லாஸ் வேகாஸ் துப்பாக்கிச் சூடு: பெண்ணின் உயிரை காப்பற்றிய ஐபோன்.!

அமெரிக்கா:

அமெரிக்காவின் நெவடா மாகாணத்தில் உள்ள லாஸ் வேகாஸ் ‘ரூட் 91 ஹார்வெஸ்ட்' என்ற பெயரில் 3 நாள் நாட்டுப்புற இசை நிகழ்ச்சி செப்டம்பர் 29-ல் தொடங்கியது. மேலும் இறுதி நாளான ஞாயிற்றுக்கிழமை இரவு 10 மணிக்கு மண்டாலே பேரிசார்ட் அண்ட் கேசினோ என்ற ஓட்டலுக்கு எதிரே நடைபெற்ற நிகழ்ச்சியில் நாட்டுப்புற பாடகர் ஜேசன் அல்தீன் பாடிக் கொண்டிருந்தார்.

மண்டாலே பே:

மண்டாலே பே ஓட்டலின் 32-வது மாடியிலிருந்த ஓர் அறையிலிருந்து ஸ்டீபன் படாக் துப்பாக்கியால் அங்கிருந்தவர்களை சுட்டத்தில் 58 பேர் பலியாகினர்.
மேலும் 500-க்கும் மேற்பட்டோர் காயமடைந்தனர்.

23 துப்பாக்கிகள்:

இச்சம்பவத்தை தொடர்ந்து ஸ்டீபன் படாக் தங்கியிருந்த விடுதியில் போலீசார் சோதனை நடத்தினர். அங்கிருந்து
மொத்தம் 23 துப்பாக்கிகள் பறிமுதல் செய்யப்பட்டன. மேலும் அவரது வீட்டில் இருந்த துப்பாக்கிகள் பறிமுதல் செய்யப்பட்டன.

ஸ்டீபன் படாக்:

குற்றவாளி ஸ்டீபன் படாக், ஏகே 47 ரக துப்பாக்கி மூலம் பொது மக்கள் மீது சரமாரியாக தாக்குதல் நடத்தி உள்ளான்.

ரோஸ் கோல்டு ஐபோன்:

இந்த சம்பவத்தில் உயிரிழக்க வேண்டிய ஒரு பெண் தான் வைத்திருந்த ரோஸ் கோல்டு வண்ண ஐபோன் மூலம் உயிர்பிழைத்தார் என தகவல்
வெளிவந்துள்ளது, ஐபோன் தன் உடலில் தோட்டா நுழையாமல் தடுத்ததாக அந்த பெண் கூறியுள்ளார்.