இனி சிலிண்டர் புக்கிங்கிற்கு மிஸ்டு கால் கொடுத்தால் போதும்: புதிய வசதி அறிமுகம்.!

மேலும் இது குறித்து அவை கூறி இருப்பதாவது, சிலிண்டர் புக்கிங் மற்றும் புதிய இணைப்புகள் பெறுவதற்கு 84549-55555 என்ற எண்ணிற்கு மிஸ்டு கால் தரலாம் எனதெரிவித்துள்ளது.

இதன் மூலம் சிலிண்டர் பதிவு செய்வதற்கான அழைப்புகளுக்காக வாடிக்கையாளர்கள் நீண்ட நேரம் காத்திருக்க வேண்டிய அவசியமில்லை.

குறிப்பாக கடந்த சில மாதங்களுக்கு முன்னர் இண்டேன் நிறுவனத்தின் சிலிண்டர்களை பயன்படுத்துவோர் சிலிண்டர் புக்கிங்கிற்கு பிரத்யேக போன் நம்பர் தரப்பட்டிருந்தது. அதன்மூலம் சிலிண்டர்கள் புக்கிங் செய்யப்பட்டு ஒரிரு நாட்களில் சிலிண்டர்கள் டெலிவரி செய்யப்பட்டது. இந்த நிலையில் மிஸ்டுகால் வசதி அறிமுகம் செய்யப்பட்டுள்ளது.

ஒடிஸா மாநிலம் புவனேசுவரத்தில் நடைபெற்ற நிகழ்ச்சியில் மத்திய பெட்ரோலியத்துறை அமைச்சர் தர்மேந்திர பிரதான் இந்த புதிய முறையை தொடங்கி வைத்தார். பின்பு இந்த நிகழ்ச்சியின்போது புவேனசுவரத்தில் மிஸ்டு கால்டு வழியாக புதிதாக சமையல் எரிவாயு சிலிண்டர் இணைப்புப் பெறும் வசதியையும் அவர் தொடங்கி வைத்தார். இந்த வசதி நாடு முழுவதும் விரைவில் விரிவுபடுத்தப்படும் என்று தெரிவிக்கப்பட்டுள்ளது.

அதேபோல் நீங்கள் மாதம் தவறாமல் வாங்கும் கேஸ் சிலிண்டருக்கு அரசிடமிருந்து எவ்வளவு மானியம் கிடைக்கிறது என்று தெரியவில்லையா? அப்படியானால் இந்த பதிவு உங்களுக்கானது தான். அரசிடமிருந்து நீங்கள் வாங்கும் சமையல் சிலிண்டர்களுக்கான மானியம் எவ்வளவு என்பதை, நீங்கள் ஆன்லைன் மூலம் எளிதாகத் தெரிந்துகொள்ளலாம்.

நீங்கள் இண்டேன், பாரத் கேஸ், ஹெச்.பி. கேஸ் என்று எந்த கேஸ் சிலிண்டர் வாங்குபவராக இருந்தாலும் இந்த செயல்முறையை நீங்கள் பின்பற்றலாம். அரசிடமிருந்து நீங்கள் வாங்கும் கேஸ் சிலிண்டரின் மானியம், உங்களின் வங்கிக் கணக்கிலேயே டெபாசிட் செய்யப்படுகிறது.

மாதம் தவறாமல் முன்பதிவு செய்யும் சிலிண்டர்களுக்கு மானியத் தொகை சரியாக வருகிறதா? வங்கிக் கணக்கில் சரியாக டெபாசிட் செய்யப்படுகிறதா? போன்ற சந்தேகங்கள் உங்களுக்கு நிச்சயம் இருக்கும். இந்த சந்தேகத்தை எளிதாக தீர்த்துக்கொள்ள ஆன்லைன் மூலம் நீங்கள் சில நிமிடங்கள் செலவழித்தால் போதுமானது. உடனே தகவலை தெரிந்துகொள்ளலாம்.

