லஷ்கர்-இ-தலிபான் பெயரில் வை-பை: அலறிய மக்கள்: சிக்கிய குற்றவாளி.!

44 வீரர்கள் பலி:

காஷ்மீர் மாநிலத்திற்கு தேர்தல் பாதுகாப்பு பணிக்காக சிஆர்பிஎப் வீரர்கள் சுமார் 2500 பேர் ராணுவ வாகனங்களில் சென்று சென்று கொண்டிருந்தனர். அப்போது, வெடிகுண்டு நிரம்பிய வாகனத்தில் வந்த ஜெய்ஷ்-இ-முகமது அமைப்பை சேர்ந்த பயங்கரவாதி ஒருவரன் கான்வாயில் மோதி வெடி குண்டை வெடிக்க செய்தான். இதில், சம்பவ இடத்தில் 44 வீரர்கள் பலியாகினர். 20க்கும் மேற்பட்டோர் படுகாயடைந்துள்ளனர்.

2 தீவிரவாதிகள் சுட்டுக் கொலை:

புல்வாமா மாவட்டத்தில் பிங்கலன் (Pinglan) என்ற பகுதியில், பதுங்கியிருந்த தீவிரவாதிகள் துப்பாக்கியால் சுட்டதைத் தொடர்ந்து, பாதுகாப்பு படையினரும் பதிலடி கொடுத்தனர். இதைத் தொடர்ந்து விடிய விடிய துப்பாக்கிச் சண்டை நடந்தது. இதில் ஒரு ராணுவ மேஜர் மற்றும் 3 ராணுவ வீரர்கள் என 4 பேர் வீரமரணமடைந்தனர்.

அதேசமயம், 3 தீவிரவாதிகள் சுற்றி வளைக்கப்பட்டு, அவர்களை வேட்டையாடும் பணியில் பாதுகாப்பு படையினர் ஈடுபட்டுள்ளனர். மூளையாக செயல்பட்ட கம்ரான் என்ற தீவிர உட்பட 2 பேர் கொலை செய்யப்பட்டனர்.

லஷ்கர்-இ-தலிபான் பெயரில் பை-பை:

மும்பையில் இளைஞர் ஒருவர் தமது வை-பை சிக்னல் பெயரை லஷ்கர்-இ-தலிபான் என மாற்றியதைத் தொடர்ந்து சக குடியிருப்பு வாசிகள் அதிர்ச்சியில் உறைந்து போயினர்.

அதிர்ச்சியடைந்த மக்கள்:

கல்யாண் என்ற இடத்தில் உள்ள அம்ருத் ஹெவன் காம்ப்ளெக்ஸ்-ல் அடுக்குமாடிக் குடியிருப்பும் அமைந்துள்ளது. அங்கு நேற்று வை-பை இணைக்க முயற்சித்த ஒரு இளைஞர், தமது வீட்டுக்கு அருகே லஷ்கர் - இ - தலிபான் என்ற பெயரில் மற்றொரு வை-பை இருந்ததைக் கண்டு அதிர்ச்சியடைந்தார்.

வாட்ஸ் ஆப் குழுவில் பகிரப்பட்டது:

உடனடியாக தமது குடியிருப்புக்கான வாட்ஸ் ஆப் குழுவில் இதைப் பகிர்ந்து எச்சரித்ததும் போலீசாருக்குத் தகவல் தெரிவிக்கப்பட்டது. பின் 20 வயதான ஒரு இளைஞரை பிடித்த போலீசார், அவனை காவல்நிலையம் அழைத்துச் சென்று விசாரித்தனர்.

உடனடி நடவடிக்கை:

தமது வை-பையை யாரும் பயன்படுத்திவிடக் கூடாது என்பதற்காக விளையாட்டுக்காக அவ்வாறு மாற்றிவைத்ததாக தெரிவித்தார். தீவிர விசாரணையில் அதை உண்மை என அறிந்த போலீசார் இளைஞரை கடுமையாக எச்சரித்து திருப்பி அனுப்பினர்.