2019: அதிகம் பார்க்கப்பட்ட வைரல் யூடியூப் வீடியோக்கள்!

இந்த மிகப்பெரிய புள்ளிவிவரங்களைப் பார்க்கும்போது, ​​வீடியோக்களைப் பகிர்வதற்கு பிரபலங்கள் மற்றும் கலைஞர்களின் முதல் தேர்வு யூடியூப் என்பது அசாதாரணமானது. இந்த தளத்தில் தங்கள் திறமைகளை வெளிப்படுத்தவும், ரசிகர்களையும் பார்வையாளர்களையும் ஈடுபாட்டுடன் வைத்திருக்கவும் இரண்டு மில்லியனுக்கும் அதிகமான கலைஞர்கள் உள்ளனர்.

யூடியூப் தரவரிசை

யூடியூப் என்பது இசை குறித்த வீடியோக்களுக்கு மட்டுமல்லாமல், திரைப்பட முன்னோட்டங்கள் (டீஸர்கள்) போன்றவற்றிற்கும், குறிப்பாக சூப்பர் ஹீரோ திரைப்படங்களுக்கும் புகலிடமாக உள்ளது. உதாரணமாக, அவென்ஜர்ஸ்: எண்ட்கேம் படத்தின் அதிகாரப்பூர்வ டிரெய்லர் வெளியான 24 மணி நேரத்தில் 289 மில்லியன் பார்வைகளைப் பெற்றது. இது மிகவும் வைரலான திரைப்பட டிரெய்லர் என்ற பெருமையை பெற்றது.

என்னதான் விதவிதமான வீடியோக்களின் தொகுப்புகள் இருந்தாலும், யூடியூப் தரவரிசையில் அதிகம் பார்க்கப்பட்ட வீடியோக்கள் பட்டியலில் இசை வீடியோக்கள் ஆதிக்கம் செலுத்துகின்றன. உங்களுக்கு மேலும் சுவாரஸ்யத்தால் மூழ்கடிக்காமல், 2019 ஆம் ஆண்டில் அதிகம் பார்க்கப்பட்ட யூடியூப் வீடியோக்களை இங்கே பட்டியலிடுகிறோம்.

1) டெஸ்பாசிட்டோ - லூயிஸ் ஃபோன்ஸி & டாடி யாங்கி (Despacito – Luis Fonsi ft. Daddy Yankee)

டாடி யாங்கி நடித்து லூயிஸ் ஃபோன்ஸி பாடிய டெடிசிட்டோ என்ற ஸ்பானிஷ் பாடல் பல்வேறு சாதனைகளை முறியடித்து, எல்லா நேரத்திலும் அதிகம் பார்க்கப்பட்ட யூடியூப் வீடியோக்களின் பட்டியலில் முதலிடத்தில் உள்ளது. யூடியூப்பில் 6.57 பில்லியன் பார்வைகளுடன், இது 2017 முதல் இத்தளத்தில் அதிகம் பார்க்கப்பட்ட வீடியோவாக உள்ளது.

2) ஷேப் ஆஃப் யூ (Shape of You – Ed Sheeran)

எட் ஷீரனின் ஷேப் ஆஃப் யூ பாடல் இசைத்துறையில் பிரபலமான பாடல்களில் ஒன்றாகும். இது 4.53 பில்லியன் பார்வைகளுடன் அதிகம் பார்க்கப்பட்ட யூடியூப் வீடியோக்களின் பட்டியலில் இரண்டாவது இடத்தில் உள்ளது. 2017 இல் வெளியிடப்பட்ட இந்த பாடல் அவருக்கு கிராமி மற்றும் பில்போர்டு இசை விருது உள்ளிட்ட பல்வேறு விருதுகள் மற்றும் பாராட்டுக்களை வென்றுள்ளது.

3) சீ யூ அகெய்ன் - விஸ் கலீஃபா & சார்லி புத்(See You Again – Wiz Khalifa ft. Charlie Puth)

சார்லி புத் நடித்து ராப் பாடகர் விஸ் கலீஃபாவால் பாடப்பட்ட சீ யூ அகெய்ன் பாடல், தி ஃபாஸ்ட் அண்ட் தி ஃபியூரியஸ் பட வரிசையில் ஃபியூரியஸ் 7 திரைப்படத்திற்காக எழுதப்பட்டது. மேலும் இது மறைந்த நட்சத்திரமான பால் வாக்கருக்கு அஞ்சலி செலுத்தும்விதமாக உருவாக்கப்பட்டது. இந்த பாடல் யூடியூப்பில் 4.34 பில்லியன் பார்வைகளை கடந்துள்ளது.

