இந்திய டெலிகாம் நிறுவனங்களிடம் இரண்டாவது முறையும் ஏமாறக்கூடாது.!

டெலிகாம் விடயத்தில் ஏமாறுகிறோமா.? தெளிவாக சிந்திக்க வேண்டிய நேரமிது.!

By Muthuraj

Updated: Monday, March 20, 2017, 12:27 [IST]

ஒரு ஜிபி அளவிலான 4ஜி டேட்டாவை வெறும் 10 ரூபாய்க்கு ஏர்டெல் போன்ற பெருநிறுவனங்களால் நமக்கு அளிக்க முடியும் என்றால் ஏன் இத்தனை நாள் வாடிக்கையாளர்களுக்கு அதை வழங்கவில்லை.? ஆக, கற்பனைகூட செய்து பார்க்க முடியாத லாபத்திற்கும் வியாபாரத்திற்கும் தான் தனியார் நிறுவனங்கள் மக்களை வாடிக்கையாளர்கள் என்றுகூறி பயன்படுத்திக் கொள்கிறது என்பது ஜியோ அறிமுகத்திற்கு பின்னர் வெளிப்படை.

சரி, காலம் காலமாக தனியார் நிறுவனம் அப்படித்தான் இருக்கும் என்றே வைத்துக்கொள்வோம். அரசாங்கம் நடத்தும் பிஎஸ்என்எல் நிறுவனம் தற்போது நாள் ஒன்றிற்கு 2ஜிபி அளவிலான டேட்டாவை (ஜியோவின் ஒரு நாள் வரம்பை விட அதிக டேட்டா) வெறும் ரூ.339/-க்கு வழங்குவதாக அறிவித்துள்ளதே - இதற்கு என்ன அர்த்தம்.?? ஆக அரசாங்கமும் சரி தனியாரும் சரி, ஒன்றுகூடி நமக்கு நல்லா விபூதி அடிச்சருக்காங்க என்பது இப்போது நன்றாக தெளிவுப்படுகிறது.!

வாடிக்கையாளராக நாம்

இப்படியாக பழைய டெலிகாம் நிறுவனங்கள் மீது வெறுப்பும் புதிய சேவையான ரிலையன்ஸ் ஜியோ மீது நம்பிக்கையில்லா தன்மையும் ஏற்பட்டுள்ள இந்த நேரத்தில் பயனர்களாகிய நாம் முழுமையாக அனைத்தையும் ஒதுக்கிடவும் முடியாது. ஏனெனில் வாடிக்கையாளராக நாம் சலுகைகளை அனுபவிக்க வேண்டியது அவசியமாகிறது. அப்படியாக நாம் தெளிவாக சிந்தித்து செயல்படிய வேண்டிய நேரமிது என்றே கூறலாம்.

சிறந்த 4ஜி சேவை

ஜியோ, ஏர்டெல், ஐடியா, வோடோபோன் மற்றும் பிஎஸ்என்எல் ஆகிய நிறுவனங்களில் எதோ ஒரு சேவையை தான் நம்மில் 90% பேர் அணுகவுள்ளோம். அப்படியாக, இந்த 5 நிறுவனத்தில் எது சிறந்த 4ஜி சேவையை உங்களுக்கு வழங்குகிறது என்பதை முடிவு செய்ய வேண்டியது நீங்கள் தான்.