ஜியோபோன் வாடிக்கையாளர்களுக்கு இப்படியொரு சோதனையா? ரீசார்ஜ் விலை உயர்வு.! முழு விவரம்.!

ஜியோபோன் வாடிக்கையாளர்களுக்கு புதிய கட்டணம்

ஆனால் தற்போது ஜியோ வாடிக்கையாளர்களுக்கு அதிர்ச்சி தரும் செய்தி வெளிவந்துள்ளது. அதாவது சமீபத்தில் எகனாமிக் டைம் செய்தி நிறுவனம் வெளியிட்ட தகவல் என்னவென்றால், ஜியோபோன் ரீசார்ஜ் திட்டங்களின் விலையை 20 விழுக்காடு வரை அதிகரித்துள்ளது ரிலையன்ஸ் ஜியோ. மேலும் இதுசார்ந்த தகவலை சற்று விரிவாகப் பார்ப்போம்.

ஜியோபோன் ரூ.155 திட்டம்

அதாவது 28நாட்கள் வேலிடிட்டி தரும் ரூ.155 திட்டத்தின் விலையை ரூ.186-ஆக உயர்த்தியுள்ளது ஜியோ நிறுவனம். அதேபோல் தினசரி 2ஜிபி டேட்டா, 28நாட்கள் வேலிடிட்டி தரும் ரூ.185 திட்டத்தின் விலையை ரூ.222-ஆக உயர்த்தியுள்ளது ஜியோ.

ஜியோபோன் ரூ.749 திட்டம்

அதேபோல் 336 நாட்கள் வேலிடிட்டி தரும் ரூ.749 திட்டத்தின் விலையை ரூ.899-ஆக உயர்த்தியுள்ளது ஜியோ நிறுவனம். இந்த திட்டங்கள் அனைத்தும் வாடிக்கையாளர்களுக்கு பொருந்தும் என்று நிறுவனம் வெளியிட்டுள்ள அறிக்கையில் குறிப்பிடப்பட்டுள்ளது. அதேபோல் அந்த செய்தி குறிப்பில் அறிமுக சலுகை காலம் முடிவடைந்ததால், ரிலையன்ஸ் ஜியோவின் மலிவு விலை திட்டங்களின் விலை உயர்த்தப்படுவதாக தெரிவிக்கப்பட்டுள்ளது.

தீபாவளிக்குள் விலை உயரும்

ஏற்கனவே வெளிவந்த தகவலின்படி, வரும் தீபாவளிக்குள் ஜியோ, ஏர்டெல் மற்றும் வோடபோன் ஐடியா நிறுவனங்கள் தங்களது ப்ரீபெய்ட் திட்டங்களின்விலையை 10 முதல் 20 விழுக்காடு வரை அதிகரிக்கலாம் என்று தெரிவிக்கப்பட்டுள்ளது. எனவே தீபாவளிக்கு முன்பு நீண்ட நாட்கள் வேலிடிட்டி தரும் ஒரு ப்ரீபெய்ட் திட்டத்தை தேர்வு செய்வது நல்லது. மேலும் ஜியோ நிறுவனத்தின் சில அசத்தலான திட்டங்களை இப்போது பார்ப்போம்.

ஜியோ ரூ.533 திட்டம்

ஜியோ நிறுவனம் வழங்கும் ரூ.533 ப்ரீபெய்ட் திட்டம் தினசரி 2ஜிபி டேட்டாவை வழங்குகிறது. குறிப்பாக இந்த திட்டத்தின் வேலிடிட்டி 56 நாட்கள் ஆகும். எனவே இந்த திட்டத்தில் மொத்தமாக 112ஜிபி டேட்டா நன்மை கிடைக்கும். அதேபோல் வரம்பற்ற அழைப்பு நன்மைகள், தினசரி 100 எஸ்எம்எஸ் உள்ளிட்ட நன்மைகளும் இந்த திட்டத்தில்உள்ளன. பின்பு jioTV, JioCinema, JioSecurity மற்றும் JioCloud போன்ற ஆப் பயன்பாடுகளுக்கான இலவச சந்தாவையும் வழங்குகிறது இந்த ஜியோ ரூ.533 ப்ரீபெய்ட் திட்டம்.

ஜியோ ரூ.719 திட்டம்

ஜியோ நிறுவனத்தின் ரூ.719 ப்ரீபெய்ட் திட்டம் ஆனது தினசரி 2ஜிபி டேட்டா நன்மையை வழங்குகிறது. பின்பு இந்த திட்டத்தின் வேலிடிட்டி 84 நாட்கள் ஆகும். எனவேஇந்த திட்டத்தில் மொத்தமாக 168ஜிபி டேட்டா நன்மை கிடைக்கும். அதேபோல் வரம்பற்ற குரல் அழைப்பு நன்மைகள், தினசரி 100 எஸ்எம்எஸ், ஜியோ ஆப்
பயன்பாடுகளுக்கான அணுகல் உள்ளிட்ட பல நன்மைகளை வழங்குகிறது இந்த அட்டகாசமான திட்டம்.

ஜியோ ரூ.799 திட்டம்

ஜியோ நிறுவனத்தின் ரூ.799 ப்ரீபெய்ட் திட்டம் ஆனது டிஸ்னி+ ஹாட்ஸ்டாரின் வருடாந்திர சந்தாவுடன் வருகிறது. எனவே திட்டத்தை நம்பி தேர்வு செய்யலாம். பின்பு இந்த ரூ.799 ப்ரீபெய்ட் திட்டத்தில் தினசரி 2ஜிபி டேட்டா,வரம்பற்ற குரல் அழைப்பு நன்மைகள், தினசரி 100 எஸ்எம்எஸ் போன்ற பல நன்மைகள் கிடைக்கும். குறிப்பாக இந்த திட்டத்தின் வேலிடிட்டி 56 நாட்கள் ஆகும். அதேபோல் jioTV, JioCinema, JioSecurity மற்றும் JioCloud போன்ற ஆப் பயன்பாடுகளுக்கான இலவச சந்தாவையும் வழங்குகிறது ஜியோ ரூ.799 திட்டம்.

5ஜி சேவை?

அதேபோல் விரைவில் ஜியோ நிறுவனம் 5ஜி சேவையை அறிமுகம் செய்யும் என்பதால் அதிக எதிர்பார்ப்புகளை உருவாக்கியுள்ளது. ஆனாலும் இந்நிறுவனம் தீபாவளிக்குள் ப்ரீபெய்ட் திட்டங்களின் விலையை உயர்த்தும் என்பதுதான் சோர்வடையச் செய்கிறது.