4) மாஷா அண்ட் தி பியர் : ரெசிபி ஃபார் டிஸ்சாஸ்டர் (Masha and the Bear: Recipe for Disaster)

யூடியூபில் 4.2 பில்லியன் பார்வைகள்களை கடந்துள்ள இந்த வீடியோ, இங்கே பட்டியலிடப்பட்ட டாப் 10 வரிசையில் உள்ள ஒரே இசை அல்லாத வீடியோ ஆகும். இந்த ரஷ்ய அனிமேஷன் தொடர் உலகம் முழுவதும் உள்ள குழந்தைகள் மத்தியில் பிரபலமானது. யூடியூப்பைத் தவிர, இந்தத் தொடர் பல தொலைக்காட்சி நிலையங்கள், அமேசான் மற்றும் நெட்ஃபிக்ஸ் போன்ற உள்ளடக்க தளங்களில் கூட ஒளிபரப்பப்படுகிறது.

5)பேபி ஷார்க் டான்ஸ் - பிங்க்பாங் (Baby Shark Dance – Pinkfong)

யூடியூப்பில் அதிகம் பார்க்கப்பட்ட ஐந்தாவது வீடியோவான இது சிறு குழந்தைகளை குறிவைத்து 4.17 பில்லியன் பார்வைகளை தாண்டியுள்ளது . தென் கொரிய கல்வி உள்ளடக்க படைப்பாளரான பிங்க்ஃபோங் தயாரித்த இந்த பாடல் சுறாக்களின் குடும்பத்துடன் தொடர்புடையது. இது கொரியத்தைத் தவிர ஆங்கிலம், சீன, ஜப்பானிய மற்றும் ஸ்பானிஷ் போன்ற மொழிகளில் வெளியிடப்பட்டதன் மூலம் உலகளவில் பிரபலமடைந்தது.

6) Uptown Funk – Mark Ronson Ft. Bruno Mars(அப்டவுன் ஃபங்க் - மார்க் ரொன்சன் & ப்ருனோ மார்ஸ்)

இந்த பட்டியலில் உள்ள மற்றவற்றை காட்டிலும் அப்டவுன் ஃபங்க் பழையது என்றாலும், இது இன்னும் அதிகமான பார்வைகளைப் பெற்றுவருவதுடன், யூடியூப்பில் 3.74 பில்லியன் பார்வைகளுடன் ஆறாவது இடத்தில் உள்ளது. இது 2014 இல் வெளியிடப்பட்ட பிறகு விரைவாக பார்வையாளர்களின் கவனத்தை ஈர்த்தது.

7) கங்கம் ஸ்டைல் (Gangnam Style – Psy)

கங்கனம் ஸ்டைல் வீடியோ ​​யூடியூபில் 3.48 பில்லியன் பார்வைகளுடன் இப்பட்டியலில் ஏழாவது வீடியோவாகும். இது தென் கொரிய இசைக்கலைஞரான சையின் 18 வது கே-பாப் ஆகும். இப்பாடல் வெளியாகும் வரை கொரியாவுக்கு வெளியில் இவர் அறியப்படவில்லை. இது இங்கிலாந்து, ரஷ்யா, ஸ்பெயின், பிரான்ஸ் உள்ளிட்ட முப்பது நாடுகளில் சூப்பர்ஷிட் ஆன பாடல்.

8) ஸாரி-ஜஸ்டின் பீபர் (Sorry – Justin Bieber)

ஜஸ்டின் பீபர் அலைக்கு எந்த முடிவும் இருக்காது என்று தெரிகிறது. அவரது நான்காவது ஆல்பமான பர்பஸின் பாடலான் ஸாரி, 3.23 பில்லியன் பார்வைகளுடன் அதிகம் பார்க்கப்பட்ட எட்டாவது யூடியூப் வீடியோவாக உள்ளது. இது 2016 ஆம் ஆண்டின் தரவரிசையில் முதலிடம் பிடித்தது.

9) சுகர் (Sugar – Maroon 5)

மெரூன் 5 இன் சுகர் ஒரு உடனடி வெற்றியாக மாறியது. ஏனெனில் இது ஒரு பிரபலமான இசைக்குழு நிஜ வாழ்க்கை திருமணத்தை நொறுக்கியதை பற்றியது. இது யூடியூபில் 3.1 பில்லியன் பார்வைகளுடன் அதிகம் பார்க்கப்பட்ட ஒன்பதாவது வீடியோவாகும். டேவிட் டாப்கின் இயக்கியுள்ள இதை ஆடம் லெவின் பாடியுள்ளார்.

10) ரோர் (Roar – Katy Perry)

2.97 பில்லியன் பார்வைகளுடன் அதிகம் பார்க்கப்பட்ட யூடியூப் வீடியோக்களின் பட்டியலில் கேட்டி பெர்ரியின் ரோர் பத்தாவது இடத்தில் உள்ளது. இது பெர்ரியின் நான்காவது ஸ்டுடியோ ஆல்பமான ப்ரிஸத்திற்காக பதிவுசெய்யப்பட்டு 2013 இல் வெளியிடப்பட்டது. 2013ல், அந்த ஆண்டின் சிறந்த பாடல்களில் ஒன்றாகவும் மற்றும் 56 வது வருடாந்திர கிராமி விருதுகளில் சிறந்த பாப் சோலோ பார்பாமன்ஸ் விருதுக்காகவும் ரோர் பரிந்துரைக்கப்பட்டது.