மோட்டோ இ 40 இந்திய அறிமுகம் உறுதியானது.. தேதி இது தான்.. பட்ஜெட் விலையில் வாங்க நல்ல போனா இருக்குமா?

மோட்டோ இ 40 இந்தியாவில் அக்டோபர் 12 ஆம் தேதி அறிமுகம் செய்யப்பட உள்ளது என்று லெனோவாவுக்கு சொந்தமான மோட்டோரோலா உறுதி செய்துள்ளது. இது பட்ஜெட் விலையில் அறிமுகம் செய்யப்படும் என்று தெரிவிக்கப்பட்டுள்ளது. அதிலும் இந்த புதிய ஸ்மார்ட்போன் பிளிப்கார்ட்டில் பிரத்தியேகமாக அறிமுகம் செய்யப்படும் என்பது நிறுவனத்தின் டீசர் மூலம் வெளிப்படுத்தியுள்ளது. இது இ-காமர்ஸ் தளத்தில் கிடைப்பதை உறுதி செய்கிறது.

மோட்டோ இ40 விவரக்குறிப்புகள் மற்றும் வடிவமைப்பு தற்போது டீஸ் செய்யப்பட்டுள்ளது. இந்த போனில் செங்குத்து கோட்டில் வரிசையாக மூன்று பின்புற கேமரா சென்சார்கள் அமைப்பை இந்த போன் கொண்டுள்ளது. மோட்டோ இ 40 பின்புற கைரேகை சென்சார் கொண்டிருப்பதையும் நாம் இதன் மூலம் காணலாம். அதேபோல், இது மேல் மையத்தில் வைக்கப்பட்டுள்ள கட்அவுட்டுடன் ஒரு பஞ்ச் ஹோல் டிஸ்ப்ளே கொண்டதாக டீஸ் செய்யப்படுகிறது.

புதிய மோட்டோ E40 சாதனம் வரும் அக்டோபர் 12 ஆம் தேதி அறிமுகம் செய்யப்படும் என்பதை மோட்டோரோலா நிறுவனம் அறிவித்துள்ளது. முன்பே சொன்னது போல இந்த ஸ்மார்ட்போன் குறிப்பிட்ட நாளில் அறிமுகம் செய்யப்படும். இது Flipkart வலைப்பக்கத்தின் மேல் அதன் குறிப்புகள் மற்றும் வடிவமைப்பு விவரங்களுடன் டீஸ் செய்யப்பட்டுள்ளது. இந்த போன் 90 ஹெர்ட்ஸ் புதுப்பிப்பு விகித டிஸ்பிளே மற்றும் பஞ்ச் ஹோல் வடிவமைப்பு உடன் 400 நிட்ஸ் உச்ச பிரகாசத்தைக் கொண்டிருக்கும் என்று கொரொப்பட்டுள்ளது.

இது 1.8GHz யூனிசோக் T700 ஆக்டா-கோர் செயலி மூலம் 4GB RAM உடன் இணைக்கப்படும் என்று டீசர் விபரம் குறிப்பிட்டுள்ளது. இந்த புதிய மோட்டோ இ4 ஸ்மார்ட்போனின் உள்ளமைக்கப்பட்ட ஸ்டோரேஜ் 64GB இல் வழங்கப்படும் என்று நிறுவனம் கூறியுள்ளது. இந்த ஸ்மார்ட்போன் பிரத்தியேக கூகிள் அசிஸ்டன்ட் கொண்ட அம்சத்துடன் வெளிவரும் என்று தெரிவிக்கப்பட்டுள்ளது. இது 5,000 எம்ஏஎச் பேட்டரியை 76 மணிநேர இசை ஸ்ட்ரீமிங், 14 மணிநேர வீடியோ பிளேபேக் மற்றும் 10 மணிநேர வெப் சர்பிங் அம்சத்திற்காக வழங்கும் நீடித்து உழைக்கும் பேட்டரி ஆயுளைக் கொண்டுள்ளது.

மோட்டோ இ 40 இல் மூன்று பின்புற கேமரா அமைப்பு 48 மெகாபிக்சல் பிரதான கேமரா, அர்ப்பணிக்கப்பட்ட டெப்த் சென்சார் மற்றும் அர்ப்பணிப்பு மேக்ரோ விஷன் கேமரா ஆகியவற்றை உள்ளடக்கியது. 48 மெகாபிக்சல் சென்சார் குவாட் பிக்சல் தொழில்நுட்பத்துடன் வருகிறது. இது கூர்மையான மற்றும் துடிப்பான புகைப்படங்களுக்கு 4x சிறந்த குறைந்த ஒளி உணர்திறனை வழங்குகிறது. இந்த புதிய மோட்டோ இ 4 ஸ்மார்ட்போன் ஃபேஸ் அன்லாக் உடன் பின்புற கைரேகை சென்சார் பேக் செய்கிறது.

இது IP52 வாட்டர் ரெபெளண்ட் வடிவமைப்பைக் கொண்டுள்ளது. மோட்டோ இ 40 ஆனது ஆண்ட்ராய்டு 11 மென்பொருளில் விளம்பரமில்லா மற்றும் ப்ளோட்வேர் இல்லாத அனுபவத்திற்காக இயங்குகிறது. மேலும் சேமிப்பு விரிவாக்கத்திற்கான பிரத்தியேக மைக்ரோ எஸ்டி கார்டு ஸ்லாட்டுடன் இரட்டை சிம் ஸ்லாட்டை ஆதரிக்கிறது. இது 1 டிபி வரை ஸ்டோரேஜ் ஆதரிக்கும் என்பது குறிப்பிடத்தக்கது. மோட்டோ இ 40 பிங்க் கிளே மற்றும் கார்பன் கிரே வண்ண விருப்பங்களில் அறிமுகப்படுத்தப்படும் என்பதை பிளிப்கார்ட் உறுதி செய்கிறது. Moto E40 இன் விலை மற்றும் வெளியீட்டு சலுகைகள் அக்டோபர் 12 அன்று அறிவிக்கப்படும்.