ஒரே போடு.. ரூ.1000 நேரடி தள்ளுபடி.. Jio கொடுத்த சர்ப்ரைஸ்.. என்ன திட்டம்? யாருக்கெல்லாம் கிடைக்கும்?

ஜியோ (Jio) தனது ஜியோ ஏர்ஃபைபர் (Jio AirFiber) சேவைக்கான புதிய விளம்பரத்தை அறிமுகப்படுத்தியுள்ளது. ஜியோ ஃப்ரீடம் ஆஃபர் (Jio Freedom Offer) என்ற பெயருடன் ஜியோ நிறுவனம் இப்போது இன்ஸ்டாலேஷன் கட்டணத்தைத் தள்ளுபடி செய்வதாக அறிவித்துள்ளது. இதன் மூலம் ஜியோ நிறுவனம் இன்னும் ஏராளமான புதிய பயனர்களை தன்வசம் ஈர்க்க பார்ப்பதை நோக்கமாகக் கொண்டுள்ளது. இந்த ஆஃபர் குறிப்பிட்ட காலத்திற்கு மட்டுமே கிடைக்கும் என்று அறிவிக்கப்பட்டுள்ளது. ஏற்கனவே உள்ள மற்றும் புதிய முன்பதிவுகளுக்கு இந்த சலுகை பொருந்தும்.

ஜியோ ஃப்ரீடம் ஆஃபர் பற்றிய விவரங்கள் இதோ. ஜியோவின் புதிய ஃப்ரீடம் ஆஃபரின் கீழ், ஜியோ புதிய ஏர்ஃபைபர் பயனர்களுக்கு 30 சதவீத தள்ளுபடியை வழங்குகிறது. ஜூலை 26 மற்றும் ஆகஸ்ட் 15 ஆம் தேதிக்கு இடையில் சேவையுடன் சேருபவர்களுக்கு இன்ஸ்டாலேஷன் கட்டணத்தில் ரூ.1000 தள்ளுபடி கிடைக்கும் என்று அறிவிக்கப்பட்டுள்ளது.

ஜியோ ஃப்ரீடம் ஆஃபர் (Jio Freedom Offer):

இந்த ஜீரோ இன்ஸ்டாலேஷன் கட்டணம் 3 மாதங்கள், 6 மாதங்கள் மற்றும் 12 மாதங்கள் ஆகிய அனைத்து ஜியோ ஏர் ஃபைபர் 5ஜி (Jio AirFiber 5G) மற்றும் ஜியோ ஏர்ஃபைபர் பிளஸ் (Jio AirFiber Plus) திட்டங்களுக்கும் பொருந்தும். இந்த சலுகையில் ஆகஸ்ட் 15 வரையிலான அனைத்து புதிய மற்றும் ஏற்கனவே உள்ள முன்பதிவுகள் மற்றும் செயல்படுத்தல்களும் ஜியோ ஃப்ரீடம் ஆஃபர் பொருந்தும்.

எடுத்துக்காட்டாக, 3 மாத ஆல் இன் ஒன் திட்டத்தைத் தேர்வுசெய்யும் பயனர்கள் பொதுவாக ரூ.3,121 என்ற கட்டணத்தை செலுத்துவார்கள். இதில் திட்டத்திற்கு ரூ.2,121 மற்றும் நிறுவலுக்கு ரூ.1,000 அடங்கும். ஃப்ரீடம் ஆஃபர் மூலம், இனி அவர்கள் ரூ.2,121 செலுத்தினால் மட்டும் போதும். இந்த சலுகைக்கு கூடுதலாக, ஜியோ சமீபத்தில் ஜியோடேக் ஏர் (JioTag Air) சாதனத்தையும் அறிமுகப்படுத்தியது.

இந்த ஸ்மார்ட் டிராக்கர் பயணிகளின் தொலைந்து போன லக்கேஜ் பிரச்சினையை நிவர்த்தி செய்கிறது. ஜியோ பயனர்களின் தனிப்பட்ட உடமைகளை இழப்பதைத் தடுக்கும் நோக்கில் மலிவு விலையில் இந்த புதிய சாதனத்தை அறிமுகம் செய்துள்ளது. ஜியோ டேக் ஏர் (JioTag Air) ஆனது பாக்கெட்டுகள் அல்லது பைகளில் எளிதில் பொருந்தக்கூடிய நேர்த்தியான மற்றும் சிறிய வடிவமைப்பைக் கொண்டுள்ளது.

ஜியோ டேக் ஏர் (JioTag Air):

இது ஸ்மார்ட்போன்கள் வழியாக வயர்லெஸ் டிராக்கிங்கிற்கு புளூடூத் 5.3 தொழில்நுட்பத்தைப் பயன்படுத்துகிறது. சாதனத்தில் உள்ளமைக்கப்பட்ட ஸ்பீக்கரும் உள்ளது. இது 90 முதல் 120 டெசிபல்களுக்கு இடையில் ஒலியை வெளியிடுகிறது. இந்த புதிய கண்காணிப்பு அம்சம் தொலைந்து போன சாமான்களை கண்டுபிடிக்க உதவுகிறது. சிறிய போர்ட்டபிள் கேஜெட் பல்துறை பயன்பாட்டு விருப்பங்களை வழங்குகிறது.

ஜியோவின் சமீபத்திய முயற்சிகள் ஃப்ரீடம் ஆஃபர் மற்றும் ஜியோடேக் ஏர் போன்ற புதுமையான தயாரிப்புகள் போன்ற நடைமுறை தீர்வுகளை வழங்குவதன் மூலம் பயனர் அனுபவத்தை மேம்படுத்துவதை நோக்கமாகக் கொண்டுள்ளது. இது ட்ராக்கர் சாதனமாக இருப்பதனால், குழந்தைகளின் ஸ்கூல் பேக்கில் கூட இதை நீங்கள் பயன்படுத்தி, அவர்களுடைய லைவ் லொகேஷனை நீங்கள் காணலாம்.