புது PAN கார்டு ரூல்ஸ்.. அடுத்த 1 மாசம்.. ஏப்.1 வரை எதுவும் வாங்கிடாதீங்க.. வருகிறது வருமான வரித்துறை மாற்றம்!

வருமான வரித் துறையால் முன்மொழியப்பட்ட புதிய வருமான வரி கட்டமைப்பின் (New Income Tax framework) கீழ் 2026 ஆம் ஆண்டிற்கான வரைவு வருமான வரி விதிகள் (Draft Income Tax Rules 2026) வெளியிடப்பட்டு உள்ளன. இதன்கீழ், வருகிற ஏப்ரல் 1 ஆம் தேதி முதல் பான் (PAN Card) என்கிற நிரந்தர கணக்கு எண் (Permanent Account Number) தொடர்பான முக்கிய மாற்றம் ஒன்று அமலுக்கு வரவுள்ளது.

அதென்ன மாற்றம்? அசையா சொத்துகளை வாங்கும் போது, பான் கார்டுக்கான கட்டாய வெளிப்படுத்தலுக்கான (Mandatory PAN Disclosure) வரம்பு உயர்த்தப்பட்டு உ ள்ளது. அதாவது - தற்போது, ​​பரிவர்த்தனை மதிப்பு ₹10 லட்சத்தை தாண்டினால், வீடு அல்லது நிலம் போன்ற அசையா சொத்தை வாங்குவதற்கோ அல்லது விற்பதற்கோ பான் வழங்கப்பட வேண்டும்.

தற்போது வெளியாகியுள்ள புதிய வரைவு விதிகள் ஆனது இந்த வரம்பை ₹20 லட்சமாக அதிகரிக்கும்படி முன்மொழிகின்றன. இது ஏற்றுக்கொள்ளப்பட்டால், ₹20 லட்சத்திற்கு குறைவான சொத்து வாங்குதலுக்கான பரிவர்த்தனைகளுக்கு கட்டாய பான் வெளிப்படுத்தல் தேவையில்லாமல் போகும்; அதே நேரத்தில் ₹20 லட்சத்திற்கு மேல் உள்ள பரிவர்த்தனைகள் தொடர்ந்து பான் கட்டயாமாக இருக்கும்

கூடுதலாக இந்த வரைவு, பொருந்தக்கூடிய மதிப்பு வரம்புக்கு உட்பட்டு, பரிசுகள் மூலம் சொத்து பரிமாற்றங்கள் (Property transfers through gifts) மற்றும் பான் இணக்க கட்டமைப்பிற்குள் கூட்டு மேம்பாட்டு ஒப்பந்தங்கள் (Joint development agreements) போன்ற சில ஏற்பாடுகளை வெளிப்படையாக உள்ளடக்க முயல்கிறது.

இந்த வரம்பு ஏன் திருத்தப்பட்டுள்ளது? முன்மொழியப்பட்ட திருத்தம் - சொத்து சந்தை மதிப்பீடுகளில் ஏற்படும் மாற்றங்களை பிரதிபலிக்கிறது என்று வரி வல்லுநர்கள் கூறுகின்றனர்.இதுகுறித்து பேசிய பேஸிக் ஹோம் லோனின் தலைமை நிர்வாக அதிகாரி ஆன அதுல் மோங்கா, அதிக வரம்பு சிறிய டிக்கெட் வாங்குபவர்களுக்கு ஆவண தேவைகளைக் குறைக்கக்கூடும் என்று கூறினார், குறிப்பாக சொத்து மதிப்புகள் பெருநகர மட்டங்களுக்கு கீழே இருக்கும் சந்தைகளில்.

எதெல்லாம் அப்படியே மாறாமல் இருக்கும்? அதிக மதிப்புள்ள பரிவர்த்தனைகளுக்கு வரைவு கட்டாய பான் அறிக்கையை தக்கவைத்து கொள்ளப்பட்டுள்ளது. ₹20 லட்சம் மற்றும் அதற்கு மேற்பட்ட பரிவர்த்தனைகளுக்கு பான் வெளிப்படுத்தல் தொடர்ந்து தேவைப்படும், இது குறிப்பிடத்தக்க சொத்து பரிமாற்றங்கள் வரி அமைப்பிற்குள் கண்டறியக்கூடியதாக இருப்பதை உறுதி செய்கிறது.

அத்தகைய பரிவர்த்தனைகளை பான் உடன் இணைப்பது வரி நிர்வாகத்திற்கு சொத்து பதிவுகளை வருமான வெளிப்பாடுகளுடன் பொருத்தவும் ரியல் எஸ்டேட் பிரிவில் மேற்பார்வையை பராமரிக்கவும் உதவுகிறது. இந்த விதிகள் எல்லாமே தற்போது வரை வரைவு வடிவத்தில் உள்ளன. இறுதி அறிவிப்பை வெளியிடுவதற்கு முன்பு பங்குதாரர்களின் கருத்துக்களை மதிப்பாய்வு செய்த பிறகு இந்திய அரசாங்கம் இதில் சில மாற்றங்களை செய்யவும் வாய்ப்புள்ளது.