Jio பயனர்கள் குஷி! ஜியோ தனது 5ஜி சேவையை சத்தமில்லாமல் துவங்க தயாராகிவிட்டது!

ரிலையன்ஸ் ஜியோ 5ஜி சேவை

ரிலையன்ஸ் ஜியோ நிறுவனம் புதிய வாய்ஸ் ஓவர் ரேடியோ தொழில்நுட்பம் என்று அழைக்கப்படும் VoNR தொழிநுட்பத்தின் மூலம் 5ஜி சேவையை துவங்கவுள்ளது என்று நிறுவனம் தெரிவித்துள்ளது. ET டெலிகாம் அறிவித்தபடி, ஜியோ இயங்குதளங்கள் ஏற்கனவே அதன் சொந்த ஐ.எம்.எஸ் (IMS) என்று அழைக்கப்படும் ஐபி மல்டிமீடியா துணை அமைப்புடன் உருவாக்கப்பட்டு இயங்கிவருகிறது என்பது குறிப்பிடத்தக்கதாகும்.

ரிலையன்ஸ் ஜியோவின் VoLTE சேவைகளின் முதுகெலும்பாக இந்த IMS செயல்படுகிறது. இது தினசரி அடிப்படையில் 10 பில்லியன் நிமிட அழைப்புகளைக் கையாளுகிறது. ஜியோ இயங்குதளங்கள் ரேடியோ மற்றும் முக்கிய கூறுகள் உள்ளிட்ட தயாரிப்புகள் மற்றும் தளங்களின் எண்டு-டு-எண்டு தொகுப்பை உருவாக்கியுள்ளன. இதில் முக்கியமான விஷயம் என்னவென்றால் ஜியோவின் அனைத்து தயாரிப்புகளும் இந்தியாவில் தயாரிக்கப்படுகின்றது.

ஏர்டெல் வழங்கும் 2 ஜிபி இலவச டேட்டாவை பெறுவது எப்படி? கூப்பன் எண்ணிற்கு சிப்ஸ் சாப்பிடணும்!

VoNR சேவைகள் இந்தியாவில் 5 ஜி நெட்வொர்க்கை இயக்கும்
ரிலையன்ஸ் இண்டஸ்ட்ரீஸ் லிமிடெட் தலைவராக இருக்கும் கிரண் தாமஸ், 4 ஜி நெட்வொர்க்குகளுக்கான ஐஎம்எஸ் பின்தங்கிய இணக்கத்தன்மை கொண்டது என்றும் இது 5 ஜி நெட்வொர்க்குடன் செயல்படும் என்றும் கூறியுள்ளார். 5 ஜி நெட்வொர்க்கை செயல்படுத்துவதற்கு VoLTE-க்கு பதிலாக வாய்ஸ் ஓவர் நியூ ரேடியோ (VoNR) சேவைகள் பயன்படுத்தப்படும் என்றும் அவர் கூறினார்.

5 ஜி ஸ்பெக்ட்ரம்

இருப்பினும், நிறுவனத்தின் தயாரிப்புகள் 4 ஜி நெட்வொர்க்குடன் பின்தங்கிய இணக்கமாக இருப்பதால், VoLTE சேவைகள் ஒரே கருவியில் எந்த இடையூறும் இல்லாமல் பயன்படுத்தப்படும். மேலும், உள்நாட்டு தொழில்நுட்பங்கள் மற்றும் தீர்வுகளைப் பயன்படுத்தி 5 ஜி ஸ்பெக்ட்ரம் தனது முதல் 5 ஜி சோதனைகளை இந்தியாவில் தொடங்க நிறுவனம் காத்திருக்கிறது என்று தெரிவித்துள்ளார்.

ஒரு நற்செய்தி: கொரோனாவைக் கொல்லும் கருவி கண்டுபிடிப்பு: இனி எல்லா இடத்துலயும் இதான்!

5 ஜி சோதனை

ஜியோ ஏற்கனவே முழு 5ஜி சேவைக்கான செயல்பாடுகளை உருவாக்கியுள்ளது, மேலும் இது பல்வேறு 4 ஜி கருவிகளை அதன் சொந்த வளர்ந்த தொழில்நுட்பங்களுடன் மாற்றியுள்ளது. இப்போது, ​​இந்தியாவில் 5 ஜி சோதனைகளில் நிறுவனம் தனது சொந்த தீர்வை சோதித்துள்ளது. நாட்டில் பல வெற்றிகரமான சோதனைகளுக்குப் பிறகு உலகளாவிய ரீதியில் மற்ற தொலைத் தொடர்பு ஆபரேட்டர்களுக்கு முழுமையான இறுதி முதல் தீர்வை விநியோகிக்கும் நிலையில் ஜியோ உள்ளது.

இந்தியாவில் 5 ஜி கொண்டுவருவதற்கான முழு தொழில்நுட்பங்களையும் தீர்வுகளையும் ஜியோ இயங்குதளங்கள் உருவாக்கி வருவதாக கிரண் தாமஸ் மேலும் தெரிவித்தார். மேலும், ஜியோ இயங்குதளங்கள் அறிவுசார் சொத்துக்களை வளர்த்து வருகின்றன, மேலும் ரிலையன்ஸ் ஜியோ மற்றும் பல்வேறு வணிகங்களை ஆதரிக்கும் உள்நாட்டு தீர்வுகள் ரிலையன்ஸ் இண்டஸ்ட்ரீஸ் அதன் இடத்தை உருவாக்கியுள்ளது என்றும் அவர் தெரிவித்துள்ளார்.