முகேஷ் அம்பானியின் இரண்டு நாள் வருமானம் எவ்வளவு தெரியுமா?

முகேஷ் அம்பானி:

ரிலையன்ஸ் இந்தியாவின் பங்குகள் தற்சமயம் மிகவும் அதிகரித்துள்ளது. மேலும் முகேஷ் அம்பானியின் இரண்டு நாள் சம்பளம் என்னவென்று தற்சமயம் ஒரு அமைப்பு வெளியிட்டுள்ளது, அதன்படி அவரின் இரண்டு நாள் சம்பளம் 9300 கோடி என்று தெரிவிக்கப்பட்டுள்ளது.

சீனா

அதிகமான கோடீஸ்வரர்கள் வாழும் நாடு என்ற அடிப்படையில் சீனா முதலிடத்தில் உள்ளது. அந்த நாட்டில் மொத்தம் 819 கோடீஸ்வரர்களும், அடுத்த இடத்தில் அமெரிக்காவில் 571 கோடீஸ்வரர்களும் வாழ்கின்றனர். ஒட்டுமொத்தமாக உலக அளவில் 69 நாடுகளைச் சேர்ந்த 2 ஆயிரத்து 694 கோடீஸ்வரர்களும் உள்ளனர். கடந்த ஆண்டைக் காட்டிலும் இந்த ஆண்டு புதிதாக 437 கோடீஸ்வரர்கள் உருவாகி, பட்டியலில் இணைந்துள்ளனர்.

இளம் கோடீஸ்வரர்கள்

40 வயது அல்லது 40 வயதுக்கும் குறைவாக உலக அளவில் மொத்தம் 85 கோடீஸ்வரர்கள் உள்ளனர். இதில் நார்வே நாட்டைச் சேர்ந்த 21 வயது பெண்ணுக்கு மட்டும் 130 கோடி(ரூ.8466கோடி) சொத்துக்கள் உள்ளன. இதில் பெரும்பாலும் அவரின் தந்தையின் மூலம் கிடைத்ததாகும்.

முதல் கோடீஸ்வரர்

உலகின் முதல் கோடீஸ்வரராக, அமேசான் நிறுவனத்தின் அதிபர் ஜெப் பிஜோஸ் உள்ளார். அவருக்கு அடுத்த படியாக, வாரன் பஃபெட், பில் கேட்ஸ்உள்ளனர். அதைத் தொடர்ந்து பேஸ்புக் நிறுவனர் மார்க் ஜுகர்பெர்க், எல்விஎம்எச் நிறுவனத்தின் தலைவர் பெர்நார்ட் அமால்ட், இன்டிடெக்ஸ் நிறுவனத்தின் தலைவர் அமான்சியா ஆர்டீகா, அமெரிக்கா மோவில் நிறுவனத்தின் கார்லோஸ் சிலிம் ஹெலு, ஆரக்கிள் நிறுவனத்தில் லாரி எலிஸன், கூகுள் நிறுவனத்தின் லாரி பேஜ், புளூம்பெர்க் நிறுவனத்தின் மைக்கேல் புளூம்பெர்க் ஆகியோர் உள்ளனர். இதில் முதல் 10 இடங்களில் 7 பேர் அமெரிக்க நாட்டைச் சேர்ந்தவர்கள்.