மோட்டோ ஈ போன்களுக்கும் ஆன்டிராய்டு 5.0 அப்டேட்

மோட்டோ ஜி மற்றும் மோட்டோ எக்ஸ் போன்களுக்கு ஆன்டிராய்டு 5.0 லாலிபாப் அப்டேட் வழங்கப்பட்டுள்ள நிலையில் மோட்டோ ஈ போனிற்க்கு மட்டும் தான் தற்சமயம் இந்த அப்டேட் வழங்கப்படாமல் இருக்கின்றது.

ஆன்டிராய்டு 5.0 இயக்கு தளத்தை மோட்டோ ஈ ஸ்மார்ட்போனில் சோதனை செய்ய மோட்டோரோலாவின் கருத்து தெரிவிக்கும் குழுவிற்கு இந்தியாவில் அழைப்பு விடுக்கப்பட்டுள்ளது.

இந்த சோதனை சரியாக நிறைவடைந்தால் மோட்டோரோலா நிறுவனம் மோட்டோ ஈ போனிலும் இந்த அப்டேட்டை விரைவில் வழங்கும் என்று எதிர்பார்க்கப்படுகின்றது.

ஒரு ஆண்டில் 3 மில்லியன் ஸ்மார்ட்போன்களை இந்தியாவில் விற்பனை செய்துள்ளதாக மோட்டோரோலோ நிறுவனம் கடந்த வராம் தெரிவித்திருந்ததும் குறிப்பிடத்தக்கது.

மோட்டோரோலா ஆன்டிராய்டு ஸ்டாக் வெர்ஷனை வழங்கி வருகின்றது என்பதோடு ஆன்டிராய்டு 5.0 அப்டேட் மற்றும் அதன் இன்டர்பேஸ் இந்த போனின் விற்பனையை மேலும் அதிகரிக்கும் என்றும் எதிர்பார்க்கப்படுகின்றது.