Jio, Airtel சிம் இருக்கா.. வருடம் முழுக்க வேலிடிட்டி.. ரூ.1748 முதல் இறக்கிய டெலிகாம் நிறுவனங்கள்.. என்னென்ன?

மொபைல் டேட்டா அதிகம் தேவையில்லாத, ஆனால் நீண்ட நாட்களுக்கு அன்லிமிடெட் வாய்ஸ் காலிங் மற்றும் எஸ்எம்எஸ் வசதி மட்டும் தேவைப்படும் வாடிக்கையாளர்களுக்காக ஏர்டெல் (Airtel) மற்றும் ரிலையன்ஸ் ஜியோ (Jio) நிறுவனங்கள் பிரத்யேக ப்ரீபெய்ட் திட்டங்களை வழங்கி வருகின்றன. டேட்டா இல்லாமல், வாய்ஸ் காலிங் மற்றும் கூடுதல் நன்மைகளுடன் கிடைக்கும் 4 திட்டங்களின் விவரங்கள் இதோ.

பார்தி ஏர்டெல் திட்டங்கள் (Bharti Airtel Plans)
1. ரூ. 1,849 ப்ரீபெய்ட் திட்டம் (365 நாட்கள் வேலிடிட்டி)
வேலிடிட்டி: 365 நாட்கள் (முழுமையாக ஒரு வருடம்) வேலிடிட்டி கிடைக்கிறது.
நன்மைகள்: அன்லிமிடெட் லோக்கல், எஸ்டிடி மற்றும் ரோமிங் வாய்ஸ் காலிங், மொத்தமாக 3,600 எஸ்எம்எஸ்கள் வருகின்றன.

கூடுதல் சலுகைகள்: இந்த திட்டத்தின் முக்கிய சிறப்பம்சமே, இதில் ஒரு வருடத்திற்கான அடோப் எக்ஸ்பிரஸ் பிரீமியம் (Adobe Express Premium) (1 வருட சந்தா) முற்றிலும் இலவசமாகக் கிடைக்கிறது. இந்த சந்தா மதிப்பு ரூ. 4,000 ஆகும். இது தவிர, இலவச ஹேலோ டியூன்கள் சலுகை கிடைக்கும்.
டேட்டா: இதில் டேட்டா எதுவும் சேர்க்கப்படவில்லை. தேவைப்படும் போது வாடிக்கையாளர்கள் தனியாக டேட்டா வவுச்சர்களை (Data Vouchers) ரீசார்ஜ் செய்து கொள்ளலாம்.

2. ரூ. 469 ப்ரீபெய்ட் திட்டம் (84 நாட்கள் வேலிடிட்டி)
வேலிடிட்டி: 84 நாட்கள் வேலிடிட்டி கிடைக்கிறது.
நன்மைகள்: அன்லிமிடெட் லோக்கல், எஸ்டிடி, ரோமிங் வாய்ஸ் காலிங் மற்றும் 900 எஸ்எம்எஸ் வருகின்றன.
கூடுதல் சலுகைகள்: பட்ஜெட் விலையில் அமைந்த இந்த திட்டத்திலும் ரூ.4,000 மதிப்புள்ள அடோப் எக்ஸ்பிரஸ் பிரீமியம் (1 வருட சந்தா) மற்றும் இலவச ஹேலோ டியூன்ஸ் கிடைக்கின்றன.
யாருக்கு சிறந்தது? குறைந்த பட்ஜெட்டில் நீண்ட நாள் வேலிடிட்டி தேடுபவர்களுக்கும் இது மிகச்சிறந்த தேர்வாகும்.

ரிலையன்ஸ் ஜியோ திட்டங்கள் (Reliance Jio Plans)
1. ரூ. 1,748 ப்ரீபெய்ட் திட்டம் (336 நாட்கள் வேலிடிட்டி)
வேலிடிட்டி: 336 நாட்கள் வேலிடிட்டி கொடுக்கிறது.
நன்மைகள்: அன்லிமிடெட் லோக்கல், எஸ்டிடி, ரோமிங் வாய்ஸ் காலிங் மற்றும் 3,600 எஸ்எம்எஸ்கள் கிடைக்கிறது.
கூடுதல் சலுகைகள்: இது முழுக்க முழுக்க வாய்ஸ் காலிங் மற்றும் வேலிடிட்டிக்கான திட்டம் என்பதால் இதில் பெரிய ஆஃபர்கள் எதுவும் இல்லை. இருப்பினும், ஜியோ டிவி மற்றும் ஜியோஏஐகிளவுட் ஆகிய ஆப்களுக்கான இலவச அணுகல் கிடைக்கிறது.
டேட்டா: இதில் டேட்டா கிடையாது. தேவைக்கு ஏற்ப தனியாக டேட்டா பேக் (Data Pack) ரீசார்ஜ் செய்து கொள்ளலாம்.

2. ரூ. 448 ப்ரீபெய்ட் திட்டம் (84 நாட்கள் வேலிடிட்டி)
வேலிடிட்டி: 84 நாட்கள் வேலிடிட்டி கிடைக்கிறது.
நன்மைகள்: அன்லிமிடெட் லோக்கல், எஸ்டிடி, ரோமிங் வாய்ஸ் காலிங் மற்றும் 1,000 எஸ்எம்எஸ்கள் வருகிறது.
கூடுதல் சலுகைகள்: இந்த திட்டத்தில் கூடுதல் நன்மைகளாக ஜியோடிவி மற்றும் ஜியோஏஐகிளவுட் ஆகியவை மட்டுமே வழங்கப்படுகின்றன.
டேட்டா: டேட்டா நன்மைகள் எதுவும் சேர்க்கப்படவில்லை. வாடிக்கையாளர்கள் தங்களுக்குத் தேவைப்படும் போது தனியாக டேட்டா பேக்குகளை டாப்-அப் செய்து பயன்படுத்திக் கொள்ளலாம்.

உங்களுக்கு காலிங் வசதியோடு சேர்த்து, பிரீமியம் ஆப்ஸ் (Adobe Express) நன்மைகளும் வேண்டும் என்றால் ஏர்டெல் திட்டங்களைத் தேர்வு செய்யலாம். அதே சமயம், கூடுதல் நன்மைகள் எதுவும் தேவையில்லை, வெறும் காலிங் மற்றும் வேலிடிட்டி மட்டுமே போதும் என்பவர்களுக்கு ஜியோவின் திட்டங்கள் கச்சிதமாக இருக்கும்.