உஷார்.! உங்கள் பேஸ்புக் புகைப்படங்களும் கூட லீக் ஆகி இருக்கலாம்.!

6.8 மில்லியன் கணக்குகளில் புகைப்படங்கள் லீக்

பேஸ்புக் தளத்தில் அப்லோட் செய்யப்படும் புகைப்படத்தை மற்ற மூன்றாம் தரப்பு செயலிகள் எளிதில் அணுகுவதற்கான அனுமதியை வழங்கியுள்ளது பெரும் சர்ச்சையை ஏற்படுத்தியுள்ளது. பேஸ்புக் முழுவதும் உள்ள அக்கௌன்ட்களில் இருந்து சுமார் 6.8 மில்லியன் கணக்குகளில் புகைப்படங்கள் லீக் ஆகியுள்ளது.

பேஸ்புக் பாதுகாப்பு முறை

பேஸ்புக் இல் பதிவிடப்படும் புகைப்படங்களை அணுக முடியாத அளவில் பாதுகாப்பு முறை வழங்கப்பட்டுள்ளதாக பேஸ்புக் நிறுவனம் தெரிவித்திருந்தது. ஆனால் இப்பொழுது புகைப்படங்களை அணுகுவதற்குத் தனது புகைப்பட API இல் ஒரு பிழை இருப்பது கண்டுபிடிக்கப்பட்டுள்ளது.

மூன்றாம் தரப்பு பயன்பாடுகளுக்கு அனுமதி

இந்த பக் பேஸ்புக் லாகின் பயன்படுத்தி தங்கள் புகைப்படங்களை அணுக மற்ற மூன்றாம் தரப்பு பயன்பாடுகளுக்கு அனுமதியளிக்கப்பட்டதே காரணம் என்பது தெரியவந்துள்ளது. இந்தச் சிக்கல் சரி செய்யப்பட்டுவிட்டது. இருப்பினும் 6.8 மில்லியன் பயனர்களின் புகைப்படங்கள் லீக் ஆகியதில் மாற்றம் ஏதும் இல்லை.

தனி டூல்

பிரச்சனைக்குக் காரணமான 876 டிவோலேப்பர்களின் 1500 செயலிகள் 6.8 மில்லியன் பயனர்களின் டைம்லைன் புகைப்படங்கள் மற்றும் பேஸ்புக் இல் பதிவேற்றம் செய்துள்ள புகைப்படங்களை அணுகியுள்ளது உறுதிசெய்யப்பட்டுள்ளது . இந்த அசம்பவத்திற்கு பேஸ்புக் நிறுவனம் மன்னிப்பு கேட்டுள்ளது இதனை தடுக்க அடுத்த வாரம் தனி டூல் ஒன்றை வெளியிடப்போவதாகவும் அறிவித்துள்ளது.