4G வேகம்: Airtel, Jio, Vi: யாரு டாப்பு? சொதப்பியது யாரு? ட்ராய் தகவல்.!

இந்நிலையில் 4ஜி தொழில்நுட்பத்தில் இணையதள பதிவேற்றம், பதிவிறக்கம் ஆகிய இரண்டின் வேகத்திலும் ஜியோ நிறுவனம் முதல் இடத்தை தக்கவைத்துள்ளது. மேலும் இது சார்ந்த தகவலைச் சற்று விரிவாகப் பார்ப்போம்.

ட்ராய் வெளியிட்ட தகவல்

அதாவது இது தொடர்பாகத் தொலைத்தொடர்பு ஒழுங்குமுறை ஆணையமான ட்ராய் வெளியிட்ட தகவல் என்னவென்றால், 4ஜி பதிவிறக்கம், பதிவேற்றம் ஆகிய இரண்டின் சராசரி வேகத்திலுமே கடந்த அக்டோபர் மாதத்தில் ரிலையன்ஸ் ஜியோ நிறுவனம் முதல் இடத்தை பிடித்துள்ளது.

அதாவது கடந்த மாதத்தில் ஜியோ நிறுவனம் விநாடிக்குச் சராசரியாக 20.3 எம்பிபிஎஸ் என்ற வேகத்தைப் பதிவு செய்தது. இதன் மூலம் பதிவிறக்க வேகத்தில் தனது முன்னிலையை ஜியோ நிறுவனம் தொடர்ந்து தக்கவைத்துக் கொண்டுள்ளது.

ஏர்டெல்?

அதேசமயம் பதிவிறக்க வேகத்தில் 15எம்பிபிஎஸ் வேகத்துடன் ஏர்டெல் நிறுவனம் இரண்டாவது இடத்தை பிடித்துள்ளது. மேலும் 4.5எம்பிபிஎஸ் சராசரி பதிவிறக்க வேகத்துடன் வோடபோன் ஐடியா மூன்றாவது இடத்தை பிடித்துள்ளது என்பது குறிப்பிடத்தக்கது.

ஜியோவின் பதிவேற்ற வேகம்

ஆனால் பதிவேற்ற வேகத்தை பொருத்தவரை ஜியோ சற்று பின்தங்கியுள்ளது என்றுதான் கூறவேண்டும். அதாவது கடந்த செப்டம்பர் மாதம் ஜியோவின் பதிவேற்ற வேகம் 6.4எம்பிபிஎஸ் ஆக இருந்தது, அக்டோபரில் 6.2எம்பிபிஎஸ் ஆகக் குறைந்துவிட்டது. இருந்தபோதிலும் இந்தப் பிரிவில் ஜியோ நிறுவனம் மட்டுமே முன்னிலை வகித்து வருகிறது.

வோடபோன் ஐடியா?

குறிப்பாக பதிவேற்ற வேகத்தில் ஜியோவுக்கு அடுத்தபடியாக வோடபோன் ஐடியா சாரசரியாக 4.5 எம்பிபிஎஸ் பதிவேற்ற வேகத்தைப் பதிவு செய்து இரண்டாவது இடத்தை பிடித்துள்ளது. அதன்பின்பு ஏர்டெல் நிறுவனம் சராசரியாக 2.7 எம்பிபிஎஸ் பதிவேற்ற வேகத்தைப் பதிவு செய்து மூன்றாவது இடத்தை பிடித்துள்ளது.

டிஸ்னி+ ஹாட்ஸ்டார்

மேலும் கடந்த மாதம் ஜியோவின் டிஸ்னி+ ஹாட்ஸ்டார் சந்தாவை வழங்கிய 12 திட்டங்கள் - ஒரே நேரத்தில் - நீக்கப்பட்டது. அதன் பின்னர் ரூ 1,499 மற்றும் ரூ.4,199 என்கிற 2 ப்ரீபெய்ட் ரீசார்ஜ்களின் வழியாக மட்டுமே டிஸ்னி+ ஹாட்ஸ்டார் சந்தா அணுக கிடைத்தது. தற்போது அந்த இரண்டு திட்டங்களும் கூட நீக்கப்பட்டுள்ளது.

கடந்த மாதம் நீக்கப்பட்ட டிஸ்னி பிளஸ் ஹாட்ஸ்டார் திட்டங்களின் பட்டியலில், ரூ.1499 மற்றும் ரூ.4,199 மதிப்பிலான ப்ரீபெய்ட் ரீசார்ஜ்களும் இணைந்துள்ளன. இதன் மூலம் ப்ரீபெய்ட் பயனர்களுக்கு டிஸ்னி+ ஹாட்ஸ்டார் சந்தாவை வழங்கி வந்த அனைத்து ரீசார்ஜ் திட்டங்களையும் ஜியோ நிறுவனம் கைவிட்டுள்ளது! ரிலையன்ஸ் ஜியோவின் அதிகாரப்பூர்வ இணையதளத்தில் உள்ள ரீசார்ஜ் பட்டியலிலும் சரி, பேடிஎம் மற்றும் அமேசான் பே போன்ற மூன்றாம் தரப்பு ரீசார்ஜ் தளங்களிலும் சரி.. எங்குமே ரூ.1,499 மற்றும் ரூ.4,199 திட்டங்கள் காணப்படவில்லை என்பது குறிப்பிடத்தக்கது.