் வரை 630 ஜிபி டேட்டா பயனர்களுக்கு கிடைக்கிறது.

ரூ.2023 திட்டத்தில் ஜியோ ஆப்ஸிற்கான இலவச சந்தா அணுகல் கிடைக்கிறது. தினசரி 100 எஸ்எம்எஸ்களும் இந்த திட்டத்தில் வழங்கப்படுகிறது. புத்தாண்டு சலுகையின் ஒரு பகுதியாக, புதிய சந்தாதாரர்களுக்கு இலவச பிரைம் மெம்பர்ஷிப் ஆஃபரும் வழங்கப்படுகிறது.

கூடுதல் நன்மைகள்

புத்தாண்டு 2023 சலுகையாக ஜியோ நிறுவனம் இந்த புதிய திட்டம் மட்டும் வழங்கவில்லை. முந்தைய சில திட்டங்களிலும் கூடுதல் சலுகைகள் வழங்கப்படுகிறது. அதாவது ரூ.2999 திட்டத்தில் நிறுவனம் சில கூடுதல் பலன்களை இணைத்திருக்கிறது. ரூ.2999 திட்டத்தில் 75 ஜிபி கூடுதல் டேட்டா வழங்கப்படுகிறது. அதேபோல் முந்தைய வேலிடிட்டி நாட்களை விட 23 நாட்கள் அதிகமாக செல்லுபடியாகும் என அறிவிக்கப்பட்டிருக்கிறது.

365 நாட்கள் வேலிடிட்டி

ரூ.2999 திட்டமானது 365 நாட்கள் வேலிடிட்டியுடன் கிடைக்கிறது. இந்த திட்டமானது மொத்தம் 912.5ஜிபி டேட்டா வழங்கப்படுகிறது. தினசரி 2.5 ஜிபி டேட்டா என்ற வீதம் இந்த சலுகை கிடைக்கிறது. கூடுதலாக வரம்பற்ற குரலழைப்பு, தினசரி 100 எஸ்எம்எஸ் மற்றும் ஜியோ பாராட்டு சந்தா என அனைத்து நன்மைகளும் இந்த திட்டத்தில் வழங்கப்படுகிறது.

3 வருடாந்திர திட்டங்கள்

ரிலையன்ஸ் ஜியோ 3 வருடாந்திர திட்டங்களை பயனர்களுக்கு வழங்குகிறது. அது ரூ.2999, ரூ.2874 மற்றும் ரூ.2545 திட்டங்கள் ஆகும். இந்த திட்டங்களில் கிடைக்கும் பிற கூடுதல் நன்மைகள் குறித்த விவரங்களையும் இங்கே பார்க்கலாம்.

ரூ.2874 ரீசார்ஜ் திட்டம்

ரூ.2874 திட்டமானது வரம்பற்ற அழைப்பு நன்மைகளை வழங்குகிறது. இந்த திட்டத்தில் மொத்தம் 730 ஜிபி டேட்டா வழங்கப்படுகிறது. தினசரி 2 ஜிபி டேட்டா என்ற வீதம் இணையம் வழங்கப்படுகிறது. தினசரி 100 எஸ்எம்எஸ், ஜியோ ஆப்ஸின் பாராட்டுக்கான சந்தா அணுகலும் கிடைக்கிறது. இந்த திட்டமானது 365 நாட்களுக்கு செல்லுபடியாகிறது.

மற்றொரு வருடாந்திர திட்டம்

ரூ.2545 திட்டமானது வரம்பற்ற அழைப்பு நன்மைகள் வழங்கப்படுகிறது. இந்த திட்டத்தில் மொத்தம் 504 ஜிபி டேட்டா ஆனது தினசரி 1.5ஜிபி டேட்டா என்ற வீதத்தில் வழங்கப்படுகிறது. தினசரி 100 எஸ்எம்எஸ், ஜியோ ஆப்ஸிற்கான பாராட்டு சந்தா நன்மைகள் கிடைக்கிறது. இந்த திட்டமானது 336 நாட்களுக்கு கிடைக்கிறது.