அங்க சுத்தி, இங்க சுத்தி இப்போ ஜியோவும் வெடிக்குது..

தான் பயன்படுத்தி வந்த லைஃ போன் வெடித்த சம்பவத்தை அப்படியே ட்விட்டரில் பதிவு செய்திருக்கின்றார் தன்விர் சாதிக். இது குறித்த விசாரணையில் ரிலையன்ஸ் ஜியோ ஈடுபட்டு வருவதாகத் தெரிவிக்கப்பட்டுள்ளது.

வெடித்த தனது லைஃப் கருவியின் புகைப்படங்களுடன், இதே ஸ்மார்ட்போன்களைப் பயன்படுத்துவோர் சற்று எச்சரிக்கையாக இருக்குமாறு சாதிக் ட்விட்டரில் பதிவு செய்துள்ளார்.

புதிய ஆண்ட்ராய்டு ஸ்மார்ட்போன் கருவிகளை சலுகை விலையில் வாங்க கிளிக் செய்யுங்கள்

லைஃப் கருவி வெடித்த சம்பவம் குறித்துக் கருத்து வெளியிட்டிருக்கும் லைஃப் இந்தச் சம்பவம் குறித்து விசாரித்து வருவதாகவும் விரைவில் கருவி வெடித்ததற்கான காரணத்தைக் கண்டறிந்து, முறையான நடவடிக்கையினை எடுப்போம் என ரிலையன்ஸ் ஜியோ சார்பில் தெரிவிக்கப்பட்டுள்ளது.

லைஃப் ஸ்மார்ட்போன் கருவிகள் அனைத்தும் உலகத் தரத்துடன் மிகவும் கவனமாகத் தயாரிக்கப்படுகின்றன. ஒவ்வொரு கருவியும் முறையான தரக்கட்டுப்பாடு வழிமுறைகளுடன் தயாரிக்கப்படுகின்றது என ஜியோ செய்தி தொடர்பாளர் தெரிவித்துள்ளார்.

இந்தியாவில் விற்பனையாகும் 4ஜி கருவிகளில் 8 சதவீத பங்குகளுடன் முதல் மூன்று இடங்களில் ஜியோ இருக்கின்றது. இந்தப் பட்டியல் 2016 ஆம் ஆண்டின் இரண்டாம் காலாண்டு வரையிலானது ஆகும்.

புதிய டேப்ளெட் கருவிகளை சலுகை விலையில் வாங்க கிளிக் செய்யுங்கள்