அரசுப் பணி தேர்வுகளுக்கு விண்ணப்பிக்க மொபைல் ஆப்: அமைச்சர் அதிரடி அறிவிப்பு.!

Updated: Tuesday, May 10, 2022, 15:23 [IST]

இப்போது உள்ள சில மொபைல் ஆப் வசதிகள் மிகவும் பயனுள்ள வகையில் இருக்கிறது என்றுதான் கூறவேண்டும். குறிப்பாக ஒரு சில மொபைல் ஆப்கள் நமது தினசரி வேலைகளை எளிமையாக்குகிறது. இந்நிலையில் அரசுப் பணி தேர்வுகளுக்கு விண்ணபிக்க மொபைல் ஆப் அறிமுகப்படுத்தப்படும்
என்று தெரிவித்துள்ளார் நிதி அமைச்சர் பிடிஆர்.பழனிவேல் தியாகராஜன்.

அரசு பணி தேர்வுகளுக்கு விண்ணபிக்க மொபைல் ஆப்

அதாவது சட்டசபையில் நடந்த நிதி, மனிதவள மேம்பாட்டுத் துறை மானியக் கோரிக்கைகள் மீதான விவாதத்திற்கு பதிலளித்து அவர் வெளியிட்ட அறிவிப்புகள் என்னவென்றால், தகவல் தொழில்நுட்ப துறை உதவியுடன்,அரசு பணியிடங்களுக்கான போட்டி தேர்வுகளுக்கு விண்ணப்பிக்க வசதியாக மொபைல் ஆப் அறிமுகப்படுத்தப்படும்.

பின்பு இந்த மொபைல் ஆப் வாயிலாக, போட்டி தேர்வு அறிவிப்புகள்,பாடத்திட்டங்கள், தேர்வுமுடிவுகளை எளிதில் அறிந்து கொள்ளலாம். மேலும் தேர்வுகள் குறித்த முக்கிய தகவல்கள், சான்றிதழ் சரிபார்த்தல், நேர்முகத் தேர்வு விபரங்கள், கலந்தாய்வு, சான்றிதழ் பதிவிறக்கம் போன்றவற்றையும் மேற்கொள்ளலாம் என்று தெரிவிக்கப்பட்டுள்ளது.

அதேபோல் மாநில குடிமைப் பணி அலுவலர்களுக்கு ஆண்டுதோறும் இடைக்கால பயிற்சிகள் நடத்தப்படும் என்றும் அமைச்சர் பிடிஆர் பழனிவேல்
தியாகராஜன் பேரவையில் அறிவித்துள்ளார் என்பது குறிப்பிடத்தக்கது.

வாட்ஸ்அப்

அதேபோல் வாட்ஸ்அப் செயலியை உலகம் முழுவதும் அதிக மக்கள் பயன்படுத்துகின்றனர். குறிப்பாக இந்நிறுவனம் கொண்டுவரும் ஒவ்வொரு அம்சங்களும் மிகவும் பயனுள்ள வகையில் இருக்கிறது என்றே கூறலாம். இந்நிலையில் வாட்ஸ்அப் நிறுவனம் ஒரு சிறப்பான அம்சத்தை வெளியிட உள்ளது.

WABetaInfo வெளியிட்ட தகவலின்படி, வாட்ஸ்அப் ஸ்டேட்டஸ்களுக்கு எமோஜி மூலம் ரிப்ளை செய்யும் வசதி சோதனை இருப்பதாக தகவல் வெளிவந்துள்ளது. எனவே இந்த புதிய அம்சம் விரைவில் பயனர்களுக்கு கிடைக்கும் என்று தெரிவிக்கப்பட்டுள்ளது. இந்த Quick Reactions வசதி மூலம் இனிமேல் வாட்அப்பில் நண்பர்கள் மற்றும் உறவினர்கள் ஸ்டேட்டஸ் அப்டேட்களுக்கு உடனடியாக எமோஜி அனுப்பலாம். அதுவும் மடித்த கைகள், கைதட்டல் கைகள், பார்ட்டி பாப்பர், சிரித்த முகம், கண்ணீருடன் முகம் போன்ற எமோஜிகள் ஆப்ஷனாக வழங்கப்படும் என்று தெரிவிக்கப்பட்டுள்ளது.

வெளிவந்த தகவலின்படி ஸ்டேட்டஸ்களுக்கு ரிப்ளை செய்ய 8 எமோஜிகள் ஆப்ஷனாக கிடைக்கும் என்று தெரிவிக்கப்பட்டுள்ளது. மேலும் இந்த எமோஜிகள் ஐஓஎஸ் மற்றும் ஆண்ட்ராய்டு பயனர்களுக்கு விரைவில் கிடைக்கும் என எதிர்பார்க்கப்படுகிறது.

மேலும் தொழில்நுட்பம், விண்வெளி மற்றும் அறிவியல் தொடர்பான இன்னும் கூடுதல் சுவாரசியமான செய்திகள் பற்றி அறிந்துகொள்ள எங்கள் கிஸ்பாட் சேனல் உடன் இணைந்திருங்கள். உங்களின் கருத்துக்களை எங்களுடன் பகிர்ந்துகொள்ளுங்கள்.