வீடியோ எடுக்க முயன்ற இளம்பெண்: பண்ணை குளத்தில் பலி! கொலையா? விபத்தா?

டிக் டாக் வீடியோ எடுக்க முயற்சித்த மாலா

பெங்களூரிலிருந்து 75கிலோ மீட்டர் தொலைவில் உள்ள கோலார் என்ற பகுதியில் தான் இந்த சமத்துவம் நடந்தேறியுள்ளது. கால்நடை தீவனம் எடுப்பதற்காகப் பண்ணை வீட்டிற்குச் சென்ற மாலா, டிக் டாக் வீடியோ ஒன்றை ரெக்கார்ட் செய்ய முயன்றிருக்கிறார்.

குளத்தினுள் விழுந்து மரணம்

பண்ணை வீட்டில் உள்ள குளத்தருகில் அமர்ந்து வீடியோ பதிவு செய்திருக்கிறார். எதிர்பாராத விதமாக வீடியோ பதிவு செய்யும் பொழுது தடுமாறி குளத்தினுள் விழுந்து, நீரில் மூழ்கி உயிர் இழந்திருக்கிறார். தீவனம் எடுக்கச் சென்ற மகள் இன்னும் வீடு திரும்பவில்லை என்று மாலாவைத் தேடிப் பெற்றோர்கள் பண்ணை வீட்டிற்குச் சென்றுள்ளனர்.

சந்தேகத்தின் பெயரில் விசாரணை

குளத்தில் மாலா பிணமாக மிதந்ததைக் கண்டு அதிர்ந்துபோன பெற்றோர், அவரின் உடலை மீட்டுள்ளனர். இறுதிச் சடங்குகள் முடிந்து மாலாவின் உடல் அவர்களின் முறைப்படி புதைக்கப்பட்டிருக்கிறது. சம்பவம் பற்றிய தகவல் அறிந்து போலீசார் சந்தேகத்தின் பெயரில் விசாரணை துவங்கியுள்ளனர்.

காணாமல் போன ஸ்மார்ட்போன்

மாலா பயன்படுத்திய ஸ்மார்ட்போன் இன்னும் கிடைக்காத நிலையில், சந்தேகம் வலுத்துள்ளதாக போலீசார் தெரிவித்துள்ளனர். இது உண்மையிலேயே விபத்து தானா அல்லது கொலை செய்து இது போன்று சித்தரிக்கப்பட்டுள்ளதா என்ற கோணத்தில் போலீசார் விசாரணையைத் துவங்கியுள்ளனர்.

பிரேத பரிசோதனை

குளம் முழுதும் மாலாவின் ஸ்மார்ட்போனை தேடும் பனி துவங்கியுள்ளது. மாலாவின் உடல் மீண்டும் வெளியே எடுக்கப்பட்டு பிரேத பரிசோதனைக்காக அனுப்பப்பட்டுள்ளது என்றும் போலீசார் தெரிவித்துள்ளனர். அடுத்தகட்ட விசாரணையில் உண்மை என்ன என்பது கண்டுபிடிக்கப்படும் என்று காவல்துறை தெரிவித்துள்ளது.