முதலில் நீங்கள் பதிவு செய்த சிலிண்டரை வாங்கும் போது, அதற்கான முழு கட்டணத்தையும் செலுத்தி தான் வாங்க வேண்டும். பின்னர் உங்களுக்கான மானியத் தொகை உங்களின் வங்கிக் கணக்கில் அரசு தரப்பிலிருந்து செலுத்தப்படும். இது மாதம் தவறாமல் அரசிடமிருந்து உங்கள் வங்கி கணக்கிற்கு நேரடியாக வரும்படி ஏற்பாடுகள் செய்யப்பட்டுள்ளது. இருப்பினும் உங்களுக்கு இருக்கும் சந்தேகத்தை நீங்கள் ஆன்லைன் மூலம் சரிபார்த்துக்கொள்ளலாம்.

இந்த சிலிண்டர் மானிய திட்டம் குறிப்பாகக் கள்ளச் சந்தையில் அரசின் மானிய விலை கேஸ் சிலிண்டர் விற்கப்படுவதைத் தடுப்பதற்காக அறிமுகம் செய்யப்பட்டது என்பது குறிப்பிடத்தக்கது. ஒரு கேஸ் சிலிண்டர் பயனர் ஒரு வருடத்திற்கு வெறும் 12 சிலிண்டர்களை மட்டுமே அரசின் மானிய விலையில் வாங்க முடியும் என்பதும் குறிப்பிடத்தக்கது. இதனால், வீடுகளில் சமையல் எரிவாயுவை மக்கள் சிக்கனமாகப் பயன்படுத்தத் துவங்கியுள்ளனர்.

சரி, இப்பொழுது எப்படி உங்கள் சிலிண்டருக்கான மானியம் சரியாக வந்து சேருகிறது என்பதை ஆன்லைன் மூலமாகத் தெரிந்துகொள்ளலாம். முதலில் நீங்கள் Mylpg.in என்ற வலைத்தளத்திற்குச் செல்ல வேண்டும். இந்த வலைத்தளத்தின் வழி தான் நீங்கள் உங்களின் மானிய விபரங்களைச் சரி பார்க்க முடியும். இந்த பக்கத்தில் உள்நுழைந்ததும், நீங்கள் இண்டேன் அல்லது பாரத் கேஸ் அல்லது ஹெச்.பி. கேஸ் வாடிக்கையாளரா என்பதைத் தேர்வு செய்ய வேண்டும்.

அடுத்த பக்கத்தில் மெனுவுக்குச் சென்று Give your feedback online என்பதைக் கிளிக் செய்யவும். பின்னர் உங்களின் கஸ்டமர் ஐடி, மாநிலத்தின் பெயர், மொபைல் எண் என வினியோகஸ்தர் தகவல்களைப் பதிவிட வேண்டும். பின்னர் Feedback Type என்பதைக் கிளிக் செய்து, Complaint விருப்பத்தைத் தேர்ந்தெடுத்து ‘Next' என்பதை கிளிக் செய்யுங்கள். இப்போது, உங்கள் வங்கி விவரங்கள் புதிய பக்கத்தில் காண்பிக்கப்படும்.

இதில் உள்ள தகவல்களை வைத்து, உங்கள் வங்கிக் கணக்கில் மானியத் தொகை வந்ததா இல்லையா என்பதை நீங்கள் சரிபார்த்துக்கொள்ளலாம். ஒருவேளை உங்களுக்கு, உங்களின் 17 டிஜிட் எல்பிஜி ஐடி தெரியாவிட்டால் ‘click here to know your LPG ID என்ற விருப்பத்தை கிளிக் செய்யுங்கள். பின்னர், உங்களின் மொபைல் எண், எல்பிஜி வாடிக்கையாளர் ஐடி, மாநிலம், விநியோகர் பெயர் போன்ற விவரங்களை உள்ளிடுங்கள்.

உங்களது எல்பிஜி ஐடி உங்களுக்குத் தெரிய கீழ கொடுக்கப்பட்டுள்ள கேப்ட்சா குறியீட்டைப் டைப் செய்து process கிளிக் செய்யுங்கள். பின்னர் see cylinder booking history or subsidy transfer details என்ற விருப்பத்தை கிளிக் செய்து உங்களின் மானிய தொகை விபரங்களை அறிந்துகொள்ளலாம். இந்த தகவல் தெரியாதவர்களுக்கு இந்த செய்தியைத் தெரியப்படுத்துங்கள், அவர்களுக்கும் பயனுள்ளதாய் அமையட்டும்.