ரூ. 4,999 விலையில் Lava Z1 ஸ்மார்ட்போன் வாங்கலாம்.. உடனே முந்துங்கள்..

Updated: Friday, February 5, 2021, 12:05 [IST]

லாவா இசட் 1 (Lava Z1) இப்போது இந்தியாவில் அதிகாரப்பூர்வமாக விற்பனைக்கு வந்துள்ளது. இந்த புதிய ஸ்மார்ட்போன் இப்போது அமேசான் இந்தியா வலைத்தளத்தின் மூலம் வாங்குவதற்குக் கிடைக்கிறது. மலிவு விலையில் பெஸ்ட்டா ஒரு புது ஸ்மார்ட்போன் வாங்க வேண்டும் என்று நினைப்பவர்கள் இந்த லாவா இசட் 1 ஸ்மார்ட்போனை வாங்கலாம்.

காரணம் இதன் விலை எதிர்பார்த்திடாத அளவிற்கு மிகவும் மலிவாக இருக்கிறது. அதுமட்டுமின்றி, இந்த ஸ்மார்ட்போன் இந்தியாவில் தயாரிக்கப்பட்ட "மேட் இன் இந்தியா" ஸ்மார்ட்போன் சாதனம் என்பது குறிப்பிடத்தக்கது. இந்த புதிய ஸ்மார்ட்போன் ப்ளூ மற்றும் ரெட் வண்ண விருப்பங்களில் வருகிறது, இதன் விலை வெறும் ரூ .4,999 மட்டுமே.

லாவா சமீபத்தில் தனது புதிய வரம்பான இசட் ஸ்மார்ட்போன்களை அறிமுகப்படுத்தியது. லாவா இசட் 1, லாவா இசட் 2, லாவா இசட் 4 மற்றும் லாவா இசட் 6 ஆகிய ஸ்மார்ட்போன் மாடல் தற்பொழுது Z சீரிஸ் மாடலின் கீழ் அறிமுகம் செய்யப்பட்டது. தற்போது வரை லாவா இசட் 2, லாவா இசட் 4 மற்றும் லாவா இசட் 6 ஆகியவை அமேசானில் வாங்குவதற்குக் கிடைக்கிறது.

அதனைத் தொடர்ந்து இன்று முதல் வாடிக்கையாளர்கள் லாவா இசட் 1 ஸ்மார்ட்போனையும் அமேசான் வழியாகவும் மற்றும் லாவா மொபைல்ஸ்.காம் மற்றும் ஆஃப்லைன் கடைகள் வழியாகவும் வாங்கிக்கொள்ளலாம் என்று நிறுவனம் அறிவித்துள்ளது. இந்த ஸ்மார்ட்போனின் சிறப்பம்ச விபரங்களை இப்போது பார்க்கலாம்.